Tímote Erká 6:20 - Fayam Midhab Yiesu Kiristoká He Hol Af Iđiny Kaanaká

²⁰ Tímote, hújích Waag hí ko af kí haychééllá in ki ˈdé. Awaach ˈdúúw mán-, gál hé Waaˈgiet egesheyoká hí ˈdaraanká ubaa he onisiny gaalí ˈdaalím yeget-, kor ˈdaalím muuniny-, he onisiny Waaˈgiet hol ma ˈdú fafaminyallá hol gáá fagánash.

Tímote Erká 6:20 ပူးပေါင်းရင်းမြစ်များ

He Ekeny Gál Alb Fimiká 16:1

Báulo ubaa Sílas sienylé gaa igireká ˈDérbe ubaa Lústura ki fame. Aalé gaal ˈjien Lustura állé kinaal máá lali-, gaalí Tímote yegie-, ˈjielle min Yuuˈdi-, Kirísto iiy chie-, ˈjaalle máá Hellen mare ál kinaal gaa arge.

He Ekeny Gál Alb Fimiká 17:18

Mu ál gabaaya kinaal gál gaalí Ebekúre yeget-, ubaa gál éíy taaka gaalí Sitóyik yeget-, lullé kas hí he ká shugunat mare hol ˈdéé ˈdú naannie. Gál kinaal ˈbáál hí kieye, Máá éésh mánnal in meete ká hogodho? yie. Aalé gáál ˈdáá tikiˈd kieye, Máállá in taalle waagam éíy taaka kidhdhoká gáál má ki ˈdiyéen? yie. Gaal hatal yíéllá he ˈdaa giri mu gáál fayam Yiesu ubaa gálaat uushim yé gáá ˈdímle ˈdeenyle ki ˈdiiyimeká.

He Ekeny Gál Alb Fimiká 17:21

(Gál ˈjien Adhenay ubaa gál lés éíy taaka ál kinaal gaa ijeká hé éíy taaka he nannieká mán, gaal bar lulle he oonisiny kaanaká ubaa kas kaana galaatká he nee kokoy, he hol geđie.)

Róóma 1:22

Gaal gál ˈdaalle léká hol yegedhe, kor gaal hé đées yie.

Róóma 3:2

Iiy-hí, gál Yuuˈdi hé gál kidhdhoká hé hé ˈdúwa-, burnayká ˈdú ˈguo. Hé súm ˈdúwa-, gaalí gál kidhdhoká ˈdú ˈgúóllá, he ˈdaa giri gaal íín Waag hí ˈdeenyle gíl geer gaa kaayyeká.

Korínto Erká 2:6

Tá nyiin nyáá nyí ˈdeem ˈdaalimoká gál hirayká ki ˈdiyeenne. ˈDaalimééllá hé ˈdaalim lesalloká ubaa ˈdaalim guguch lésallá met ki ˈgiiyyo-, guguchle el met hí ˈgiidhóóllá muuniny.

Korínto Erká 3:19

ˈDaalim lesalloká innum Waaˈgietka hé đeeymo. Hé kinaallá he hát Warˈgat Waaˈgiet hí hote-, kieye, Waag hé gál ˈdaalle léká điđamle ˈdú ˈgiiliˈgayyo, chieká.

Kolosááya 2:18

Gál hol gál ˈdúúw ririanká hol hođuo-, gál ˈgasso-, urruká vivisat-, hé amádh gaa argoká memeyo-, ˈdeemle mé ˈdeerneyóóllá, hol ˈdeeˈdemíe. Mé furit hí ˈdaa Kiristo ki argiyyééllá ha gál hatallóóllá hí ka rían. Gál hatallóóllá hé hí kasle yé gáá ˈdeˈdeenká, hállééllá in he hol bal ki ˈdarama.

Kolosááya 2:8

Hol ˈdeeˈdemíe, máádhat haí ˈdeem gáál nee gaa méʼ, kor he mán-, húgúm lesalloká ubaa tawuny gálaat yé gáá ˈdeˈdeen-, ˈdaa Kiristo ma ki taalinyká hí ki úúniny.

Dhesaloníke ki Naamaká 1:4

ˈDaa kinaallá ˈdugaka alb gál Kiristo me hí hol gaa aargiroká in itín ke hí súm gaa memeye, hat giri hí manyjasiny ubaa he il ká argisiny lúl hí mé ki chichirsata-, hí iiy yeenkícho ki ˈgiiyyáállá in taalle nyí gáál geđicha.

Dhesaloníke ki Naamaká 2:15

Nyaaramkínyo, aaléka, taganokícho ˈdée, he onisiny ke hí af kí onisieká yíekaʼ, he onisiny warˈgatle ke hí ˈdú gáá veereká yíekaʼ, lulle hát ˈdabaanká ki ˈgée, tág chiˈdíe.

Tímote Erká 1:11

He onisiny taglééllá Fayam Midhab-, ˈdúwa-, Waag ke memeyóóllá hí ye gíl geer gáá kayyééllá ˈdaallé he ki taalla.

