Tímote Erká 6:4 - Fayam Midhab Yiesu Kiristoká He Hol Af Iđiny Kaanaká

⁴ máá kinaallá máá súm ˈdúwaká hol ká dhaˈgama, kor hé hé níínní ogká mán. Mu ˈdeem met ˈdaraan ubaa ˈdéé hót fálaam gaa iđimuoká taalle he fede. Hééllá hé hí yé gáá ˈdeˈdeenká he hinááf, shalal, ˈdeemano ˈdeđewká, tá hodhin ˈdeew-, gálaat ki nannaatká.

Tímote Erká 6:4 ပူးပေါင်းရင်းမြစ်များ

He Ekeny Gál Alb Fimiká 15:2

Aalé Báulo ubaa Barnábas gáál hol ˈdéé súm ˈdú naannie, gáál hol ki falme. Gál nyaaram al kinaalloká Báulo ubaa Barnábas tá gál éíy taaka nyaaramká bie, giri gaal Yerúsalem seseen-, gál alb fimiká ubaa gál Kiristo gállé hí met ki ˈgieká ˈdéé umutéél ka hegesetká.

He Ekeny Gál Alb Fimiká 18:15

Kor héél káána hol ki fáláám ˈdeem ubaa meet nyatalaam kíchiaká háluke, itle hí hol eiy gaa náa. Yú yáá hé hatalloká hol eiy ma gaa nanniny, muí gáál yie.

He Ekeny Gál Alb Fimiká 8:9

Máá gil onyi gaalí Símon yegie mare hé úba ˈjien kinaallá gaa ije. Mu bár kinaal he nímlé nannieká gál Samaria lulle hí af ˈdabe. Mu hollo hol memey, Yaa ˈdúwa, he yegie.

Róóma 12:16

Gálaat hol ki midhanáa. Haí gál gálaat ˈdú ˈdúwaká hol ka dhaˈgáminy, tá gál gaalí gál ˈdúwaká ma ka dhaˈgaminyká úba hol ˈdóo. Haí gál súm ˈdaalle léká hol ka dháany.

Róóma 13:13

Kí hé midhab-, gaalí bííy kulichká gaa ekemeyoká eekemeyo, ha ke hé ˈdeđew-, hát káána herginy kern mantiká, bersh famíti, herginy gálle hol ma shúúnanká, hé gaa nyakarichká, hol gáá mony mánti, héétí hol oosó, ubaa hinááf ˈgany ha ke ˈgíiny.

Róóma 14:1

Máá iiy yeenlé Kirísto iiy yieká đalidheká ka ˈjobontíe, mú tawunylé đalimmo muí ˈguo kinaal haí mú ˈdú ˈdéénsen.

Róóma 2:8

Tá gál giri tákámle he hol ki fedo-, hé ˈdúwaká điđidhan-, hé ˈdeđewká el gaa igiroká, Waag idholle ubaa Waag he il ká argisinyle hai aargira.

Korínto Erká 11:16

Tá har máádhat héél fálaam gaa iđimuoka, nyiin ubaa gál Kiristo Waaˈgiet alb eiy gaa ijoká ˈdéé hótéél ˈdaalleka, nyáá nyí nyátál éíy taaka ˈgayya-, nyí el gaa verenoká mán.

Korínto Erká 11:18

Hé er yú hí geđuoká he hé yú maale-, kieye, itín hí hol ˈdu gáá chiimeto-, hí Waag vivisatoká, hí eiy ˈgiˈgisatoká. Fayam kinaallá yáá a níínni mare ˈdúúw hote.

Korínto Erká 3:18

Máádhat hai hol nyiimísan. Itín mú tikiˈd hol máá ˈdaalléká ká dhaayka, máá kinaallá innum gál lesallokáka hí máá đeechká yeet, giri mu ˈdaalim Waaˈgiet ˈdaa ki liiletká.

Korínto Erká 3:3

ˈdaa giri itín hátle hí húgúm lesalloká ki iđaká. Hinááf ubaa hol ki fálaam hurtkícho gaa iđóóllá, hé kinaallá hát hí húgúm lesalloká ki iđa-, hí kas gálaat el gaa igiˈdaká ma ká yaalîny?

Korínto ki Naamaká 11:20

Máádhat har káána úba hí hemuumuritle mé gim nannaa yíekaʼ, hí nyiimita yíekaʼ, hé kíchia hí ˈgayyaká hí af ki riridha yíekaʼ, hol máá ˈdúwaká hođia yíekaʼ, héétí hí nee ger gaa tutuna yíekaʼ, it hí mú héllé kinaallá uˈda, hí mú a nee kokoyyoká feˈde.

Galátia 5:15

Har hí hol ˈdéé verenne-, hí hol ˈdeđenseteka, hol ˈdeeˈdemíe, hát hí hol eiy fufumichoká onnóo.

Galátia 5:26

Ha ke hol gál ˈdúwaká ka dhaˈgáminy, ke hol ídho yé gáá ˈdeđîny, ke gajált ˈgíiny.

Galátia 6:3

Máá taawuo-, kieye, yaa ˈdúwa, yeget-, kor máá káta-, mánká, hollo hol nyimite.

Filíbi 1:15

Kor gáál ˈdáá tikiˈd Kirísto hát hinaafietká ubaa hát hol af ˈdú eenyká he ˈdiyime, tá gáál ˈbáál tikiˈd hé Kirísto hát ˈduwantiká ˈdiyeen.

