Títo 1:1 - Fayam Midhab Yiesu Kiristoká He Hol Af Iđiny Kaanaká

¹ Yú he Báulo, gédéch Waaˈgiet. Yú Waago ye máá ali gaa kaany-, Yiesu Kiristoká hoyche, giri gál Waag hí waarateká ki ˈdiyeen-, gaal Kirísto iiy yeget-, ˈdeeny ˈdúwa Waaˈgietallá lulle gaalí hát ˈdabaanká chiirat-, gaal hát Waag hí feˈdoká yíéđianká.

Títo 1:1 ပူးပေါင်းရင်းမြစ်များ

Lúka 18:7

Waag íín hé gállé waarate-, hí chúúre ubaa kúlíchle ki bebeenká hé ˈdéé hát ˈdabaanká ma ki iđiminy? Mu hé gáál geer hí ma ˈdú guguan?

He Ekeny Gál Alb Fimiká 13:48

Aalé kidh héél maaleká ger hí gaa meedhe, ˈdeeny Máá Guđoká meey. Ameeny gál giri Waag hí luolmit biiyoká gíl ki helicheká ˈdéé iiy yie.

Róóma 1:1

Yú he Báulo, gédéch Yiesu Kiristo-, Waag hí ká viiyye-, hí máállé ali gaa kaanyká hosote-, Waag hí Fayamlé Midhaballá hol gaa sinle mé ki koyyeká.

Korínto ki Naamaká 1:1

Yú he Báulo, máá Waag hát hí ki feˈdeká hí máá ali gaa kaany-, Yiesu Kiristoká hoycheká. Warˈgatééllá yú ubaa nyár kúnnaa Tímote it Kirísto iiy chie-, hí ˈjien Korinto gaa iđáállá ubaa gál Kiristo lulle lés Akaya gaa ijoká lul kíchia ke hí ˈdu gáá veere.

Eféso 2:8

Itín meka ˈdúˈjím Waaˈgieto hí ki biiyye. ˈDúˈjím hí argiyyééllá he ˈdaa giri hí Yiesu Kirísto iiy chieká. Hééllá hé ˈdaakícho yé ma gáá ˈdíiny, Waago hí ká shiiche,

Filíbi 1:1

Yáá Báulo lééllá ubaa Tímote giri nyí gede Yiesu Kiristoká warˈgatééllá it Waaˈgiet-, hí Yiesu Kirísto hol ˈdú faanne-, ubaa it gál Kiristo ˈdeˈdeen-, tá it gál Kiristo hujich ki nanniyya-, hí Filíbi gaa iđaká, ki hí ˈdú gáá lalama.

Kolosááya 2:2

Laatééllá yú hatallá lađaanallá he giri lulkícho hí gofononno-, hí hol gielmít ka ˈgayya-, hí ˈdúˈjím Waaˈgiet aargiˈda-, giri Waag héllé geer geđi-, ˈdaa Kirístoká hí hát ˈdabaanká eiy nannasataká.

Tímote Erká 2:4

Waag hát feˈdoká he giri gálaat lulle rubach aargiro-, hé ˈdúwa-, Waaˈgietká kiimisat-, eiy nannasatká.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Tímote Erká 6:3

Máádhat har he onisinyééllá he onisiny éíy taaka gaa fue-, ˈdéé hót Máá kúnnaa Guđo-, Yiesu Kirísto ˈdúwáállá ubaa he onisiny Waaˈgietallá iiy ma yegenka,

Tímote ki Naamaká 2:10

Aalé gál Waag hí waarateká ˈdaalle ˈdugaka, yú he met lullé mé ki chiirta, giri gaal íín úba rúbách Yiesu Kirísto hí gáál shiguo-, ˈduuwle bííyyóóllá aargiroká.

Tímote ki Naamaká 2:23

ˈDeem met ˈdony đeemo-, nyag mánká hol gáá fagánash, ˈdaa giri hééllá hát hol shalal fím yé ˈdú ˈdeˈdeenká kuuní ógká.

Tímote ki Naamaká 2:25

Héétí hí máá gál hí mé il gaa ˈgieká hát abuntiká af tatuoká onnow. Kálmaréél gál kinaal hodhinaamle Waag đig haí cheedhe, gaal Waag makan hai faama, hé ˈduwa-, Waaˈgietká hai oonoodho,

Yákob 1:1

Yú he Yákob, Waag ubaa Máá Guđo Yiesu Kirísto gédéchlé. Warˈgatééllá it é meet tomon a naama-, biiyano hí ma lilenyká gaa iđáállá yú hí ˈdu gáá verene. Náa!

Bétiro ki Naamaká 1:3

ˈDaa giri Kirísto ki ógká, mú fargogintlé Waaˈgietká hé he lullé luolmitkúnno ki midhab-, gáál hé Waag hí feˈdoká ˈdú heergisatoká gáál ká shiiche. Mu ííni kinaallá in gáál ˈduuwle ubaa midhantle kí vie.

Bétiro ki Naamaká 3:11

Aaléka, ˈdaa giri Waag hí he lulle hatal ki beđisatkáka, itín kor it gál hát máre ˈgie? Itín onnônyka hát saas manti-, yaalmitle Waag geer gaa memesichoká hí ká yíéđianna,

Yuána Erká 2:23

Máá Iny Waaˈgietallá điidhoká, hé ˈJaa kúnnaa Waag hí ma lileny. Tá máá Iny Waaˈgietallá ˈdúúw hoteká, hé ˈJaa kúnnaa Waag hí lé.

Kí Edhesiny 1:1

Hééllá he kí edhesiny-, Waag hí Yiesu Kirísto shiiche-, giri yaalmisano ál ˈjob yé gáá ˈdeˈdeenká muí gedelle aargisuoká. Yíésu máállé ˈgasso-, urruká ali gáá kaay, mú máállé ˈgasso kinaal kí edhesinyéél mú gédéchlé Yuána ˈdú eedhdhe, mú argisie.