Títo 2:13 - Fayam Midhab Yiesu Kiristoká He Hol Af Iđiny Kaanaká

¹³ Taalle ki ali ijóóllá muun Yiesu Kirísto Waag kúnnaa guđo-, Máá kúnnaa Rubachietallá af giri he guchle kí yiimet-, ki aargiroká geyyiny kinaallá ki met egese.

Títo 2:13 ပူးပေါင်းရင်းမြစ်များ

Matááyo 16:27

Yáá Iny Máádhátallá guch ˈJaachú ha kí yiimedhe, ubaa gál chia ˈgasso-, urruká hollo nyí hol ká egeete. Af kinaallá gálaat lulle héllé eekemeyká eiyyo yú hol gaa nannaa, gál hé midhabká eekemeyká hé shiicho ha yú shigia, gál hé ˈdeđewká eekemeyká íín he il haí aargiˈda.

Matááyo 25:31

Yíésu geđi kieye, Af giri Iny Máádhat guchle kí yiimet-, gál ˈgasso-, urruká lulle hol ká egeetká, mu karallé kansimoká hai ˈdú yíéđima.

Matááyo 26:64

Yíésu mú geey, kieye, He hát hotééllá. Tá yú hí geeye, itín bár ˈdaatika, yáá Iny Máádhátallá Waag fargogínt lulle ˈgayyoká gíllé ˈdaa naanietká ijo-, nyáˈdow kí yiimetká haí ye aargiˈda, Yíésu hí gáál yie.

Márko 14:62

Aalé Yíésu kieye, He yú. Itín Iny Máádhátallá Waag fargogínt lulle ˈgayyoká gíl ˈdaa naaniet yíéđian-, tá nyáˈdow urruká kí yiimetká haí aargiˈda, yie.

Márko 8:38

ˈGál kulichallo-, Waag hay-, ađaabano ˈgúóllá máá mákárta-, yú ubaa ˈdeenychú ˈdugaka kern hí ˈgiidhoká, Iny Máádhat máá kinaallá argeka úba kern haí ˈgiidha. Hé kinaallá he af giri mu édhúm ˈJaalle kí yiimet-, ubaa gállé ˈgasso-, urru-, Waaˈgietká hol ká egeetká, muí gáál yie.

He Ekeny Gál Alb Fimiká 24:15

Yú úba hát tikiˈde gaal íín hí Waag iiy yíéllá Waag iiy yie, giri gál saas mánká ubaa gál saas ˈguoká met hullaalle Waag hí uushim yiem gáá ˈdeđichoká.

Róóma 15:13

Aalé it hí Kirísto iiy chíéllá, Waag ííni gáál ˈdú ˈjeˈjeennóóllá hí ger gaa meen ubaa naanná shiigicho. Héétí ˈdúˈjím Waaˈgiet hát hí aargiˈdaká onyle úba Waag hí shiigicho. Hím Naasan Waaˈgiet fargogintle hí onyééllá ˈdú ookodmicho.

Róóma 5:5

ˈDaa giri Waag múún gáál Hím Naasanle ká shiiche-, gáál gielmitle koch ki hoychééllá, he af iđiny Waaˈgietallá met esiny ubaa onyle hé gáál af hódho ma hođiny.

Róóma 8:18

ˈDuuw bár ˈdaatika Waag hí gáál ka shigichóótíá hé manyjany ke lésallá gaa maanyjawallá ke hol ma ki ekemeny. Manyjanyééllá hát hé káta mánká yú ká dhaˈgama.

Korínto Erká 1:7

Aalé káána ˈdaab Máá kúnnaa Guđo Yiesu Kirísto hol ká naanle hí súm met egetóóllá, it hé shiicho Waaˈgiet tikiˈd úba ma gaa ˈdaabiny.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Korínto ki Naamaká 4:6

Muun Waag tikiˈde kieye, Edhum hí bííy gaa ongʼoˈdeká yé gáá ˈdie, chieká in muun kaskúnno édhúmle gaa iđiche, giri ke mú ˈduuwle oonnootká. Waag ˈduuwlééllá in gálaat hí Kirísto gaa aargira.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Kolosááya 1:5

Iiy yeen ubaa gielmit hí ˈgayyáállá he ˈdaa giri Waag hát hí he lullé ˈdabaan-, hí úr ali kí iđicheká hí met gaa ógká. He met esiny kinaallá ˈdeenyle it kis Fayam ˈdúwa-, Midhab-, Kiristoká gaa maalle.

Kolosááya 3:4

Af giri rúbách kíchia Kirísto hol ká nannaat-, ˈduuwle ká eedheyyoká in itín úba hí luolmit kíchia biiyóóllá ˈduuwle higilla.

Dhesaloníke ki Naamaká 2:16

Aalé Máá kúnnaa Guđo Yiesu Kirísto dhúrle ubaa ˈJaa kúnnaa Waag gáál giel-, ˈdaa ˈdúˈjímle ˈdugaka gáál góf biiyoká ubaa hé midhab ke met egesoká ka shíéllá,

Dhesaloníke ki Naamaká 2:8

In aalíáka máá hemuumurit Waaˈgiet điidhééllá biiy yé gáá ˈdeeme. Tá Máá Guđo Yíésu hímlé af ki nannuoká mú hai ki yeese, Yíésu guchlé he kí ˈjeˈjeenká mú ha ki beđita.

