Títo 2:11 - Fayam Midhab Yiesu Kiristoká He Hol Af Iđiny Kaanaká

¹¹ Waag hé gálaat lulle ˈdú ˈjiiyye, hé kár gálaat hí rubach ki aargiroká yé ká ˈdeeyche.

Títo 2:11 ပူးပေါင်းရင်းမြစ်များ

Matááyo 28:19

Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká.

Márko 16:15

Aalé Yíésu gáál geey, kieye, Les lúl gaa sedhíe, gálaat lulle Fayam chia Midhaballá ki ˈdiiyimíe.

Lúka 24:47

Fayam rubachietallá mú meenyle ˈdugaka erkob Yerúsalemo gaalí gaa ˈdiyime, tá gaalí kidh lulle ki ˈdiyime, giri gálaat héllé ˈdeđewká haađuo-, Waag makan fafaan-, Waag hí ađaabano ubaa nyuogim gaa egeyyoká.

Lúka 3:6

Gálaat lulle Waag rúbáchle il hai ki aargira, hai yeedhe, ˈdee hí yie.

Yuána 1:14

Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

Yuána 1:9

Édhúmallá he édhúm ˈdúwa-, lésallá ká yimie-, máádhat lulle édhum ˈdú kokuoká.

He Ekeny Gál Alb Fimiká 11:23

Aalé Barnábas ali ki ˈjie-, Waag gielmitle argeká geer hí gaa meedhe, mu gáál lulle guofsie, giri gaal kasle Máá Guđoká gaa iđimuo-, mú el af ma gaa taaminyká.

He Ekeny Gál Alb Fimiká 13:43

Gaal ˈdiiyiminy eiy gaa kieká gál Yuuˈdi burnayká ubaa gál kidhdho-, nyátál gál Yuuˈdiká tág el gaa igireká Báulo ubaa Barnábas el gaa veere. Báulo ubaa Barnábas gáál ˈdéé net gaa kaay, giri gaal gielmit Waaˈgiet gaa yíéđianká.

He Ekeny Gál Alb Fimiká 13:47

Waag ˈdeeny ˈdaakínyoka hoteká hééllá, kieye, Yáá ko kidh met gaa koy, giri kuun édhúm kidh in kakawká cheget-, kuun rubach les lúl nyuorsichoká, he chie, mú Baulo hí gáál yie.

He Ekeny Gál Alb Fimiká 17:30

Bííy heleká Waag hé gálaat đeemléél hol ma héésen, kor káána hé gálaat he ki muˈde, giri gaal héllé ˈdeđew-, gaa seseenká haađuo-, mú makan fafaanká.

He Ekeny Gál Alb Fimiká 20:24

Tá yú yáá sídhchú ye geer ma gaa ˈdeeneny. Hé chia ye ki ˈdúwaká he hújích Máá Guđo Yíésu hí ye ká shieká, giri Fayam Midhab gielmiti Waaˈgietká đulalle yú kirmisat-, yú ˈdiyeen-, yú beđisatká.

Róóma 10:18

Aalé gál Yisirayel hé fayamééllá ma máálinyo ke yeedhe? Híʼi, gaal hé fayám maale. Hát Warˈgat Waaˈgiet hí hote-, kieye, Fayám hé les lulle eiy bash ki chie, ˈdee hé les lulle mé ki ˈdoy, chieká.

Róóma 5:15

Áˈdam ađaable ubaa hé shiicho Waag hí gáál hállééllá ka shiichééllá hol ká eiyye. Áˈdam ađaablééllá in gálaat lulle kúfach mé ki koyye. Tá Waag hé shiicho gáál ka shiichééllá ebá guđáan! Hé shiichóóllá he Yiesu Kirísto, giri muí gálaat lulle ká shie-, gáál muí ˈdú ˈjeˈjeenká.

Róóma 5:2

Iiy yeen ki Kirísto iiy yíéllá ˈdaalle ˈdugaka, hé ke ˈgíérích ki ˈdúˈjím Waaˈgiet ki aargiroká arge, in káána ke ˈdúˈjím kinaal gaa ija. Héétí Guch Waaˈgiet hélle lulle hát ke higiloká hé ki óg, hé kinaallá hé tág gáál geer gaa meey.

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Galátia 2:21

Yáá gielmit Waag hí muun gáál ka ˈgayyoká ma egesheny. Gálaat hemuumurít el gaa igiritle hí saas ˈdaˈdabsînyka, af kinaalka Kirísto hállééllá he kufe, yú Bétiro yie.

Eféso 2:5

Af giri hátle ađaabanokúnno ˈdugaka ki gál kufachiet onnoyká, Waag hé muun gáál Kirísto hol ˈgar loolnoyche. Aaléka, itín ˈdúˈjím Waaˈgieto hí ki biiyye.

Eféso 2:8

Itín meka ˈdúˈjím Waaˈgieto hí ki biiyye. ˈDúˈjím hí argiyyééllá he ˈdaa giri hí Yiesu Kirísto iiy chieká. Hééllá hé ˈdaakícho yé ma gáá ˈdíiny, Waago hí ká shiiche,

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Kolosááya 1:6

Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Dhesaloníke ki Naamaká 2:16

Aalé Máá kúnnaa Guđo Yiesu Kirísto dhúrle ubaa ˈJaa kúnnaa Waag gáál giel-, ˈdaa ˈdúˈjímle ˈdugaka gáál góf biiyoká ubaa hé midhab ke met egesoká ka shíéllá,

Tímote Erká 1:14

Tá Máá kúnnaa Guđo Waag hé ye ˈdúˈjímle hát ˈdabaanká ˈdú ookoˈdmie, ˈdaa Yiesu Kiristoka ye iiy yeen ubaa gielmít ká shie.

Tímote Erká 2:4

Waag hát feˈdoká he giri gálaat lulle rubach aargiro-, hé ˈdúwa-, Waaˈgietká kiimisat-, eiy nannasatká.

Tímote ki Naamaká 1:10

Aalé káánaka, ˈdaa Máá kúnnaa Rubachiet-, gáál ˈdu gáá yimie-, Yiesu Kirísto léélláka, Waag hé muun gáál ˈdúˈjímle yé ˈdu gáá ˈdeeyche. Yiesu Kirístóóllá ííni kúfach fargogintle mán hoy, ˈdaa Fayamlé Midhaballáka, gálaat ˈgíérích luolmit biiyoká kí edhesie.

Tímote ki Naamaká 4:17

Tá Máá kúnnaa Guđoká hé ye ˈdéé yiir kí chiˈde, ye fargogonoy, giri yú Fayamlé Midhaballá hát ˈdabaanká ˈdiiyime-, gál gál Yuuˈdi muuninyká lulle fayám maaleká. Aaléka, Waag hé ye luoch af gáá bisiche.

Héberew 12:15

Tagkícho ˈdée! Máádhat hai Waag el af gaa táminy, ˈdúˈjím Waaˈgiet ˈdábiny. Hurtkícho hai ˈgór heđeʼ-, gáál shalal fafuo-, gál burnayká ˈdeđeneyoká hí gáá ˈdíiny.

Héberew 2:9

Muun hé ke argóóllá he hát Yíésu Waag hí bár gáá gaawká gál urru-, ˈgassoká el koyyeká. Aalé ˈdaa giri mu he manyjay-, kúfach il hí argiyyeká in Waag mú ˈdúúw shiiche, mú ˈduwayche. ˈDaa giri Waag gálaat geer guurá ka ˈgayyoká in kúfáchallá Yíésu hí gálaat lulle ˈdú kufe.