Títo 2:2 - Fayam Midhab Yiesu Kiristoká He Hol Af Iđiny Kaanaká

² Karu yaabká af táátaʼ, giri gaal hol momoyo-, kás ˈguo-, hol tatuoká, héétí iiy yeenlé Kirísto iiy yíéllá tág chiirat-, gielmít gálaat ká ˈguo-, he lulle ˈdú fafaatká.

Títo 2:2 ပူးပေါင်းရင်းမြစ်များ

Márko 5:15

Gaal Yíésu ˈdú sedhe. Gaal mú arge, mu ubaa máá aryaan nyesebichká ˈgieká hol af ija. Mu đafaraam fádhdhe, me hí mídhab! Gáál sierm hí faanne.

Lúka 8:35

Aalé gál giri fayám maaleká ká yimie, hé aargireká he fede. Aalé gaal Yíésu af kí ˈdieká gaal máá giri aryáán hí yé gaa ˈdiiyyeká arge, mu Yíésu ˈgas met gaa ija, đafaraam fádhdhe, ˈdaalilédhe! Gaal đo neey.

He Ekeny Gál Alb Fimiká 24:25

Aalé Báulo gálaat hát ˈduwantiká ki ijoká ubaa gálaat hé ˈdeđewká hol gáá momoyoká, tá kúlích ká chiimeto gálaat Waag hí ˈdéé ki iđimichoká yaalmitle gáál geđieká, Felíki đo neey, Báulo geey, kieye, Aalé káánaka sí, af mákártaká ha yú ko ká veeme, mú yie.

Róóma 12:3

Hújích ˈdaakíchoka Waag hí ye mé ki koyye-, yú nannúóllá ˈdaalleka, lulkícho yú hí geeye, ˈduuw hí ma lilenyká haí hékícho hóson, tá ˈdaa iiy yeenkícho ˈdaˈdab Waag hí eiy eiy shiichéélláka, máádhat hí hol hát ˈdabaanká eiy naasat.

Korínto Erká 15:34

Kas ˈdúwaká ˈgáa, hé ˈdeđew-, Waag hí ma fedinyká hayyíe. Yú hí geeye, hééllá gon he kern ˈgin, ˈdaa giri itín ˈbaal hí Waag muogká.

Korínto Erká 9:25

Ameeny gál đúla kirmisatká, hát lullé he lađama, hol fargoogonoyo, giri hé shiicho aargiroká. Hé shiicho gaalí aargiróóllá el met haí ˈgiidha. Tá múún iđiny kúnnaallá hát lullé ke gaa lađama, giri hé shiicho biiyo-, el met hí ma ˈgiˈginallá ke aargiroká.

Korínto ki Naamaká 5:13

Aaléka har gálaat nyiin gál met hí ˈjieˈdeká nyí ká dhaˈgameka, hé kinaallá lulle Waago nyí ki ekemeyche. Tá itínka, nyiin kas tagléká nyí ki ˈdiyeenneka, af kinaalka hé kinaallá itíni hí ki midhanay.

Galátia 5:23

abúnti, tá hol tími. Gál yaalmisanóóllá gaa seseenká hé hemurit níínní hí ˈdéé ki iđimichoká mán.

Filíbi 4:8

Nyaaramchú, hé eiy taaka-, úba yú hí ka geđuoká hééllá: Hé ˈdúwaká, hé gaalí kian ka ˈguoká, hé tagléká, hé saas mánká, hé gielmít hí gaa iđoká, tá hé gaa ˈdabaanká aadh lulle mé ka ˈgáa. Iiy-hí, hé súm midhab-, ubaa hé ˈdúwa-, gaalí memeyo-, hatallóóllá, aadh lulle mé ka gáa.

Dhesaloníke Erká 5:6

Aaléka, hát gáál ˈbáál ram hí ˈdú ˈjeˈjeennóólláka, ha ram gáál ˈdú ˈjíiny. Kí in bano, met hí gáál ˈdú ˈgie.

Dhesaloníke Erká 5:8

Tá múúni ki um kulichká, met hí gáál ˈdú ˈgie. Kí iiy yeen ubaa gielmít hát síbil máá yuoyoká hí bala gaa higisat-, mú ririankáka kí balo gaa hisat. Kí rúbáchkúnno ˈduuwle hát shóte-, síbil-, máá yuoyoká ririankáka kí faat.

Tímote Erká 1:10

Héétí hemuumurít he ˈdaa gál herginy gálle hol ma shúúnanká gaa seseenká, ubaa ˈdaa gál herginy gályaab hí hol hergisanká gaa seseenká, tá ˈdaa gál gálaat ugunan-, gáál mamarsatká, héétí ˈdaa gál hođomléká, tá gál gálaat hé hódhoká af kakawká, héétí he ˈdaa hé éíy taaka lulle-, he onisiny tagléká ma ki yaalinyká gaalí tág ki koy.