Tímote Erká 1:2

Warˈgatééllá kó Tímote lé-, ˈdaa iiy yeen ke Yiesu Kirísto ka ˈgúólláka, iny chia ˈdúwáállá yú ko ˈdu gáá verene. ˈJaa kúnnaa Waag ubaa Máá kúnnaa Guđo Yiesu Kirísto hí ko ˈdú ˈjeeˈjeen, hí ko geer guurá aargisuo, hí ko naanná shiiguo.

Tímote Erká 1:4

héétí gaal hibano gaalí hol af tág ki koyallá ubaa gáál meet eshim eshimlé túóylé el met ma gáá ˈgiˈginallá ma gaa iđinyká. Hé hatallóóllá in hol ki fálaam iilshanaya, hé he fedit Waaˈgiet-, giri gálaat Kirísto iiy yegetká ˈdaalle ma ki taaliny.

Tímote Erká 1:6

Gáál ˈbáál ˈdaa giri hé midhab hatallóóllá ˈboiy gaa ˈdieká, hé ˈdeemano nyag mánnallá bala ˈdú nie.

Tímote Erká 1:9

Hé ke ógká kieye, hemuumurít máá hí gál hé ˈdúwaká ekemeyoká ˈdaalle tág ki koyká mán, he ˈdaa gál hé ˈdeđewká ekemeyo-, gálaat met ma gaa kekeminyká, ubaa ˈdaa gál Waag ma kikian-, ađaabano higiloká, tá ˈdaa gál Waag eesheyo-, hé lesietká el gaa igiroká, héétí ˈdaa gál idhaamle ubaa eelle tá gál éíy taaka yegeská in ˈdaalle gaalí hemuumurít tág ki koy.

Tímote Erká 4:7

ˈDeeny ˈdúúw mán-, lesalloká ubaa hibano đeemoká hol gáá fagánash. Hol húgúm Waaˈgiet gaa íđish.

Tímote Erká 6:11

Aaléka, kó máá Waaˈgietallo, hé kinaallá hol ka río. Iđiny ˈdúwa-, Waag hí feˈdoká ubaa iiy yeen Kirísto ka ˈgayyoká, héétí gielmít ˈgany, mé ki chirsan, tá abúnt ˈgany lulle ˈdú laađámo.

Tímote Erká 6:14

giri hemuritééllá ˈdaab Máá kúnnaa Guđo Yiesu Kirísto hol ma ka náanká hát ˈdabaanká ki taallo-, gaalí ko ma ˈdú ˈdeđensenká.

Tímote ki Naamaká 2:1

Aaléka, kó iny chiallo, ˈdúˈjím Yiesu Kirísto gaa iđóóllá far ki gógob.

Tímote ki Naamaká 2:16

Awaach đeemo-, gál Waag ma kikianká hí ˈdaraanká hol gáá fagánash, ˈdaa giri awaach hatallóóllá geđi úba súm gálaat húgúm ˈdeew-, gálle Waag eesheyoká yé ˈdú ˈdeđichoká.

Títo 1:14

gaal hibano gál Yuuˈdi hí hol af tág ki koyká ubaa hemuumurit gál ˈdeeny ˈdúwaká hol gaa sormosuoká hí mureká nee ma kokonyká.

Títo 1:4

Títo, warˈgatééllá kúúni yú ko ˈdu gáá verene. Kuun veel chia yú ko ká dhaˈgama, ˈdaa giri yú ubaa kúún ke Yiesu Kirísto iiy yieká. ˈJaa kúnnaa Waag ubaa Máá kúnnaa Rubachiet Yiesu Kirísto hí ko ˈdú ˈjeeˈjeen, hí ko naanná shiiguo.

Títo 1:9

Mu hí fayam Kiristo ˈdúwáállá hát giri gaalí onisieká hát ˈdabaanká ki yaal. Hát kinaallá in mu he onisiny ˈdúwáállá gálaat af ki tataa, tá gál fayam Kiristóóllá fálaam gaa iđimuoká fáláámle hát tagle muuninyká gáál eiy ki nannaa.

Títo 3:9

Aaléka, ˈdeem đeemo-, met mán-, gálaat hí hol ˈdú nannuoká, ubaa hol đuuram ˈdaakany shalalaamlé, héétí nyatalaam hol ki fálaam, mé af ˈgísso. Yaalmisanóóllá hé níínní ˈdiefo-, hí yé gáá ˈdeˈdeenká mán.

Kí Edhesiny 3:3

Aaléka, hé hí maalle-, hí iiy chieká táb ˈdodhdhíe, hé kinaallá ki kuongʼoˈdíe. Hé kíchia ˈdeđewallá gíl sug ki hayyíe, Waag makan famíe. Tá har hí in eiy ma ˈdeđinyka, onnóo, yú hát máá buraa léká ká yiimedhe, it aadh ˈgás yú gáá yiimetká muog.