Yákob 1:17 - Fayam Midhab Yiesu Kiristoká He Hol Af Iđiny Kaanaká

¹⁷ He lullé shiicho-, gaa ˈdabaan-, midhabká úrro he yé gáá ˈdeˈdeme. Hé shiichóóllá Waag úr édhúmle ká kuonneká he yé gáá ˈdie. Waag hé hát gaach hol gaa mamaˈdóóllá hol ma gaa mamadiny.

Yákob 1:17 ပူးပေါင်းရင်းမြစ်များ

Matááyo 7:11

Har káána úba hí gál ˈdeđewká kátaka, it umkícho hé ˈdabaan-, hí shigichoká óg. Tá ˈJaa kíchia úr ijoká gál hí rogononká, he ˈdaab máre shigia?

Lúka 11:13

Har káána úba hí gál ˈdeđewká kátaka, umkícho hé ˈdabaan hí shigichoká it óg. Tá ˈJaa kíchia úr ijoká íín gál hí Hím Naasan Waaˈgiet ruogonoká hé gál kinaallá Hím Naasan Waaˈgiet súm ma shiginy? Yíésu hí gáál yie.

Yuána 1:9

Édhúmallá he édhúm ˈdúwa-, lésallá ká yimie-, máádhat lulle édhum ˈdú kokuoká.

Yuána 3:27

Aaléka Yuána gáál ˈdéé hol ˈdú nie, kieye, Máádhat hé hé ˈguoká mán, ˈdaab Waag hí he úr ma gáá shíinyká.

Yuána 3:3

Aalé Yíésu mú ˈdéé hol ˈdú nie, kieye, Yú ko ˈdúúw geeye, máádhat ˈdaab geđi ma ka ˈdaláanká hé hát níínní Guch Waaˈgiet aargiroká mán, yie.

Yuána 8:12

Yíésu geđi gálaat ki ˈdiiyime, kieye, Yú he édhúm lésallá ka yimieká. Máá ye el gáá veeroká hé geđi bííy gaa ongʼoˈdeká ma gaa seseminy, édhúm gálaat luolmít shiguoká he ˈgaa, yie.

He Ekeny Gál Alb Fimiká 11:18

Aalé gaal ˈdeenyéél maaleká hol ki fálaam hay, Waag meey, kieye, Taglé, Waag úba hé kidh kár he héllé ˈdeđewká ki haađuo-, gaalí makan ki fafaanká shiiche, giri gaal luolmít aargiroká.

He Ekeny Gál Alb Fimiká 5:31

Waag hé mú gíl ˈdaallé naanietká iđisate, mú Máá Kansich-, ubaa Máá Rubachietká hoyche, giri mu gál Yisirayel fargogínt shiguo-, gaal héllé ˈdeđew-, gaa seseenká haađuo-, mú makan fafaan-, gáál muí ađaabano ubaa nyuogim gaa egewká.

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Korínto Erká 4:7

Mááya hí gálaat ˈdú ˈduwanay? Tá hé hí ˈgayyáállá lulle hé Waag hí ma ka shíiny? Har hé kinaal lulle hí Waag gaa argiyyeka, af kinaalka háteka hí he hol bal ki ˈdaraanno-, hí he hát hé shiichoká ma ká dhaˈgaminyal?

Korínto ki Naamaká 4:6

Muun Waag tikiˈde kieye, Edhum hí bííy gaa ongʼoˈdeká yé gáá ˈdie, chieká in muun kaskúnno édhúmle gaa iđiche, giri ke mú ˈduuwle oonnootká. Waag ˈduuwlééllá in gálaat hí Kirísto gaa aargira.

Eféso 1:18

Hé úba yú Waag rogononká, he giri Waag hí in eiy ˈdeđicho-, hé ˈdabaan biiy met gaa ijo-, Waag hí kí viiyyeká hát hí aargiˈdaká hí kiimisata-, Waag kamurlé ˈdúúw ˈgayyo-, gál Kirísto iiy yieká hílléká hí oonootoká.

Eféso 2:8

Itín meka ˈdúˈjím Waaˈgieto hí ki biiyye. ˈDúˈjím hí argiyyééllá he ˈdaa giri hí Yiesu Kirísto iiy chieká. Hééllá hé ˈdaakícho yé ma gáá ˈdíiny, Waago hí ká shiiche,

Filíbi 1:29

Itín ˈdaa Kiristoka, Waag hé hí iiy yeen tákámle ma shíiny, hé úba hí kár midhaballá af kí fuˈde, giri Kirísto ˈdaalle ˈdugaka hí maanyjayyaká.

Tímote Erká 6:16

Mu íín tákáma he Máá ma kufuminy-, édhúm ki ma kí ˈjoobononká gaa ijoká. Mú hé kálta máá hí argeká mán. Máádhat hé fargogint níínní ˈguo-, mú ki aargiroká mán. ˈDuuw ubaa guch biiyoká hí mú hélle yeet. Iiy-hí, he hí hát kinaallá yeet.

Héberew 13:8

Yiesu Kirísto hé hol ma gaa sorominy. Mu he máá tikiˈde gefere-, ubaa kulichallo-, tá biiyoká.

Yákob 1:5

Har itín máádhat ˈdaalím ˈdabeka, hí Waag ruogono. Waag hé gíl ma gogonony, máá hí rogononká hé ˈdéé ma ki ˈdaraminy, mú ˈdaalím hai shigicha.

Yákob 3:15

ˈDaalim hatallo-, hódhóóllá hé úr ma gáá léen, ˈdaalimééllá he ˈdaalim lesallá. Hé ˈdaalim Waaˈgiet muuniny, he kídhích Waaˈgiet ˈdaalimlé.

Yákob 3:17

ˈDaalim úr yé gáá ˈdeˈdeennoká héllé erká saas mánti, ubaa naanná, tá nog sien, ííni gálaat he ki chiran, ííni met gaa kími, ííni geer guurá ubaa húgúm midhabká, ííni gálaat hol eiy gaa ním mánti, ííni hé leđuđugulleká wuogon.

Yuána Erká 1:5

Fayam nyí Kirísto gaa maalle-, ke hí ki ˈdiyeenallá he fayam kieye, Waag he édhum, Waag dhúrle hé hé níínní gaa nyakarich hí gaa ijoká mán.

Yuána Erká 4:10

Waag gielmitle he hatallá, hé muun erro ke Waag geelnedhe muuniny, Waago muun gáál er geelnete, Inyle ali gáá kaayye, giri mu suor yeget-, mu ađaabanokúnno ubaa nyuogimkúnno ewle higidhoká.

Kí Edhesiny 21:23

ˈJien hé aadh ubaa ˈgúíy édhúmle hí gaa verenoká ma hegesen. Hééllá he ˈdaa giri ˈjien Waag ˈduuwle hí gaa eedhesuo-, ˈjien nyátáálle íín he Élínyiká.

Kí Edhesiny 22:5

Biiy hé geđi ma chuchurany, tá ˈdaa giri Máá Guđo Waag íín he gáál édhúmléká gaal hé geđ nyátáá édhúmle ubaa aadh édhúmle ma hegesen. Aalé gaal taalle bííyyo lesso he gaa mumura.