Títo 2:12 - Fayam Midhab Yiesu Kiristoká He Hol Af Iđiny Kaanaká

¹² ˈDúˈjím Waaˈgietallá hé gáál oonisichoká he húgúm Waag hí nébká ubaa balt lesalloká ke hol ka ririat-, ki kás kakaat-, ˈgíérích ˈdúwa-, Waag hí feˈdoká ki báral ke ki ijoká.

Títo 2:12 ပူးပေါင်းရင်းမြစ်များ

Matááyo 12:32

Máá Iny Máádhat ˈdeeny ˈdeewká ki hodhoká, máá kinaallá héllé ˈdeeney kinaal Waag haí haađicha. Tá máá Hím Naasan Waaˈgiet ˈdeeny ˈdeewká ki hodhoká, ađaablé he hílééllá hé bííy kaanalloká ubaa bííy biraamiet ka chiimetóótíá Waag hí ma haađiny, Waag mú ˈdéé hai ki iđimicha.

Matááyo 16:24

In aaléka Yíésu lalille geey, kieye, Máádhat ye el gáá verenoká fedoka, íín dhúrle erkob hí hol điidho, hí ˈgórlé đarám yaalká eet, tá hí ye el gáá veero.

Matááyo 28:20

Itín he lullé yú hí kí mureká gáál onisía, gaal hí he onisinychú chirat. Yú yáá bar lulle ke hol ˈguo, ˈjíig biiy el ˈdáˈdle đig, Yíésu hí lalille yie.

Lúka 1:6

Gaal hullaalle gál ˈdúwa-, Waag kikiatká. Gaal hé Máá Guđo Waag hemuumuritle ubaa atimle tikiˈd úba ma hâny, gáál úba hé gaalí ˈdú ˈdeensetká mán.

Lúka 1:75

Tá múún rám kúnnaa ki lésal ˈdú ijoká Waag innum leka ki gál ˈdúwa-, he fedit Waaˈgiet gaa ijoká ki gaa yegetká.

Yuána 14:30

Yáá ál ˈjíig hí ki geeyoká mán, ˈdaa giri kánsích lesallo-, Sátan léká ká yiimetká. Máá kinaallá hé níínni ye gil kí mumuroká mán,

Yuána 6:25

Aalé gaal Yíésu bás ílung ˈdaatí gaa argeká mú yiete, kieye, Máá gáál he oonisúóllo, amáre ál kí ˈjiiyye? mú yie.

He Ekeny Gál Alb Fimiká 24:16

In bar lúl yú lađama, giri yú innum Waaˈgiet ubaa innum gálaat ađááb hol ká ririatká.

He Ekeny Gál Alb Fimiká 24:25

Aalé Báulo gálaat hát ˈduwantiká ki ijoká ubaa gálaat hé ˈdeđewká hol gáá momoyoká, tá kúlích ká chiimeto gálaat Waag hí ˈdéé ki iđimichoká yaalmitle gáál geđieká, Felíki đo neey, Báulo geey, kieye, Aalé káánaka sí, af mákártaká ha yú ko ká veeme, mú yie.

Róóma 12:2

Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Róóma 6:12

Aaléka, ađaabano hai gón kíchia-, aadh ˈdaatika kufunannóóllá he ki mumúriny, hí gon baltle híliny.

Róóma 6:19

Yú hí af gálaat ki geđúóllá, he ˈdaa giri tawunykícho tawuny gálaatká. Itín kíssóótíá it metkícho ki seseenne, hé gaa nyakarichká gedelle chie, it ađaabano hí ki fiidhe. Aalé káánaka gede Waaˈgiet hé ˈdúwaká ekemeyo-, saas mánká yeedhíe.

Róóma 8:13

Har hí balt gonnietká el gaa igiˈdoka, hí kuyyeka, it luolmit biiyoká ma higiliny. Tá ˈdaa Hím Naasan Waaˈgietka, hí hé kinaal hol ká riateka, luolmit biiyoká haí higilla.

Korínto ki Naamaká 1:12

Nyiin hé midhab-, nyí ekemeyche-, nyí ki ˈgađasannoká nyáá nyí ˈgayya. Hé kinaallá he húgúm ˈdúwa-, leđuđugulle-, Waaˈgiet nyí lésallá ki iđa-, ke hí hurt ki ijóóllá. Nyiin nyáá nyí ˈdaalim gálaat lesalloká el ma gaa igiriny, nyíín geer guura Waaˈgieto nyí ki iđa, nyí af tatiyya.

Korínto ki Naamaká 7:1

Nyaaram chia yú gielallo, ˈdaa giri Waag muun gáál hééllá lulle af iđicheká, ameeny hé ˈdeđew-, gón gelle ubaa sídh gelle gaa ijo-, muun gáál ˈdeđeneyoká lulle kí hol gaa dhiiro, kí Waag kiikiat, kí gál Waag hát ˈdabaanká ennianká yeet.

Galátia 1:4

ˈJaa kúnnaa Waag hát he fedeká in Kirísto nyuogim ubaa ađaabanokúnno ˈdaalle hol ˈdú sillie, giri mu gáál yaalmit gaa nyakaridhe-, barallóóllá gaa ririanká.

Galátia 5:24

Gál Yiesu Kirísto hí lééllá hé balt gaa nyakaridhe-, hí gónle gaa iđeká ˈgór đarám yaalká ˈdú reey.

