Títo 2:14 - Fayam Midhab Yiesu Kiristoká He Hol Af Iđiny Kaanaká

¹⁴ Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Títo 2:14 ပူးပေါင်းရင်းမြစ်များ

Matááyo 1:21

María eiyyo hol nanniyya, veel yab hai ˈdaalla. Véel meenylé shigichoká Yíésu. Hééllá ˈdaa giri veel gálaat ađaabano gaa egew-, gálaat ririanká, muí mú yie.

Matááyo 20:28

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.

Matááyo 3:12

Aaléka mu hé múchlé sííndí ki tutunoká gíl ká ˈguo. Mu sííndí tuneka, ál sííndí ki tune kinaal hai gaa hegedhe, sííndí buit hai faadhdha, tá sííndí metle íín ˈjiet ma kufuminyká hai gaa verene, Yuána hí gáál yie.

Yuána 10:15

hát káána ˈJaachú ye óg-, yú úba ˈJaachú ógallá. Sídhchú wála ha yú ˈdú silmia.

Yuána 6:51

Yú he ˈguom luolmiti-, úr gáá chimieká. Máá ˈguomééllá kuoká taalle bííyyo ali he ija. ˈGuomééllá he gón chia yú suor hođuo-, les gálle hí luolmít ki aargiroká, Yíésu hí gáál yie.

He Ekeny Gál Alb Fimiká 15:14

Símon hé gáál ká geey, hát Waag erkob kidh ˈdú ˈjiiyye-, gál giri mú meenyle léká kidh gaa waarateká.

He Ekeny Gál Alb Fimiká 15:9

Waag íín hé muun ubaa kidh gáál hol eiy ma gaa nanniny. Hát giri muun gáál saas gaa eeyyeká in kidh úba saas gaa eeyye, ˈdaa giri kidh Kirísto iiy yieká.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

He Ekeny Gál Alb Fimiká 9:36

Aalé Yóóba álle min lali Yiesu-, gaalí Tabídha yegie mare hí gaa iđe. Min meenylé kinaallá af gál Hellenka ˈDórkaso gaalí yeedhe. (Tabídha tá ubaa ˈDórkas hélle kieye, Ginte.) Min aadh lulle hé midhabká gálaat ki ekemeyche, gál he maamanká he shigiche.

Galátia 1:4

ˈJaa kúnnaa Waag hát he fedeká in Kirísto nyuogim ubaa ađaabanokúnno ˈdaalle hol ˈdú sillie, giri mu gáál yaalmit gaa nyakaridhe-, barallóóllá gaa ririanká.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Galátia 3:13

Múúni ke hemuumurít lulle hát ˈdabaanká el ma gaa igíriny-, ke ˈdór ˈgieká Kirísto hé gáál ˈdór kinaallá gaa eey. Mú gaalí ˈgór đarám yaalká ˈdú ˈdoyká mu hé ˈdór kúnnaa kinaallá luut kaadhdhe. Warˈgat Waaˈgiet hát chieká kieye, A meeny máá gaalí ˈgór ˈdú ˈdoyká ˈdórro he ˈgaa, he chie.

Eféso 1:11

Waag ˈdaa giri kíssóótí ˈdéé murateká, in Kirísto ˈdaalleka, múún gáál gálle hosote. Hát tikiˈde kinaallá in ˈdeeny Waag hí feˈdo-, hí muˈdoká lulle hát kinaal ˈdeˈdeme.

Eféso 2:10

Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Eféso 5:2

Hát Kirísto múún gáál giel-, gáál sídhle ˈdú sillie-, hol suor hoy-, suor kinaal hé shiicho ussaká Waag ki hoyká, itín úba gielmit hatallóóllá ˈgáa.

Tímote Erká 1:15

ˈDéé hót ˈdúwa-, ke lulkúnno hát ˈdabaanká iiy yegetká hééllá: Yiesu Kirísto lésallá ka yimíéllá, gál ađaabano ˈguoká he ririma. Tá gál ađaabano ˈgúóllá yaa súm hí ađááb ˈdú ˈgaa.

