Títo 1:9 - Fayam Midhab Yiesu Kiristoká He Hol Af Iđiny Kaanaká

⁹ Mu hí fayam Kiristo ˈdúwáállá hát giri gaalí onisieká hát ˈdabaanká ki yaal. Hát kinaallá in mu he onisiny ˈdúwáállá gálaat af ki tataa, tá gál fayam Kiristóóllá fálaam gaa iđimuoká fáláámle hát tagle muuninyká gáál eiy ki nannaa.

Títo 1:9 ပူးပေါင်းရင်းမြစ်များ

He Ekeny Gál Alb Fimiká 18:28

Aalé Abóllos gálaat metle gál Yuuˈdi hát ˈdabaanká hol ki ˈdiiyimeká, gáál a mé kí ˈjie. Mu Yíésu hát Messíyaká gáál Warˈgat Waaˈgiet gaa argisie.

Korínto Erká 14:24

Hé kinaallá afleka, har lulkícho ˈdeem Waag hí ká shigichoká hí ˈdiyeenno-, tá máá gábáríchatí, muuninyka, máá Kirísto iiy ma yéenká hí hurt ká hileka, he lullé mamaloká hí bíl hođia, ađaabanolle kiimita,

Dhesaloníke Erká 5:21

tá he met lulle eiy naanatíe. Hé ˈdúwaká hát ˈdabaanká chiˈdíe,

Dhesaloníke ki Naamaká 2:15

Nyaaramkínyo, aaléka, taganokícho ˈdée, he onisiny ke hí af kí onisieká yíekaʼ, he onisiny warˈgatle ke hí ˈdú gáá veereká yíekaʼ, lulle hát ˈdabaanká ki ˈgée, tág chiˈdíe.

Tímote Erká 1:10

Héétí hemuumurít he ˈdaa gál herginy gálle hol ma shúúnanká gaa seseenká, ubaa ˈdaa gál herginy gályaab hí hol hergisanká gaa seseenká, tá ˈdaa gál gálaat ugunan-, gáál mamarsatká, héétí ˈdaa gál hođomléká, tá gál gálaat hé hódhoká af kakawká, héétí he ˈdaa hé éíy taaka lulle-, he onisiny tagléká ma ki yaalinyká gaalí tág ki koy.

Tímote Erká 1:15

ˈDéé hót ˈdúwa-, ke lulkúnno hát ˈdabaanká iiy yegetká hééllá: Yiesu Kirísto lésallá ka yimíéllá, gál ađaabano ˈguoká he ririma. Tá gál ađaabano ˈgúóllá yaa súm hí ađááb ˈdú ˈgaa.

Tímote Erká 1:19

Iiy yeen Kirísto ka ˈgayyóóllá tág chíro, hé kuuní óg-, ˈduuˈdúwaká eekémesh. ˈDaa giri gáál ˈbáál héél gil sug ki hayká, in iiy yeenle eiy fufue.

Tímote Erká 4:9

Hééllá he ˈdéé hót ˈdúwa-, ke hát ˈdabaanká iiy yegetká.

Tímote Erká 6:3

Máádhat har he onisinyééllá he onisiny éíy taaka gaa fue-, ˈdéé hót Máá kúnnaa Guđo-, Yiesu Kirísto ˈdúwáállá ubaa he onisiny Waaˈgietallá iiy ma yegenka,

Tímote ki Naamaká 1:13

Gálaat oonisichoká, he onisiny ˈdúwa-, ye gaa maallééllá yaalmitle énnig, Yiesu Kirísto taalle iiy áat, gielmit Kirísto hí ko aargisúóllá gálaat ki géélneb.

Tímote ki Naamaká 2:2

Héétí hé yú gál burnayká met gaa huogodhe-, ye af gaa maalleká, gál ˈdúwa-, ko af ˈduuwayo-, gál éíy taaka úba hé kinaal oonisuoká uroká af ki hash.

Tímote ki Naamaká 2:25

Héétí hí máá gál hí mé il gaa ˈgieká hát abuntiká af tatuoká onnow. Kálmaréél gál kinaal hodhinaamle Waag đig haí cheedhe, gaal Waag makan hai faama, hé ˈduwa-, Waaˈgietká hai oonoodho,

Tímote ki Naamaká 3:14

Tá ˈdaakúka, hé onnote-, iiy chíéllá hát ˈdabaanká chíro, ˈdaa giri gál hééllá gaa onnoteká kuuní ógká.

Tímote ki Naamaká 4:3

Bár gál burnayká he onisiny ˈdúwáállá nee ma kokonyká ali hai kí ˈdeenne. Gaal he feditle ˈdaalleka, gál gálaat he oonisuo-, ˈdeenyle hí nee gaa méká hollo hol gaa ˈgeˈgedhe, gáál af nee hai kokoo.

Títo 1:11

Gál hatallóóllá mé il ki súoy, gaal hai kar árginy. Gálallá he gál he onisiny tagle muuninyká é ger gálaat ki baađisuo-, birm hol gaa ˈgeˈgedhoká.

Títo 2:1

Tá kúún gálaat he onisiny fayam Kiristo ˈdúwáállá ˈdaalle ki taalká onísish.

Yúúa 1:3

Sheel chia yú gielallo, yú érléká rúbách kúnnaa áwúlle ke hol ki ˈgúóllá hélle hí ˈdú gáá vereneká súm fede. Kor káánaka, yáá kas yáálle hí warˈgát ˈdu gáá vereno-, hí gil ki egefoká ye ká hille, giri Fayam Midhab ˈdúwa-, Waag hí gálle af tikiˈd kí shiiche-, tá bííyyo hol ma gaa sorominy-, muí gáál ki ógallá taalle laatle kín hí lađaanna-, gál hođomléká hí ma laanká.

Kí Edhesiny 2:25

Tá, ˈdaab yú hol ma ka náanká, iiy yeen hí ye ká ˈgayyáállá tág chiˈdíe.

Kí Edhesiny 3:11

Yú ál ˈjóbo gáá yiimedhe. Hé hí ˈgayyaká tág chiˈdíe, giri hé shiicho Waag hí shigichoká máá níínní hí ka riatká mánká.

Kí Edhesiny 3:3

Aaléka, hé hí maalle-, hí iiy chieká táb ˈdodhdhíe, hé kinaallá ki kuongʼoˈdíe. Hé kíchia ˈdeđewallá gíl sug ki hayyíe, Waag makan famíe. Tá har hí in eiy ma ˈdeđinyka, onnóo, yú hát máá buraa léká ká yiimedhe, it aadh ˈgás yú gáá yiimetká muog.