Tímote Erká 1:1

Yú he Báulo. ˈDaa hemurit Waag kúnnaa gáál rubach shigichóóllá ubaa Yiesu Kirísto ke luolmit biiyo-, ke met egesóóllá gaa argééllá ˈdaalleka, yú he máá ali gaa kaany-, Yiesu Kiristoká.

Tímote ki Naamaká 1:2

Warˈgatééllá kó iny chia yú ko giel-, Tímote lééllá yú ko ˈdu gáá verene. ˈJaa kúnnaa Waag ubaa Máá kúnnaa Guđo Yiesu Kirísto hí ko ˈdú ˈjeeˈjeen, hí ko geer guurá aargisuo, hí ko naanná shiiguo.

Tímote ki Naamaká 4:1

Waag metle ubaa Yiesu Kirísto giri gál luogolká ubaa gál kufeká bár ka chiimetóótíá ˈdéé ki iđimuo-, hol ká nadheka, Guchle biiy yé gáá ˈdeđuoká metle hé yú ko ki mureká hééllá:

Tímote ki Naamaká 4:8

Aaléka, hé shiicho gál Waag hí gál ˈdúwaká chegetoká hí aargiroká hé úba ye úratíá kí egesso. Hé shiicho kinaallá Máá kúnnaa Guđo-, gálaat hát ˈduwantiká hol eiy gaa nannuoká Kúlích ˈDéé ki Iđiny ka chiimetóótíá ha muí ye gáá shigia. Hé shiicho hat kinaallóóllá hé muí ye tákámchú ma ká shiginy, ameeny gál mú fiiritle ˈguo-, mú hol ká naanle met egesóóllá úba ha muí shigia.

Títo 1:2

ˈDeeny ˈdúwáállá ˈdaalleka in Waag gálle hát luolmit biiyoká aargiroká og. Hééllá Waag hátlé les ma ka kúóninyká Waag hí murate, tá Waag hé af ka hódho mán.

Títo 1:4

Títo, warˈgatééllá kúúni yú ko ˈdu gáá verene. Kuun veel chia yú ko ká dhaˈgama, ˈdaa giri yú ubaa kúún ke Yiesu Kirísto iiy yieká. ˈJaa kúnnaa Waag ubaa Máá kúnnaa Rubachiet Yiesu Kirísto hí ko ˈdú ˈjeeˈjeen, hí ko naanná shiiguo.

Títo 3:4

Tá Waag Rúbách kúnnaallá af giri geer gaa midhantle ubaa gielmitle gálaat argisicheká, hé muun gáál riiyye.

Héberew 9:28

Hát tikiˈdééllá in Kirísto a tikiˈd hol suor ki hoy, giri gálaat ađaabano ubaa nyuogim gaa egewká. Mu hollo hol ká naadha, tá mú hol ka naanlééllá hé ađaabano ubaa nyuogim gálaat ˈdaalle ˈdugaka muuniny, he gál mú met egesoká muí luolmit biiyoká ˈdú gáá siidhoká.

Bétiro Erká 1:3

Máá kúnnaa guđo Yiesu Kirísto ˈjaallé Waag gaalí meeyo. Mú geer guurallé guđoká ˈdaalleka, mu hé muun gáál ˈdalmaat kaanaká ká shie. ˈDaa giri Yiesu Kirísto uushich yé gáá ˈdieká, in káána hát ke luolmit biiyoká ˈguoká ke og.

Bétiro Erká 1:7

Hát hórkí ˈjiet hí ˈgeesicheka ˈdúúwáálláka, manyjany kíchiallá iiy yeenkícho hai ˈduuwasicha. Hórkí íín el met haí ˈgiidha, tá iiy yeen kíchia-, hórkí ˈdú ˈdúwáállá íín hé el met hí ma ˈgiˈgin. Tá af giri Yiesu Kirísto hol ká nannaat-, Waag hí ká eedhesichoká itín meeny ubaa ˈdúúw haí aargiˈda.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Bétiro ki Naamaká 3:18

Tá Máá kúnnaa Guđo-, Rubachiet-, Yiesu Kirísto lééllá ˈdúˈjímle ubaa onyle ki hiráa. Káána ubaa bííyyo, ˈduuw taalle hí mú hélle yeet. Iiy-hí, he hí hát kinaallá yeet.

Yuána Erká 4:14

Hát ˈJaakúnno gáál Inyle ali ˈdu gáá kaay-, mu les Máállé Rubachietká yíéllá nyáá nyí ˈduuwle argiyye, nyí hogoto.

Yúúa 1:21

It Máá kúnnaa Guđo-, Yiesu Kirísto geer guurallé-, hí luolmit biiyoká higilsichoká met egetééllá, hát Waag hí gielká onnóo, kas kinaallá ki yíéđía.

Kí Edhesiny 1:7

Bá dhaayyíe, mu nyáˈdow hai kí yiimedhe, il lulle haí aargiˈda, gál mú veereká úba mú hai aargira. Kidh lullé les gaa ijoká mú ˈdaalle ˈdugaka af gaa guđoká hai ki beeme. Iiy-hí, he hí hát kinaallá yeet.