Títo 1:11 - Fayam Midhab Yiesu Kiristoká He Hol Af Iđiny Kaanaká

¹¹ Gál hatallóóllá mé il ki súoy, gaal hai kar árginy. Gálallá he gál he onisiny tagle muuninyká é ger gálaat ki baađisuo-, birm hol gaa ˈgeˈgedhoká.

Títo 1:11 ပူးပေါင်းရင်းမြစ်များ

Matááyo 23:13

Yíésu geđi gáál geey, kieye, It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! It gálaat Guch Waaˈgiet hilít gáá moyche! Itín dhúrkícho it Guch Waaˈgiet hilít hol ká riate, héétí it gálaat Guch Waaˈgiet hilít ka riate.

Lúka 20:40

Gaal hé máá níínní geđi úba Yíésu yieteká mán.

Yuána 10:12

Máá gaalí he ki gugusso-, wála ˈdeeˈdémo, gaalí yieká, hé wála hát máá hí léká hí ˈdeˈdeenká ma ká ˈdeˈdeminy. ˈDaa kinaallá ˈdugaka in mu bíních kach ˈguoká wála ˈdu gáá yiimet-, argeka, wála okoˈdmia, kar ˈdarama, binich wála walach gaa ˈgiiliˈgaa, waláátí eiy baađaa.

Róóma 3:19

Hééllá hé gaa édhká, hemuumurít gál Waag hí shiiche-, Yuuˈdííllá ˈdaallé he ki taalla, giri gálaat fálaam ká ririat-, gálaat lulle innum Waaˈgietka ˈdeensen ˈguoká.

Korínto ki Naamaká 11:10

Yú ˈduuw Kiristo ye gaa iđóóllá hí ki geđia, hé máá níínní lés Akaya kinaallá gaa ijo-, ˈgat chiallá ali kokuoká mán.

Tímote Erká 5:13

Héétí ˈdeg hatallóóllá túóy kinaal hilleka, húgúm gálle he ma urinyká hai oonooto, ˈjienno hol ˈgas ki higilla. Gaal hé hééllá tákámle ma ekemeny, gaal gálaat úba hai heengʼeedhe, ˈdeemano ma lilenyká hursam hai higila, gaal hé onnônyka ma hogonká hai hogodho.

Tímote Erká 5:4

Tá min hiyesidheká har um ˈgayyoka, héétí har um maníta, tá um umle ˈgayyoka, um kinaallá er hí é gerle hát ˈduwantiká ki seeseen, um hí gál hí ˈdaleká ubaa eshimle waawayo, wanylé gaalí wayká eumle hidho. Hé kinaallá innum Waaˈgietka hé tagléká.

Tímote Erká 6:5

Gál hatallóóllá he gál gálaat shalalaam fafuo-, kás hí ˈdeenete-, hé ˈdúwaká gíl sug ki hayká. Gálallá tawunyleka, kerka hol gál Waaˈgiet hoyka, hai kaamuraa, he yegedhe.

Tímote ki Naamaká 2:18

giri hé ˈdúwa-, Waaˈgietká ˈboiy gaa ˈdie-, kieye, Waag gálaat uushim yé gaa ˈdeenyle kisso he đuyye, yegetallá. Hatallá in gaal gáál ˈbaal iiy yeenle eiy fufue.

Tímote ki Naamaká 3:6

Gálallá ˈbaal he gál é ger mákártaká higilo-, ˈdeg đáa-, hawul mán-, ađaabanolle iigilish-, he fedit met hí hol ká burnayyeká hí baađisichoká af ˈdú nannasat-, he onisinyle ˈdég iiy ki hođuoká.

Títo 1:7

ˈDaa giri gál Kiristo máállé méteká hújích Waaˈgiet mé ki yaalká, mu hí máá gálaat hí ma ˈdeđensenká onnow. Mu hai máá mé gogo-, ídho ˈjób-, bersh hí fafaan-, aˈgere-, már ˈguoká onnôny.

Títo 1:9

Mu hí fayam Kiristo ˈdúwáállá hát giri gaalí onisieká hát ˈdabaanká ki yaal. Hát kinaallá in mu he onisiny ˈdúwáállá gálaat af ki tataa, tá gál fayam Kiristóóllá fálaam gaa iđimuoká fáláámle hát tagle muuninyká gáál eiy ki nannaa.

Títo 3:10

Máá gálaat hol eiy gaa ˈgiˈgidhuoká il gíl gaa hélish, he naam hoyka, geđ il gíl gaa hélish. Gil seđ hoyka, mé gaa ˈdéesh.