Eféso 1:4

Waag hátlé les ma ka kúóninyká in muun gáál waarate, gáál Kirísto ˈdú fiiyye, giri Waag innumleka, ke saas mán-, Waag gáál ma ˈdeđensenká.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Kolosááya 1:22

Tá káánaka, ˈdaa Kirísto hí gón hát gón kúnnaallá kaadhdhe-, kuféélláka, it ubaa Waag hol hille, giri Waag innumleka hí saas ubaa ˈdeensen ˈdaabiyyoká.

Dhesaloníke Erká 4:7

Waag íín hé gáál yaalmit gaa nyakaridheká ma kí víiny, iđiny ˈdúwa-, he feˈdoká he gáál kí viiyye.

Dhesaloníke Erká 4:9

Aaléka, gielmit gál Kiristo hí hol ká ˈguoká ˈdaalleka, hé níínní hí muog-, yú hí ˈdú gáá verenoká mán, ˈdaa giri itín dhúrkícho yaalmit hí hol ki gegelneteká Waag hí onisicheká.

Tímote Erká 4:12

Rúórmích kuallá ˈdaalleka, gálaat hai ko eeshêny, tá ˈdéé hótkú, he ekenykú, ubaa gielmitkú, tá iiy yeenkú, héétí iđinykú lúl hí húgúm saas manti-, gál Kiristo hí ka ennianká onnoyyo.

Tímote Erká 6:17

Gál lésalláka kaamúreká af táátaʼ, gaal hai hol egêny, hai kamur el mé mánnallá ˈdúúw hóson. Gaal hí Waag gáál he met lulle ká shigicho-, ke gaa geyyeenallá ˈdúúw hosot.

Tímote Erká 6:9

Tá gál súm kaamurawká fedoká hé ˈdeđew-, tagle muuniny-, ki kaamurawká he ekemeye. Gaal he feditlé đeemo-, burnayye-, gálaat ˈdeđeneychóóllá he hát naar gaal íín dhúrle ˈgiiliˈgayyo-, gáál beđisato-, gáál mé ˈgiidhichoká.

Tímote ki Naamaká 3:12

Aaléka, ameeny gál Máá kúnnaa Rubachiet Yíésu iiy yie-, iđiny Waag hí ˈdúúw gaa egeetoká fedoká manyjasiny il haí aargiˈda.

Tímote ki Naamaká 4:10

ˈdaa giri ˈDémas lésallá hélle giel-, ye hay-, Dhesaloníke mé nieká. Kerékes hé Galátia mé nie, tá Títo íín ˈDalmátia mé nie.

Títo 3:3

Muun úba héle kíssóótí he gál đées-, metle ki seseme-, hé lesalloká hí nyiimite-, bált met lulle ˈgar kirmite-, hé ˈdeđewká gaa seseme-, hinááf ˈgie-, gálaat hí nebeney-, íín úba hol nebeneyká.

Héberew 8:11

Gaal af kinaallá hé gállé Yisirayel yíekaʼ, gállé hol léká yíekaʼ he a tatuo-, kieye, Máá Guđo Waag ónob, yegetká mán. Hééllá he ˈdaa giri gálaat lulle-, máá guđoká yíekaʼ, máá ninniká yíekaʼ, ye onodheká.

Yákob 1:27

ˈGíérích ˈdúwa-, Waaˈgiet-, saas mán-, ˈJaa kúnnaa Waag hí fedoká hééllá: um híyeská ubaa ˈdeg híyeská héllé hí ki ˈgierˈgereká ke ˈdú chichirat-, ubaa yaalmit lesallo-, gaa nyakaridheká ke hol gáá faaganayoká.

Bétiro ki Naamaká 2:9

Har hééllá hatal kátaka, Waag hé gál ˈgíérích ˈdúwaká el gaa igiroká hé hí ki ˈgierˈgereká hé hát gaa ririannoká ˈgayyo. Héétí Waag hé gál saas ˈguoká ˈdaab kúlích ˈdéé ki iđinyká ali ma kí ˈdíinyká hé hát gáál higito-, gáál he il ka aargisichoká ˈgayyo.

Bétiro ki Naamaká 3:11

Aaléka, ˈdaa giri Waag hí he lulle hatal ki beđisatkáka, itín kor it gál hát máre ˈgie? Itín onnônyka hát saas manti-, yaalmitle Waag geer gaa memesichoká hí ká yíéđianna,

Yuána Erká 2:27

Tá itín it Hím Naasan Waaˈgiet Kirísto gaa argiyye. Hím Naasanééllá hé hí gaa iđo. ˈDaa kinaallá ˈdugaka in hí máá hí hé ˈdúwaká oonisuoká ma hegesen. Hím Naasanééllá he máá hí he met lulle oonisuoká. Hé Hím Naasanééllá hí oonisichoká hé hé hódhoká muuniny, he hé ˈdúwaká. Hát Hím Naasan Waaˈgietallá hí onisichééllá, Kirísto gaa yíéđía.

Yuána Erká 2:6

Máá kieye, Yáá mú gaa ijo, yegetká, húgúm Yíésu hí ki ijeká, úba hí ki yíéđuo.

Yuána Erká 5:19

Muun hát ke um Waaˈgietká hé ke óg, kor lésallá lulle íín Sátano he gíl geer gaa iđa.

Yúúa 1:18

Itín hé gaalí geeyká, gaal kieye, Bár biiy el ˈdáˈdle ali kí ˈdeˈdeenká gál af ka fichilít ˈguo-, Waag kian ka mán-, baltle el gaa igiroká biiy yiem hai gáá ˈdeeme, gaalí hí yie.

Kí Edhesiny 14:12

Hééllá ˈdugaka gál Waag hemuumuritle ubaa iiy yeen Yíésu iiy yieká ki ˈgieká hí mé ki chirsat.