Tímote Erká 6:5 - Fayam Midhab Yiesu Kiristoká He Hol Af Iđiny Kaanaká

⁵ Gál hatallóóllá he gál gálaat shalalaam fafuo-, kás hí ˈdeenete-, hé ˈdúwaká gíl sug ki hayká. Gálallá tawunyleka, kerka hol gál Waaˈgiet hoyka, hai kaamuraa, he yegedhe.

Tímote Erká 6:5 ပူးပေါင်းရင်းမြစ်များ

Matááyo 12:33

ˈGór yaalmít hí midhíntaka, saanolle úba hé midhab. ˈGór yaalmít hí éésh manítaka, saanolle hé úba éésh mán. ˈGór saanollé gaalí ki kiimita.

Matááyo 21:13

gáál ki ˈday, kieye, Waag hé Warˈgatle gaa hoteká kieye, ˈBílchú hí ˈbíl Waag visan yeet, he chie. Tá har hí ál gál buraa léká hođichaa! gáál yie.

Matááyo 23:13

Yíésu geđi gáál geey, kieye, It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! It gálaat Guch Waaˈgiet hilít gáá moyche! Itín dhúrkícho it Guch Waaˈgiet hilít hol ká riate, héétí it gálaat Guch Waaˈgiet hilít ka riate.

Korínto Erká 11:16

Tá har máádhat héél fálaam gaa iđimuoka, nyiin ubaa gál Kiristo Waaˈgiet alb eiy gaa ijoká ˈdéé hótéél ˈdaalleka, nyáá nyí nyátál éíy taaka ˈgayya-, nyí el gaa verenoká mán.

Dhesaloníke ki Naamaká 3:6

Nyaaramkínyo, aaléka, ˈdaa meeny Máá kúnnaa Guđo Yiesu Kiristóólláka hééllá ke hí ki mure: Ameeny gál nyaaram kúnnaa gon hí he ma uu-uriny-, taalle alb ijo-, he onisiny nyí gaa maalleká ma ki iđinyallá hol gáá faganayyíe.

Tímote Erká 1:6

Gáál ˈbáál ˈdaa giri hé midhab hatallóóllá ˈboiy gaa ˈdieká, hé ˈdeemano nyag mánnallá bala ˈdú nie.

Tímote Erká 3:3

Mu hai máá bersh súm igianká onnôny, hai máá aˈgereká onnôny, hí máá abunaʼ-, af ka shalal mán-, birm ma geelnenyká onnow.

Tímote Erká 3:8

Gede ˈbíl geer Waaˈgiet úba hí hát tikiˈde kinaallá gál siríg ˈguoká onnow. Hai gál af hí nanama-, bersham súm igian-, hát tag ki ˈdimiká he ki aargiroká onnôny.

Tímote Erká 4:7

ˈDeeny ˈdúúw mán-, lesalloká ubaa hibano đeemoká hol gáá fagánash. Hol húgúm Waaˈgiet gaa íđish.

Tímote Erká 4:8

Har káána gon ke he oonisuoká á níínni mare midhíntaka, húgúm Waaˈgiet ˈgany hát lullé he midhab. Har ke húgúm Waaˈgiet ˈguoka, báral ubaa bár ka chiimetóótíá luolmit Waag hí gáál af iđicheká ha ke gaa aargira.

Tímote Erká 6:6

Tá máádhat har hát Waag hí feˈdoká ka yíéđian-, héétí hé Waag hí shiicheká hí ka guđíntaka, mu kamur ˈdúwaká he ˈgaa.

Tímote ki Naamaká 3:5

gaal gál Waaˈgieto he hol hođia, kor íín fargogint Waaˈgiet hát he hujich nanniyyoká hé iiy ma yegen. Gál hatallóóllá hol gáá fagánash.

Tímote ki Naamaká 3:8

Hát tikiˈde Yánnes ubaa Yámberes hí Móshe mé il gaa ˈgieká, in úba gál gáál he oonisúóllá hé ˈdúwa-, Waaˈgietká met il gaa ˈgee. Gaal he gál kas hí ˈdeenete-, iiy yeenlé Waag ka ˈguoká iiy yeen ˈdúwaká muuninyká.

Títo 1:11

Gál hatallóóllá mé il ki súoy, gaal hai kar árginy. Gálallá he gál he onisiny tagle muuninyká é ger gálaat ki baađisuo-, birm hol gaa ˈgeˈgedhoká.

Bétiro ki Naamaká 2:15

Gaal hé ˈgíérích ˈdúwaká hay, ˈboy ˈdie, hé ˈgíérích Balam giri iny Beyor-, hí hújích saas ˈgieká gúsáchle ki geelnedheká nadhe.

Bétiro ki Naamaká 2:3

Gaal ˈdaa he hol ki feditleka in ˈdeem hol af tagano ki kokoo, hí nyiimita, hí he ki nannata. Tá Máá gáál ˈdéé ki iđimuo-, gáál af ki beđisatká íín kisso gáál met tág ˈdie, hé in bano.

Yúúa 1:11

Hóbá! He bá gál kinaal ki ˈdéen! Gaal hé ˈgíérích Kayinká nadhe, gaal hé hol gaa ˈdoˈdodhdhe, ˈgíérích muommo-, Balamká nadhe. Gaal hé hát tikiˈde-, mú Kóra hí Waag af đuˈduse-, Waag hí af ki beeseteká íín úba Waag af haí ki beđisata.

Kí Edhesiny 18:13

héétí ˈguor boorsom-, ussaká ubaa ˈguor éíy taaka-, gaalí ˈguom fafaatká, héétí éru, salab usiyyoká, henyite, ˈduuny vinna, salab, ˈdúlo nyágítádheká, sííndí, ˈgúó, wála, fara gaalí ˈdú yíéđianká ubaa muulamlé he af chichiratká, tá gáláát gaalí uune-, gaalí mamarsatká.

Kí Edhesiny 18:3

Kidh lulle hé ˈjienééllá baltlé gaa nyakaridheká ˈduunyle ˈjie. Les gállé kaansúoká hé ˈjienééllá hélle baltle ˈgie, Waag gíl sug ki hay, ˈjien bala ˈdú nie. Tá gál les ˈdú ijo-, shokodaam hol gaa mamadioká hé ˈjien kamurlé ki geyieká ki kamuray, muí yie.