Tímote Erká 2:10

Gaal hí húgúm he ekeny midhabká ˈgayyoká hol ki ootolo, hát onnônyka gál ˈdíét-, gálle hol gál Waaˈgiet yegetká hí ijoká.

Tímote Erká 2:6

gálaat lulle ˈdaalleka, hol gusse-, gáál ríéllá. Hééllá he ˈdeeny ˈdúwa-, a leđugul Waag hí ki muˈdeká ali kí ˈdieká.

Tímote Erká 6:18

Gáál géesh, gaal hí hé midhabká eekemeyo. Hé midhab gaalí eekemeyóóllá hí hé burnayká yeet. Gaal hí ger gaa ˈdabanaw, gálaat héllé hí ki ˈgierˈgereká úba ˈdú chiichirat.

Títo 2:7

He lullé ekemeycho-, ubaa hogotoká húgúm midhabká gaa ˈgab, gáál hí ko ká ennuo. Gálaat he oonisichoká, gálaat he onisiny tagléká hát ˈduwantiká oonísish.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Héberew 1:3

Iny íínííllá édhúm Waaˈgiet ká eedhesia, ííni gáál Waag yaalmitle dhúrle ká aargisia, ííni ˈdeenylé fargogínt ˈguoká he met lulle kí chiiˈda. Aalé mu gáál nyuogim ubaa ađaabano gaa dhiireká, mu hé úratí Waag kansím lulle ˈgayyóóllá gíl ˈdaa naaniet yíéđie.

Héberew 10:24

Ebá kí hol met ká ˈguo, giri ke hol gogofsuo-, ke gielmít ˈguo-, ke he ekeny midhabká ekemeyoká.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Yákob 4:8

Waag kí ˈjobondhíe, Waag íín úba haí kí ˈjoobonto. It ađaabano ˈgayyáállo, gil ˈjidhdhíe! It ger hí nanamáállo, hol hé ˈdeđewká ka ridhdhíe!

Bétiro Erká 1:18

Hé Waag hí ˈdú gute-, giri iđiny ˈdúúw mán-, eshim eshimkícho hí af kí hayallá hí gáá eete-, hí gálle hosoteká it óg. Hé muí ˈdú gusseká hé bíre ubaa hórkí bár ˈdaatika el met hí ˈgiˈgidhóóllá muuniny.

Bétiro Erká 1:22

Aalé ˈdaa giri ˈdeeny ˈdúwa-, Waaˈgietallá hí el gaa veeˈdeká, in hí hol saas ká riate, in káána nyaaramkícho hí gielmit ˈdúwaká hol ká ˈgayya. Gielmit geer geđiká hol ki geelnedhíe.

Bétiro Erká 2:12

Gál Waag muogká yaalmisam ˈdúwaká hursam ki yíéđía. Har úba gaalí hé ˈdeđewká af kakaw-, gaalí ˈdeđensetka, hé ˈdúwa-, hí ekemeychoká gaalí argo, gaal hé kúlích Waag hí gáá ˈjeennoká Waag gaa meeyo.

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.

Yuána Erká 1:7

Tá har hát mu íín édhum gaa ijóóllá muun úba ki édhum gaa seseenka, af kinaalka hé ke mú hol ˈdú fame, ke tikiˈd yie, tá mú Inylé Yíésu fásle nyuogimkúnno ubaa ađaabanokúnno lulle hai gáál gaa dhiira.

Yuána Erká 1:9

Tá ke Waag makan fame-, hát ke he ˈdeeneyká ke Waag geeyka, Waag he Máá ˈdúwa-, taglé-, nyuogimkúnno ubaa ađaabanokúnno ˈdaalleka, gáál ˈdú ˈjeˈjeen-, gáál nyuogim ubaa ađaabano lulle gaa dhidhiroká.

Yuána Erká 3:2

Sheel chia yú gielallo, muun káána ki um Waaˈgiet. Bár ka chiimetóótíá yaalmit kúnnaa ke kakaatká hátle hé ke muog. Tá Kirísto he hol ká nadheka, hát ke Kirísto yaalmitle kaatká hé ke óg, ˈdaa giri yaalmit muí yaal kinaallá ke il ki argoká.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.