Tímote Erká 1:14

Tá Máá kúnnaa Guđo Waag hé ye ˈdúˈjímle hát ˈdabaanká ˈdú ookoˈdmie, ˈdaa Yiesu Kiristoka ye iiy yeen ubaa gielmít ká shie.

Tímote Erká 1:2

Warˈgatééllá kó Tímote lé-, ˈdaa iiy yeen ke Yiesu Kirísto ka ˈgúólláka, iny chia ˈdúwáállá yú ko ˈdu gáá verene. ˈJaa kúnnaa Waag ubaa Máá kúnnaa Guđo Yiesu Kirísto hí ko ˈdú ˈjeeˈjeen, hí ko geer guurá aargisuo, hí ko naanná shiiguo.

Tímote Erká 1:5

Atim kuuní gáál af tatiyyóóllá héllé gálaat yé ˈdú ˈdeđichoká he gielmit giri hodhin saas mánká yé gáá ˈdeˈdeennoká, ubaa hé ˈdúwa-, gaalí ógká ekenylé, tá iiy yeen ˈdúwa-, nyimisan mánká.

Tímote Erká 3:11

Hát tikiˈdééllá ˈdég íín hí ˈdeg siríg ˈgayyoká onnoyyo, hai ˈdeg gálaat heengʼeetoká onnôny, hí ˈdeg hol tatiyyo-, he lulle hát ˈduwantiká ekemeychoká onnoyyo.

Tímote Erká 3:2

Aaléka, máá gál Kiristo ˈdeˈdeenká hí máá ˈdeensen mán-, min hí tikiˈde-, hol tím ˈguo-, me hí bire-, siríg ˈguo-, dheeg mé guđáan yeget-, héétí hí máá hát ˈdaalimietká gálaat he oonisuoká onnow.

Tímote Erká 3:4

Mu hí ˈbíl geerle tág chirat, umle hí met gaa keekeen, um hí húgúm midhabká ˈguo.

Tímote Erká 3:8

Gede ˈbíl geer Waaˈgiet úba hí hát tikiˈde kinaallá gál siríg ˈguoká onnow. Hai gál af hí nanama-, bersham súm igian-, hát tag ki ˈdimiká he ki aargiroká onnôny.

Tímote Erká 5:1

Karu yaabká ha ki lolódhminy, ˈgóó íl onnônyka ˈjaakú ki gogofsichoká ki guogófsish. Gál yááb rúóreká nyaaramkú ka dháash, guogófsish.

Títo 1:13

Hé máá kinaallá hí hodhééllá hé ˈdúwa. Aaléka, gál hatallóóllá il gíl gaa hélish, gáál hát ˈdabaanká af taʼ, giri gaal Fayam Midhab Kiristóóllá ˈgíéríchlé leđuđugulleká nannaat-,

Títo 1:8

Mu hí máá gelmeshich-, hé ˈdabaanká gaa fedo-, kás ˈguo-, hugum hí midhab-, saas mán-, hol tatuoká onnow.

Títo 2:7

He lullé ekemeycho-, ubaa hogotoká húgúm midhabká gaa ˈgab, gáál hí ko ká ennuo. Gálaat he oonisichoká, gálaat he onisiny tagléká hát ˈduwantiká oonísish.

Fílemon 1:9

hé kinaal yú haya, ˈdaa giri ke gielmít hol ka ˈgúóllá gillo yú ko ki efe. Yáá Báulo lé-, káána karsich yie-, ˈdaa Yiesu Kiristoka hiigin gaa ijóóllá ye ónnob.

Bétiro Erká 1:13

Aaléka, hol táa, kaskícho tág kodhdhíe. Af giri Yiesu Kirísto ká ˈjeenká mu ˈdúˈjím Waaˈgiet haí ˈdu gáá siidha. ˈDúˈjím hí met egetééllá, hát ˈdabaanká mé ka ˈgáa.

Bétiro Erká 4:7

He lulle el mé ˈginle hé ká ˈjobondhe. Aaléka, tagano ˈdée, kas hí Waag ki vivisatoká ˈgáa.

Bétiro Erká 5:8

Hol táa, tág ˈdée, kídhích kíchia Sátanléká hát luochka, hol gaa seseme, yayarma, hagata, máá kokuoká hol gaa ˈgeˈgedhe.

Bétiro ki Naamaká 1:6

kás hol tím ˈdú chiˈdíe, hol tím mé ki chirsan ˈdú chiˈdíe, mé ki chirsan húgúm Waag hí feˈdoká ˈdú chiˈdíe,