Títo 1:5 - Fayam Midhab Yiesu Kiristoká He Hol Af Iđiny Kaanaká

⁵ Yú ko Keréte ki hayallá, he giri kuun hújích muun gáál gíl af yé ma gaa ˈdíinyká, hol akaˈd tág ki kokoyyo-, ubaa ˈjien lullé gál Kiristo hí gaa ijoká, karu gál Kiristo met ki ˈgieká, hát yú ko geeyká, les gaa shugunnoká.

Títo 1:5 ပူးပေါင်းရင်းမြစ်များ

He Ekeny Gál Alb Fimiká 11:30

Gaal héllé hol ˈdú shuune-, gállé nyaaram-, lés Yuuˈdia gaa ijeká ali ˈdú fafieká Barnábas ubaa Sáwul gíl fie, he gaalí gáál karulle ˈdú sidhe.

He Ekeny Gál Alb Fimiká 14:23

Báulo ubaa Barnábas aflé higite-, Waag viviteká gál Kiristo ˈjien kinaallo-, alb hí hol ka eiy eiyyeká gállé hí met ki ˈdeenká le gaa shuune. Gaal Máá Guđo Yíésu he iiy yieká gáál gíl geer fie.

He Ekeny Gál Alb Fimiká 2:11

Múúni kinaallá ˈdáá tikiˈd ke gál Yuuˈdi, tá gálatí he gál Waag Yuuˈdi iiy yieká. Tá múún ˈdáá tikiˈd ke gál lés Kerete ubaa gál lés Arabia. Tá gaal íín har hé gáál af ˈdaˈdabsuo-, Waag hí ekemeycheká afkúnno eiy ki memeye! Ki maala! gaalí yie.

He Ekeny Gál Alb Fimiká 27:12

Aalé ˈdaa giri malg kinaal ˈguiyam ˈdeenyietkáka kadich ma ki midhananyká, gál gúúđo kadich taalle seseen-, ˈjíig Fóínika nyooron-, gaal ˈdéeny aflé kinaal ál kinaal gaa yíéđianká he fede. Malg Foinika kinaallá koro Kerete ˈdaa aadho urruká ubaa ˈdaa aadho meleská he bala niiyye.

He Ekeny Gál Alb Fimiká 27:13

Wááních ˈdaa urru af hí ka nieká gaal hé tawueká, wááních gáál siidhoká hé kinaallá, he yie. Aalé gaal đo waar giri masam met ki hiigidhe-, bie ki laalameká bie gáá shuunne, kadich ká fadhdhe, gaal koro Kerete in gaa kudhdhe.

He Ekeny Gál Alb Fimiká 27:21

Aalé ˈdaa giri gaal rám ilishká ˈguom ma gaa kônyká Báulo gáál hurt ki ˈdie, kieye, Gál yaab! Itín onnônyka af haí ye maalle, hé ke Keréte ma ˈdu gáá kukúan, hééllá il hí ma aargíriny.

He Ekeny Gál Alb Fimiká 27:7

Aalé nyí hát hefiet mare rám ilishká gaa kuate, ˈjíig nyí malg Kaniˈdos kí ˈjobonte. Ál kinaalka waanich hátlé he súm ˈdarame-, nyí sieny biiy metoká ká ridhdheká nyí malg Salmone láá naate, nyí koro Kerete léshle túmus ki koyye.

Korínto Erká 11:34

Máá geer hí gaa bolowká er hí ˈbílle hé geere gaa kuo, giri gólól Máá Guđoká hí gáá yíéđiyyeka, hí hol ˈdéé ki iđiny mé ma ki kokonyká. Aalé yaalmisano éíy taakaká, yú ká yimieka, ha yú hí ká geđia.

Korínto Erká 14:40

He lullé hí ekemeychoká, hát midhab-, tagléká eekemeyyíe.

Korínto Erká 4:17

Hééllá ˈdaalle ˈdugaka in yú hí iny chia yú giel-, ˈdaa Máá kúnnaa Guđokáka ˈduuwle yú kimite-, Tímote lééllá yú hí ali ˈdu gáá kaay. Mu ˈgíérích Kiristo yú ki ijo-, yáállé hí alb lulle gál Kiristo me hí hol gaa aargiroká gaa oonisuoká táb haí kí gaadha.

Kolosááya 2:5

Har úba káána yú ke hol af gaa líítaka, ˈdaa Hím Naasan Waaˈgietka hé ke hol af ijo. Yaalmit kíchia itle hí hát ˈdabaanká hol gíl ka ˈgayya-, iiy yeen kíchia hí Kirísto ka ˈgayyaká hí ki taalká geerle hé tág ye gaa memeet.

Tímote Erká 1:3

Af giri yú Makeˈdónia sesemeká yáá ko gil ki efe, giri Eféso gaa yíéđianno-, gál he onisiny tagle muuninyallá gálaat oonisúóllá af tatiyyo-, gaal gáál he onisiny kinaal ma oonisiny-,

Tímote ki Naamaká 2:2

Héétí hé yú gál burnayká met gaa huogodhe-, ye af gaa maalleká, gál ˈdúwa-, ko af ˈduuwayo-, gál éíy taaka úba hé kinaal oonisuoká uroká af ki hash.

Títo 1:12

Gálallá máállé ˈdaallé mare úba hatallá he yie, kieye, Gál Kerete taalle he gál hođomlé-, đányar-, ma heyiminy-, he ma urinyká, he yie.