Títo 3:8 - Fayam Midhab Yiesu Kiristoká He Hol Af Iđiny Kaanaká

⁸ ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Títo 3:8 ပူးပေါင်းရင်းမြစ်များ

Matááyo 20:4

Mu gál kinaal geey, kieye, Itín úba sedhíe, lés chia saanoká hujich gaa náa, símískícho hollo yú hol ˈdu gáá nannaa, gáál yie.

Yuána 12:44

Aalé Yíésu af gaa guđoká ˈdéé ki hodhe, kieye, Máádhat ye iiy yieka, hé yú tákámchú ye iiy ma yéen, Máá ye ali gáá kaayká he iiy yie.

Yuána 5:24

Yú hí hé ˈdúwaká geeye, máá ˈdeenychú maalo-, Máá ye ali gáá kaayká iiy yeetká, hé luolmit biiyoká ˈguo, mú álle hé ˈdéé ki iđiny mán. Máá kinaallá kisso kúfach yé gaa ˈdie, luolmít hile.

He Ekeny Gál Alb Fimiká 12:15

Gaal ini yiete, kieye, Mée ko ˈjíéˈde? yie. Aalé ini gon điite-, mé gaa ˈdoyye-, gaalí argeká gaal kieye, He taalle mú máálle ˈgasso-, urruká máámaʼ? gaalí yie.

Róóma 4:5

Tá máádhat hé hújíchlé nieká ˈdaalle ˈdugaka Waag hí máá ˈdúwaká ma chegen. He ˈdaa mu Waag iiy yieká in Waag mú máá ˈdúwaká chegedhe. Waag íín gál ađaabano ˈguo-, tá hí iiy yieká ađaabano gaa egeyye, gáál gál ˈdúwaká hođicha.

Korínto ki Naamaká 4:13

Warˈgat Waaˈgiet mú tikiˈd hí ˈdéé gáá hodhe, kieye, Yú iiy yeenno ˈgaa, in ˈdéé hodhe, yie. Nyiin hát máá kinaalka nyáá nyí iiy chie, in taalle nyí fayam Waaˈgietallá ˈdiyeenne.

Eféso 4:28

Máá burumeká hai geđ buráany, hí hújích he gaa aargiroká gil gerle ki naannuo, giri gál he maamanká úba he shiguoká.

Tímote Erká 1:15

ˈDéé hót ˈdúwa-, ke lulkúnno hát ˈdabaanká iiy yegetká hééllá: Yiesu Kirísto lésallá ka yimíéllá, gál ađaabano ˈguoká he ririma. Tá gál ađaabano ˈgúóllá yaa súm hí ađááb ˈdú ˈgaa.

Tímote Erká 2:8

Aaléka, gál yááb Waaˈgiet alb lúl gaa ijoká hí gille Waag ki eegefo, Waag viivisat. Gaal ídho ubaa hol ki fálaam mánká yú fede.

Tímote Erká 5:10

Héétí, min hiyesidhe-, túóy kinaal higilloká hí min húgúmle midhantle gálaat hí óg-, umle kuol kaayye-, dheeg geelneyye-, gál Kiristoká ˈgas ˈjiˈjiyye-, gál maanyjayká geer hí shâw ˈdú yegie-, tá hé ˈdabaan-, met hí hol ká burnayká ekenyle hol ˈdú silmicheká onnoyyo.

Tímote ki Naamaká 1:12

Hé kinaallá ˈdaalleka in yú manyjany gaa ija. Tá yú yáá kern ye ma ˈgiˈgin, ˈdaa giri Máá yú iiy yíéllá yú ógká. Tá ˈdaab kúlích biiy el ˈdaˈdká hátlé ali ma kí ˈdíinyká mu hújích ye gíl geer gáá kaayallá hát in ki ˈdeenká gon yáá óg.

Títo 1:9

Mu hí fayam Kiristo ˈdúwáállá hát giri gaalí onisieká hát ˈdabaanká ki yaal. Hát kinaallá in mu he onisiny ˈdúwáállá gálaat af ki tataa, tá gál fayam Kiristóóllá fálaam gaa iđimuoká fáláámle hát tagle muuninyká gáál eiy ki nannaa.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Títo 2:7

He lullé ekemeycho-, ubaa hogotoká húgúm midhabká gaa ˈgab, gáál hí ko ká ennuo. Gálaat he oonisichoká, gálaat he onisiny tagléká hát ˈduwantiká oonísish.

Títo 3:1

Aaléka gáál géesh, gaal hí gál kansím ˈguo-, les met ki ˈgieká guguchle onnow, hí gáál met gaa keekeen. Gaal hí hé ˈdabaan-, ekemeyoká uritle ˈguo.

Títo 3:14

Gálkúnno hé midhab he ekemeyoká hí hol onisuo, hí húgúmle hosot, giri hát ˈguo-, gálaat héllé hí ki ˈgierˈgereká he gaa shiguoká.

Fílemon 1:11

Máállá he gédéch kua érléká ˈdaakúka máá káta mánká onnoy-, kor káánaka yú ubaa kúún máá gáál ki ˈdúwaká yieká.

Héberew 10:24

Ebá kí hol met ká ˈguo, giri ke hol gogofsuo-, ke gielmít ˈguo-, ke he ekeny midhabká ekemeyoká.

Bétiro Erká 1:21

Itín Kirísto ˈdaallé hí Waag iiy ki chie, ˈdaa giri Waag Kirísto uushich yé gáá ˈdeeyche-, Kirísto ˈduwaycheká. In káána hí iiy yeen ubaa ˈdúúw Waag ká ˈgayya.