Títo 1:3 - Fayam Midhab Yiesu Kiristoká He Hol Af Iđiny Kaanaká

³ Tá aleđuđugul Waag hí muˈdeká ali kí ˈdiiyyeká in Waag ˈdeeny luolmit biiyóóllá ká edhesiche. Waag Rúbách kúnnaallá in ˈdeenyééllá ˈdaa hemuritle yú ki ˈdiyeenká ye mé ki koyye.

Títo 1:3 ပူးပေါင်းရင်းမြစ်များ

Márko 1:15

Kulich hé ali kí ˈdiiyye, Guch Waaˈgiet hé ká ˈjobonte. Hé ˈdeđewká hayyíe, Fayam Midhaballá iiy yiedhíe! muí gáál yie.

Márko 13:10

Erkob Fayam chia Midhaballá gaalí kidh met lulle ki ˈdiiyeen.

Márko 16:15

Aalé Yíésu gáál geey, kieye, Les lúl gaa sedhíe, gálaat lulle Fayam chia Midhaballá ki ˈdiiyimíe.

Lúka 1:47

Waag giri Rúbách chiaká hé ye geer gaa meeyche,

He Ekeny Gál Alb Fimiká 10:36

ˈDeeny Waag hí gállé Yisirayelká ali ˈdu gáá kaayyeká it óg. ˈDeeny kinaal he Fayam Midhab naanna-, ˈdaa Yiesu Kiristo ka naateká. Yiesu Kirísto kinaallá he gálaat lulle Máállé Guđoká.

He Ekeny Gál Alb Fimiká 17:26

Waag kinaallá kidh lullé les ˈdú ijóóllá mú tikiˈde he yé gáá ˈdeeyche, giri gaal les lúl gaa yíéđianká. Ííni úba kidh albanollé he yíéđianká ubaa kidh ˈdaab les gaa yíéđianká muˈde.

Róóma 15:19

Hím Naasan Waaˈgiet fargogintle ííni hé fargogo-, gálaat hí il ki aargiro-, hí af ˈdaˈdaboká ekemeyche. Hatallá in yú hát ˈdabaanká Fayam Midhab Kiristóóllá ˈjien Yerusalem tá ˈjíig lés Illuriko lulle gaa ˈdiiyime.

Róóma 16:25

Aaléka, Waag kí meemeyo! Waag hé Fayam Midhab Kiristo-, yú gálaat ki ˈdiyeenallá ˈdaalleka hí higiraycho. Fayam Midhab Yiesu Kiristóóllá he Waag héllé geer geđi kis ˈgayye-, tá káána ka edhesicheká.

Róóma 16:26

Aalé hát warˈgasam gál Waag hí ˈdeem ka shigicheká hí huogodheká ubaa hát Waag bííyyo ali iđóóllá hí muˈdeká, Fayam Midhab Kiristóóllá hé káána gálaat hí kidh lúl mamalsuo, giri gaal Kirísto iiy yeget-, mú el gaa igiroká.

Róóma 5:6

Af giri hátle ke hát mannayká, in Kirísto múúni giri ke ˈgierim Waag hí ma fedinyká gaa sesemeká gáál ˈdú kufe. Kúfách Kirísto hí gáál ˈdú kufe kinaal aleđuđugullé Waag hí muˈdeká ali kí ˈdie.

Korínto Erká 9:17

Fayam Midhaballá ˈdiiyiminyle har yú hol kí muˈdeka, af kinaalka yú he gaa argeka kalat. Tá yáá hújíchallá hol ma kí múran, hújíchallá Waago hí ye kí murate, in yú nannaa.

Galátia 4:4

Tá Waag aleđuđugullé feˈdeká ali kí ˈdiiyyeká, in Waag Inyle ali gáá kaayye, ini hí ˈdalle, hemuumurít gim gáá ˈdalidhe,

Eféso 2:17

Mu hé ká yimie, it gál Yuuˈdi muuniny-, Waag gaa faganayyeká ubaa nyííni nyí gál Yuuˈdi-, nyí Waag kí ˈjobonoyyeká gáál Fayam Midhab-, naannaká ki ˈdiiyime.

Filíbi 1:13

Hééllá ˈdugaka, yuoy lullé ˈbíl máá kansich ˈdeˈdeenallá ubaa gál innumééllá gaa ijoká lulle yú hát ˈdaa Kiristoka nyarugano hiiginká ye ki ˈgíéllá hé óg.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Kolosááya 1:6

Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Dhesaloníke Erká 2:4

Hé kinaallá afle in nyiin hát gál Waag hí galayche-, Waag hí Fayam Midhaballá af kí haycheká nyí ˈdéé ká hogoto. Af giri nyí Waag ˈdeenyle ˈdiyeennoká he gálaato nyí ger gaa memesicha muuniny, Waag ííni hé kúnnaa ger geđiká ógallá nyí geer gaa memesicha.

Tímote Erká 1:1

Yú he Báulo. ˈDaa hemurit Waag kúnnaa gáál rubach shigichóóllá ubaa Yiesu Kirísto ke luolmit biiyo-, ke met egesóóllá gaa argééllá ˈdaalleka, yú he máá ali gaa kaany-, Yiesu Kiristoká.

Tímote Erká 1:11

He onisiny taglééllá Fayam Midhab-, ˈdúwa-, Waag ke memeyóóllá hí ye gíl geer gáá kayyééllá ˈdaallé he ki taalla.

Tímote Erká 2:3

Hééllá innum Waag kúnnaa gáál rubach shigichóólláka, he yíéđiny midhab-, Waag hí gáál ki feˈdoká.

Tímote Erká 4:10

Muun húgúm Waaˈgiet ˈganyo in ke hát ˈdabaanká ˈdú lađama. Hééllá he ˈdaa giri he met esinykúnno ki Waag bííyyo ali iđoká ke gaa iđieká. Waag íínííllá he gálaat lulle Rúbáchlé, tá súm gál hí iiy yieká Rúbáchlé.

Tímote ki Naamaká 4:17

Tá Máá kúnnaa Guđoká hé ye ˈdéé yiir kí chiˈde, ye fargogonoy, giri yú Fayamlé Midhaballá hát ˈdabaanká ˈdiiyime-, gál gál Yuuˈdi muuninyká lulle fayám maaleká. Aaléka, Waag hé ye luoch af gáá bisiche.

Títo 2:10

Héétí gaal hai konf ˈgíiny, gaal hí hújíchle hát ˈduwantiká naannuo, giri Waag Rúbách kúnnaallá he onisinyle gálaat hí geelnetká.

Títo 2:13

Taalle ki ali ijóóllá muun Yiesu Kirísto Waag kúnnaa guđo-, Máá kúnnaa Rubachietallá af giri he guchle kí yiimet-, ki aargiroká geyyiny kinaallá ki met egese.

Kí Edhesiny 14:16

Aalé máá nyáˈdow ˈdú ijoká faaˈdlé ˈguom muranká les ˈdug gaa waanie, les ˈguomle đo muí mé ˈdoy.