Títo 3:7 - Fayam Midhab Yiesu Kiristoká He Hol Af Iđiny Kaanaká

⁷ giri ˈdúˈjímallá ˈdaalle Waag muun gáál iiy cheget-, ke luolmit biiyo-, muí gálle af iđie-, ke met egessóóllá ke aargiroká.

Títo 3:7 ပူးပေါင်းရင်းမြစ်များ

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Márko 10:17

Aalé Yíésu ˈgíéríchlé gaa igireká mú tikiˈd hí ˈdú gáá ˈdodhdhe, mu Yíésu ˈgas met les kurram gaa ˈdoy, mú yiete, kieye, Máá ˈdúwa-, gálaat he oonisúóllo, yú háte ˈdeeme, giri yú luolmit biiyoká aargiroká? yie.

Róóma 11:6

Gaal hátle gál Waaˈgietallá he hé kieye, he símisso gaalí gaa dhiire muuniny, he Waago gáál ˈdú ˈjiiyye, gáál geer guurá argisiche. Tá ˈdúˈjímallá har hé gaalí símis gaa dhiireká kátaka, hé onnônyka hé shiicho halleelloká muuniny.

Róóma 3:24

Tá Waag ˈdúˈjímlé guđoká hállééllá he gáál ká argisiche, Yiesu Kirísto ali gáá kaayye, giri gáál ađaabano ubaa nyuogim gim gáá egewká. Aalé ke Yiesu Kirísto iiy yieka, in Waag múún gáál gál ˈdúwaká chegedhe.

Róóma 3:28

Aaléka, máádhat hé hemuumurít ki yaalitle hí máá ˈdúwaká ma hođiny, iiy yeen muí Yiesu Kirísto iiy yieká in innum Waaˈgietka mú máá ˈdúwaká hođicha.

Róóma 4:16

Aaléka, he af iđiny Waag hí Abirááyam af iđiche kinaallá iiy yeen ˈdaallé he ká nannaata. He af iđinyééllá ˈdúˈjím Waaˈgieto he yé gáá ˈdeˈdeenne. He af iđinyééllá hé gál Waag hí hemuumurít ka shiicheká tákámle hí ma lileny, gál iiy yeen Abirááyam hí ˈgieká ˈgúóllá úba haí aargira, ˈdaa giri Abirááyam gál Waag iiy yegetká lulle ˈjaalléká.

Róóma 4:4

Aalé máádhat hujich nieka, héllé he hújích kinaallá gaa aargiroká hé hé halleello-, gaalí mú shieká muuniny, he hújích muí nieká símíslé gaalí mú hol ˈdú nannaa.

Róóma 8:17

Aalé káána ke Waag umle yíéllá, Waag hé umle af iđicheká úba ha ke aargira. Héétí har muun hát Kirísto manyjayallá ke úba Kirísto ˈdaalle ki manyjayka, Waag múún Kirísto ˈgarro gáál hol ˈduuwasicha.

Korínto Erká 6:11

Itín ˈbaal it hé kinaallá gaa iđe. Tá káána it Máá kúnnaa Guđo Yiesu Kirísto ubaa Hím Naasan Waaˈgiet hí ađaabano kinaal gaa dhiire, hí gál saas mán-, Waag innumleka ˈdúwaká hoy.

Galátia 2:16

hé ki onnodheká hééllá: Máádhat hemuumurít el gaa igiritle hé mú innum Waaˈgiet mú máá ˈdúwaká ma gaa hođiny. Máádhat Yiesu Kirísto iiy yieka in tákáma innum Waaˈgiet máá ˈdúwaká gaa yegedhe. Muun úba hé ke Yiesu Kirísto iiy yie, giri Waag innumle ˈdaa iiy yeen kúnnaa ke Kirísto iiy ki yiekáka ke gál ˈdúwaká gaa yegetká. Hemuumurít el gaa igiritle hé muun gáál gál ˈdúwaká ma hođiny. Hééllá he ˈdaa giri hemuumurít el gaa igiritle ˈdaalleka Waag máá níínní máá ˈdúwaká chegetoká mánká.

Galátia 3:29

Itín har hí gál Kiristo kátaka, af kinaalka hí um Abiraayam, um ˈdúˈjím Waag hí Abirááyam af iđicheká aargiroká.

Galátia 4:7

Aalé káána kó Yíésu iiy chíéllá, kó geđi gedech muuniny, kó veel Waaˈgiet chie. Kuun in veel Waaˈgiet háluke, he lullé Waag hí umle shigichoká háte ma aargiriny?

Dhesaloníke ki Naamaká 2:16

Aalé Máá kúnnaa Guđo Yiesu Kirísto dhúrle ubaa ˈJaa kúnnaa Waag gáál giel-, ˈdaa ˈdúˈjímle ˈdugaka gáál góf biiyoká ubaa hé midhab ke met egesoká ka shíéllá,

Títo 1:2

ˈDeeny ˈdúwáállá ˈdaalleka in Waag gálle hát luolmit biiyoká aargiroká og. Hééllá Waag hátlé les ma ka kúóninyká Waag hí murate, tá Waag hé af ka hódho mán.

Títo 2:11

Waag hé gálaat lulle ˈdú ˈjiiyye, hé kár gálaat hí rubach ki aargiroká yé ká ˈdeeyche.

Títo 2:13

Taalle ki ali ijóóllá muun Yiesu Kirísto Waag kúnnaa guđo-, Máá kúnnaa Rubachietallá af giri he guchle kí yiimet-, ki aargiroká geyyiny kinaallá ki met egese.

Héberew 1:14

Aaléka, Waag gállé ˈgasso-, urruká lulle he gál Waag hí alb fafiyyo-, giri gál rubach aargiroká he ki nannuoká, muunîny?

Héberew 11:7

Nówa iiy yeenle ˈdaalleka in kádích hí ˈbíl geerle ririanká ˈdisse. Kadich muí ˈdissééllá he ˈdaa giri hé kálta gálaat hí ma árginyká hát ka yiimetká Waag hí mú geeyche-, mu Waag af iiy yie-, Waag hát mú gaa feˈdeká muí el gaa veereká. Hé Nówa hí ekeyallá hé gál lesalloká ˈdeente. Aalé Nówa iiy yeenlééllá ˈdaalleka in Waag mú máá ˈdúwaká chie.

Héberew 11:9

Mú iiy yeenle ˈdaalleka in mu lés Waag hí af iđiche kinaal gaa ˈgudhdhe, ény ˈbaaroká ál kinaal gaa ˈdite, tá mu hát máá les ma lilenyká he ká ije. Mú inylé Yísak ubaa mú iny inylé Yákob iđiny kinaallá úba he lés kinaallá ki ije. Hé Waag hí Abirááyam af iđicheká, in úba Waag hí Yísak ubaa Yákob af iđiche.

Héberew 6:17

Waag úba hé hol ˈdoote, giri gál mú he af iđinyle hélle aargiroká Waag hát ˈdéé hótle ˈduuwaycho-, hol ma gaa laaminyká ógká.

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?

Bétiro Erká 3:7

Beelem, ˈdaa giri ˈdegkícho đalimle hí ógká, ˈdég gálaam aargisía. Gaal íín ubaa itín shíícho Waaˈgiet luolmitiká ˈgarro hí hol aargiˈda. Aaléka, ˈdég gál ˈdúwaká ka dhaayyíe, giri Waag visankícho hé níínní hí ka momoyo mánká.