Títo 2:15 - Fayam Midhab Yiesu Kiristoká He Hol Af Iđiny Kaanaká

¹⁵ Aaléka, he lullé yú ko kí tuoyallá gáál onísish, gáál guogófsish. Kuun kó fargogint máá he ˈdeđeneyoká il gíl gaa helisanno-, mú af tatiyyoká ˈgayyo. Máádhat hai ko eeshêny.

Títo 2:15 ပူးပေါင်းရင်းမြစ်များ

Matááyo 7:29

Hééllá he ˈdaa giri mú he onisinyle he onisiny máá kansím ˈguoká ka taal-, he onisiny gálle gálaat nyatalaam oonisuoká ma ka taalinyká.

Márko 1:22

Gaal mú he onisinyle af ˈdabe. Hééllá he ˈdaa giri mú he onisinyle he onisiny máá kansím ˈguoká ka taal-, he onisiny gál gálaat nyatalaam oonisuoká ma ka taalinyká.

Márko 1:27

Gálaat lulle he af ˈdabe, hol heegete, kieye, Héél meete? He he onisiny kaana-, hemuumurít ˈgayyokâ? Máálle aryáán úba he ki mumuro-, aryáán hí met gaa kekeenal! gaalí yie.

Lúka 4:36

Aalé gálaat lulle he af ˈdabe, hol heegete, kieye, Hééllá ˈdeeny máre, ˈdeeny máálle kansimle ubaa fargogintle aryáán he ki mumuro-, aryáán gálaat yiem gaa ˈdeˈdeenal? gaalí yie.

Korínto Erká 16:11

Máádhat hai mú il bís ki dháany. Af giri mu ká kekeenká mú ˈgas gáá kóo, mu hé naanná ká yimet. Yú mu íín ubaa gál nyaaramká hol ˈguo-, ká fafaanká egese.

Tímote Erká 5:20

Tá gál atím điidhe-, ađááb gaa seseenká, ˈdeentle gálaat met gaa gééđish, giri gálatí sierm hí fafaan-, ađááb ma higilinyká.

Tímote ki Naamaká 4:2

ˈDeeny Waaˈgiet ˈdiiyímo, aadh lulle hát lulle tág yáal, giri gálaat af tatiyyo-, il gíl gaa helisanno-, hát ˈdabaan-, geer gaa guchiká gáál ki gogofsicho-, gáál he oonisichoká.

Títo 1:13

Hé máá kinaallá hí hodhééllá hé ˈdúwa. Aaléka, gál hatallóóllá il gíl gaa hélish, gáál hát ˈdabaanká af taʼ, giri gaal Fayam Midhab Kiristóóllá ˈgíéríchlé leđuđugulleká nannaat-,

Bétiro Erká 4:11

Har máádhat héllé shiichoká ˈdeeny Waaˈgiet ˈdiiyiminy kátaka, hí ˈdéé hát ˈdabaan-, lođuđugulleká ˈdiiyeen. Mu har héllé shiichoká gálaat hát lulle kuol gaa chiran kátaka, hí fargogint Waag hí shigichoká hujich ki naannuo, giri he lulle ˈdaa Yiesu Kiristoka, Waag hí ˈdúúw gaa aargiˈdoká. ˈDuuw ubaa fargogínt taalle bííyyó biiyo hí Waag hélle yeet. Iiy-hí, he hí hát kinaallá yeet.