Títo 3:1 - Fayam Midhab Yiesu Kiristoká He Hol Af Iđiny Kaanaká

¹ Aaléka gáál géesh, gaal hí gál kansím ˈguo-, les met ki ˈgieká guguchle onnow, hí gáál met gaa keekeen. Gaal hí hé ˈdabaan-, ekemeyoká uritle ˈguo.

Títo 3:1 ပူးပေါင်းရင်းမြစ်များ

Matááyo 22:21

Gaal Yíésu ˈdéé hol ˈdú nie, kieye, Hé Kaisar, yie. Aalé Yíésu gáál geey, kieye, Hé Kaisar máállé Káísar shía, hé Waag hí léká Waagle shía, gáál yie.

Korínto Erká 15:58

Aaléka, nyaaram chia yú gielallo, taganokícho ˈdée, ha gaalí riitisîny. Aadh lulle Máá kúnnaa Guđoká hújíchle taalle hát ˈdabaanká naannáa. Hujichaam lullé hí Máá kúnnaa Guđoká ki nanniyyóóllá hát hé midhabká hí yé gáá ˈdeˈdeenká it óg.

Eféso 2:10

Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Filíbi 1:11

Héétí Yiesu Kirísto hí kuol gaa chiirat-, hí hé midhabká ekemeycho-, Waag íín hí ˈdúúw ubaa meeny gaa aargiˈdoká.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Tímote Erká 2:2

Waag visan hatallóóllá úba gál les met ki ˈgieká ubaa gállé kaansúoká lúl ki viivíso, giri múún ki yíéđiny taglé-, naanná ˈgayyo-, Waag kian ˈgayyo-, ˈdúwaká ke ki yíéđianká.

Tímote Erká 4:6

Kúún har atimééllá gál nyaaram-, Kiristoká af ki tatiyyoka, in kuun gédéch ˈdúwa-, Yiesu Kiristoká cheedhe. Fayam ke iiy yíéllá ˈdeenyle ubaa he onisiny midhab-, kuuní el gaa veeˈdééllá iiy yeenkú hai higirasicha.

Tímote Erká 5:10

Héétí, min hiyesidhe-, túóy kinaal higilloká hí min húgúmle midhantle gálaat hí óg-, umle kuol kaayye-, dheeg geelneyye-, gál Kiristoká ˈgas ˈjiˈjiyye-, gál maanyjayká geer hí shâw ˈdú yegie-, tá hé ˈdabaan-, met hí hol ká burnayká ekenyle hol ˈdú silmicheká onnoyyo.

Tímote ki Naamaká 1:6

Aaléka, hé shiicho Waaˈgiet gil yú ko ˈdú fieká ˈdaalle ki argiyyeká tábo yú ko kí gadhe, taalle ˈjiet kinaallá ki náánnaʼ.

Tímote ki Naamaká 2:14

Gáál hééllá mé gaa káab, gáál Waag metle hát ˈdabaanká gaa géesh, giri gaal ˈdéé hót hol ki fáláámle hurt ma higilinyká. Hol ki fálaam hatallóóllá hé hé níínní midhab hí yé gáá ˈdeˈdeenká mán, gál hí nee kokuoká he baađisicha.

Tímote ki Naamaká 2:21

Tá máádhat har hé ˈdeđew-, Waag hí ma fedinyallá hol ká ridhdheka, mu hát hé ˈdúwa-, Máá kúnnaa Guđóóllá hí hol taak ki koy-, hí hújíchle ki nannasatká hai yeedhe. Máá hatallóóllá hé tág yaal, giri Máá Guđoká hujichaamlé hí shieká lulle hát ˈdabaanká nannuoká.

Títo 1:16

Gaal hát he yegetká kieye, nyáá nyí Waag ógo he yegedhe, kor gaal héllé ekemeyóóllá, gálle he gál Waag muogká. Gaal he gál hé Waag hí nébká ekemeyo-, gálaat met ma gaa kekeminy-, hé midhabká ekenyle uritle mánká.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Títo 3:14

Gálkúnno hé midhab he ekemeyoká hí hol onisuo, hí húgúmle hosot, giri hát ˈguo-, gálaat héllé hí ki ˈgierˈgereká he gaa shiguoká.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Bétiro ki Naamaká 1:12

Aalé har úba káána hí hééllá óíyta-, hí ˈduuwle hát ˈdabaanká iiy chieka, hééllá taalle aadh lulle tábo yú hí kí gagadha.

Yúúa 1:5

Har káána úba héél lulle hí óíytaka, Máá Guđoká hát gálle lés Misirayim gáá bisieká yú hí táb kí gagadhoká yú fede. Kor el ˈdaal mu hé gál hí iiy ma yéenká af ki beete.