Yákob 1:22 - Fayam Midhab Yiesu Kiristoká He Hol Af Iđiny Kaanaká

²² Haí hol nyimísan, hí hállééllá ˈdéé taalle tákámle nee kokôny, ˈdee héllé hogodhoká eekemeyyíe.

Yákob 1:22 ပူးပေါင်းရင်းမြစ်များ

Matááyo 12:50

Máá ˈJaa chia úr ijoká hát fedoká ekemeyoká in nyárchú, in nyaarchú, in ˈjiechú, mú yie.

Matááyo 28:20

Itín he lullé yú hí kí mureká gáál onisía, gaal hí he onisinychú chirat. Yú yáá bar lulle ke hol ˈguo, ˈjíig biiy el ˈdáˈdle đig, Yíésu hí lalille yie.

Lúka 11:28

Aalé Yíésu kieye, Máá ˈdeeny Waaˈgiet maalo-, tá ˈdéé el gaa veeroká, máá kinaallá ííni súm Waag hí buanne, yie.

Yuána 13:17

Aalé hééllá hí óíyta-, hí ekemeychoka, Waag haí ˈdú ˈgunnuanna.

Róóma 2:13

Aaléka, gál hemuumurit kinaal mamalo-, kor hemuumurít el ma gaa igirinyká, innum Waaˈgietka hé gál ˈdúwaká muuniny. Tá gál hemuumurit kinaal el gaa igiro-, ekemeyoká in Waag innumleka, Waag hí gál ˈdúwaká chegedhe.

Korínto Erká 15:33

Aaléka, ha gaalí bađisîny. Sheel ˈdeđewká húgúm midhabká hai ˈdeđeneyche.

Korínto Erká 3:18

Máádhat hai hol nyiimísan. Itín mú tikiˈd hol máá ˈdaalléká ká dhaayka, máá kinaallá innum gál lesallokáka hí máá đeechká yeet, giri mu ˈdaalim Waaˈgiet ˈdaa ki liiletká.

Korínto Erká 6:9

Tá gál hé ˈdúwaká ma gaa seseminyká hát Guch Waaˈgiet ma higilinyká it múog? Aaléka, ha máádhat hí nyimísan, gál herginy buraaká gaa seseenká, gál waagam hódhoká vivisatká, gál hol ˈdú hergisanká, héétí herginy gál hol ki yaabká hí hol hergisanká gálle hé Guch Waaˈgiet ma higiliny.

Galátia 6:3

Máá taawuo-, kieye, yaa ˈdúwa, yeget-, kor máá káta-, mánká, hollo hol nyimite.

Galátia 6:7

Máádhat hai hol nyimísan, Waag egeshêny, Waag hé máá níínní hí af kar gaa ˈdaraanká mán. Máádhat héllé fafuoká in aargira.

Filíbi 4:8

Nyaaramchú, hé eiy taaka-, úba yú hí ka geđuoká hééllá: Hé ˈdúwaká, hé gaalí kian ka ˈguoká, hé tagléká, hé saas mánká, hé gielmít hí gaa iđoká, tá hé gaa ˈdabaanká aadh lulle mé ka ˈgáa. Iiy-hí, hé súm midhab-, ubaa hé ˈdúwa-, gaalí memeyo-, hatallóóllá, aadh lulle mé ka gáa.

Kolosááya 3:17

He lullé hí ekemeycho-, ubaa hí hogotoká lulle Máá kúnnaa Guđo Yíésu meenyle ki eekemeyyíe, tá mu íín ˈdaalleka, ˈJaa kúnnaa Waag gielmít hol ˈdú naannáa.

Tímote ki Naamaká 3:13

Héétí gál húgúmle ˈdeđewká ubaa gál hođomlé-, hol gál Waaˈgiet hođuoká biiy súm hai gaa ˈdeđendhe, gálaat hai baađisia, tá íín dhúrle úba ha gaalí baađisia.

Títo 3:3

Muun úba héle kíssóótí he gál đées-, metle ki seseme-, hé lesalloká hí nyiimite-, bált met lulle ˈgar kirmite-, hé ˈdeđewká gaa seseme-, hinááf ˈgie-, gálaat hí nebeney-, íín úba hol nebeneyká.

Yákob 1:26

Máádhat har hol máá ˈgíérích Waaˈgiet gaa igiroká ká dhaay-, kor hol ére mé ma dhaˈgaminyka, hollo hol nyiimita, mu ˈgíéríchlé Waaˈgiet gaa igiro kinaallá hé ˈdúúw mán.

Yákob 4:11

Nyaaramchú, haí hol meet ˈdeđenêny. Máá nyárle ˈdeđenset-, muuninyka, mú ˈdéé ki iđimuoká, af kinaalka ííni Waag hemuumuritle ˈdeente, ˈdéé ki iđie. Kúún har hemuumurít ˈdéé ki iđimichoka, af kinaalka kó máá hemuumurít el gaa igiroká muuniny. Kuun he máá hemuumurít ˈdéé ki iđimuoká chie.

Yákob 4:17

Aaléka, máá hé ˈdabaanká ekemeyoká óg-, kor he ma ekemenyká, máá kinaallá ađáábo he ˈgaa.

Bétiro ki Naamaká 2:13

Gaal ˈdeentlé gálaat ˈdeeney kinaallá ˈdaalle ˈdugaka, Waag manyjasiny súm ˈdeewká akaˈd haí maadicha. Gál kinaallá kulich úba kátaka, hé hé níínní hol gáá momoyoká mán. Af giri gáál hí hol ˈgar ˈgolmosotoká, nyimisan gaal hí itín nyimisatallá in gaalí ki geyyime. Gaal itín hí lilo ubaa alb ki yie.

Yuána Erká 1:8

Har ki kieye, hé ke nyuogim ubaa ađaabano mán ki yieka, af kinaalka hollo ki hol nyimite, ˈdeeny ˈdúwa-, Kiristóóllá hé gáál ma gaa iđiny.

Yuána Erká 2:3

Har ke mú hemuumuritle el gaa igiroka, af kinaalka hát ke mú ógká hé ke óg.

Yuána Erká 3:7

Umééllo, ha máádhat hí bađisîny. Hát Kirísto íín ˈdúwáállá, máá hé ˈdúwaká ekemeyoká úba hé ˈdúwa.

Yuána ki Seđeká 1:11

Shééléch, ha hé ˈdeđewká eníminy, hé midhabká tákámle eenímo. Máá hé midhabká ekemeyoká he máá Waaˈgiet. Tá máá hé ˈdeđewká ekemeyoká hé Waag muog.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 22:7

Yíésu kieye, Bá dhaayyíe, yú ˈjobintééllá ha gáá ˈjeeme. Máá ˈdeeny Waag gáá yimie-, warˈgatééllá gaa ijóóllá el gaa veeroká ebá Waag hí ˈdú ˈjiiy! yie.