Filíbi 2:14

Hujich lullé hí nanniyyoká haí yiirsam gaa fafáan, héétí haí hol ki fafálminy.

Filíbi 2:3

He lullé hí ekemeychoká, haí tákámkícho he hol ki fédiny, ubaa hí hol gaa memêny. Tá hol ˈdúúw ría, gál eiy hát hí ˈdú ˈdúwaká ka dhaayyíe.

Kolosááya 2:18

Gál hol gál ˈdúúw ririanká hol hođuo-, gál ˈgasso-, urruká vivisat-, hé amádh gaa argoká memeyo-, ˈdeemle mé ˈdeerneyóóllá, hol ˈdeeˈdemíe. Mé furit hí ˈdaa Kiristo ki argiyyééllá ha gál hatallóóllá hí ka rían. Gál hatallóóllá hé hí kasle yé gáá ˈdeˈdeenká, hállééllá in he hol bal ki ˈdarama.

Dhesaloníke ki Naamaká 2:4

Máá kinaallá he máá ameeny hé gaalí waag yeget-, gaalí vivisatká fiichilo-, hol hé kinaal ˈdú ˈduuwayo-, kara ˈBíl Waaˈgiet ˈdú yíéđian-, hol Waag hođuoká.

Tímote Erká 1:4

héétí gaal hibano gaalí hol af tág ki koyallá ubaa gáál meet eshim eshimlé túóylé el met ma gáá ˈgiˈginallá ma gaa iđinyká. Hé hatallóóllá in hol ki fálaam iilshanaya, hé he fedit Waaˈgiet-, giri gálaat Kirísto iiy yegetká ˈdaalle ma ki taaliny.

Tímote Erká 1:7

Gaal gál hemuumurit Waag hí Móshe shiicheká gálaat oonisuoká yegetká he fede, kor hé héllé hogodhóóllá ubaa héllé kerka óg-, gálaat oonisúóllá eiy ma nannasan.

Tímote Erká 3:6

Mu hai máá Kirísto ˈjobintééllá iiy gaa yieká onnôny. Máá hatallóóllá gaalí gál Kiristo met gaa koyka, kálmaréél máá ˈdúwaká hollo hol ká dhaˈgama, ˈdéé ki iđiny Waag hí Sátan ki iđimichóóllá úba Waag haí ki iđimicha.

Tímote ki Naamaká 2:14

Gáál hééllá mé gaa káab, gáál Waag metle hát ˈdabaanká gaa géesh, giri gaal ˈdéé hót hol ki fáláámle hurt ma higilinyká. Hol ki fálaam hatallóóllá hé hé níínní midhab hí yé gáá ˈdeˈdeenká mán, gál hí nee kokuoká he baađisicha.

Tímote ki Naamaká 2:23

ˈDeem met ˈdony đeemo-, nyag mánká hol gáá fagánash, ˈdaa giri hééllá hát hol shalal fím yé ˈdú ˈdeˈdeenká kuuní ógká.

Tímote ki Naamaká 3:4

gálaato met il gaa ˈgee, hé tawuny ki naamaká mán. Gáál hol meenyle gáál lug hai ˈdiisicha, gaal hé hí geymisuoká hai geelnedhe, gaal hé Waag ma geelneny,

Títo 3:9

Aaléka, ˈdeem đeemo-, met mán-, gálaat hí hol ˈdú nannuoká, ubaa hol đuuram ˈdaakany shalalaamlé, héétí nyatalaam hol ki fálaam, mé af ˈgísso. Yaalmisanóóllá hé níínní ˈdiefo-, hí yé gáá ˈdeˈdeenká mán.

Yákob 1:19

Nyaaram chia yú gielallo, ˈdeenyééllá mé ka ˈgáa: Máádhat hí gálaat af nee kuokuo, hátlé ˈdéé ma húógonká hí erkob kasso, hí nog siet, hai ál ˈjob gáá iiđídhminy.

Bétiro ki Naamaká 2:12

Gál hođomlééllá he hát bine-, kás mán-, gaalí ˈdú hagasat-, gaalí yegesallá. Gáál yaalmitlé kinaallá ˈdugaka in gaal hé muogká egesheye, chachara. Gaal hát bine-, gaalí yegesalláka íín úba Waag haí beđisata.

Bétiro ki Naamaká 2:18

Gaal ˈdeem churshamo-, ˈdúúw mánká he hogodho. Gaal gál ˈjobintéél hé gaa nyakarichká kar gáá ˈdaneká he laladhdha, balt gónlé gaa nyakaridheká he gáál af ki ˈgoˈgoˈdo.

Yúúa 1:10

Gálallá hé eiy ma náásanká ˈdeentlé he hogodho, fiichila. Gálallá hát bíne, hé kás mán. Gaal hé gónle hí feˈdoká he ekemeye. Tá gaal héllé ekemeyóóllá tuuˈdlé hí mé ˈgiidhia.

Yúúa 1:16

Gálallá he gál yiirsam fafaat-, ˈdeđint gálaat ka aargiroká. Gaal úba he gál baltle el gaa igiro-, hol memeyo, gálaat in boodhom bubuo-, gálaat he gaa aargiroká.

Kí Edhesiny 3:17

Itín hí kieye, Nyáá nyí kaamurayye, nyíín nyí gál kaamúre, nyáá hé níínní nyí ˈdabiyyeká mán, hí hol cheedhe. Itín yaalmit ˈdeew-, éésh mán-, hí ki iđoká it muog. Itín hát hí gál he mán-, in mán-, hí búr iđaká muogká.