Tímote Erká 6:2 - Fayam Midhab Yiesu Kiristoká He Hol Af Iđiny Kaanaká

² Gál gédeká har gállé hí hoteká úba gál Kirísto iiy yieká kátaka, ˈdaa giri gaal ˈdaa Kiristoka hol nyaaraká gede hai gáál kian ka ˈdábiny. Hé kinaallá afleka, gede hí hát ˈdabaanká hujichaamlé kinaal naanuo. Gál gede hí hujichaam midhabká ki nannúóllá he gál úba Kirísto iiy yie-, ki gielallá. Atimééllá lulle hé gille kuuní gáál ki egefiyyo-, kuuní gáál oonisichoká.

Tímote Erká 6:2 ပူးပေါင်းရင်းမြစ်များ

Matááyo 23:8

Itín ˈdaa giri máá kíchia hí af tatuoká tikiˈde-, tá lulkícho hí hol nyaaramká, haí hol vevéminy, Máá kínyaa ˈdúwáállo, hí hol chégen.

Matááyo 25:40

Aalé Máá Kansichká íín gáál ˈdéé hollo hol ˈdú nannaa, kieye, Yú hí hé ˈdúwaká geeye, gál nyaaram chiallá af giri hí ˈdú ˈjeˈjeenneká, yaa hí ye ˈdú ˈjeˈjeenne, har úba káána gáál máállé biiy el ˈdaˈdká hí ˈdú ˈjeˈjeenneka, ha muí gáál yeedhe.

Matááyo 6:24

Gedech hé gáál naam hí ma liileen, ˈdaa giri kálmaréél mú tikiˈd neebeet-, máátí geelneetká, muuninyka, mú tikiˈd giel-, máátí eesheyoká. Itín it ˈgas eiy ma kokony, Waag gedelle ubaa kamúr gedelle ma chegen.

He Ekeny Gál Alb Fimiká 1:15

Af kinaal Bétiro les gaa kie, gál giri nyaaram-, Yíésu iiy yieká hurt ki ˈdie. Gál kinaallá amú kúˈd tikiˈde tómón eiy naama giri hol ˈdú gáá yimieká.

Róóma 11:17

ˈGór Waag hí fiiyyééllá hídhle kolmo he golmia. Gál Yuuˈdi Kirísto iiy ma yéenká he kolm Waag hí ˈgórle gaa muˈdeká. It hí Kirísto iiy chíéllá he ˈgór tím gáá ˈdieká kolmlé Waag hí ka muˈde-, muí kolm giri muí mureká albléká gaa kuokoyká.

Róóma 8:29

Waag hé gállé hátlé ma ka ˈdaláanká óg, hé úba gáál taak koyye, giri gaal hát mú Inyle yeget-, Iny gál burnay-, hol nyaaramallá angʼalle yegetká.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Eféso 1:1

Yú he Báulo, máá Waag hát hí ki feˈdeká, hí máá ali gaa kaany-, Yiesu Kiristoká hoycheká. Warˈgatééllá it Waaˈgiet, hí Eféso gaa iđa-, hí Kirísto iiy chie-, hí mú hát ˈdabaanká el gaa igiˈdaká, yú hí ˈdu gáá verene.

Eféso 1:15

Hé kinaallá ˈdugaka, ameeny giri yú itín hát hí Máá Guđo Yíésu iiy chie-, ubaa hát hí gál Kiristo lulle gielká maaleká,

Eféso 3:6

Hé geer geđi-, Waaˈgietallá hééllá: ˈDaa Fayam Midhab Kiristóólláka, gál gál Yuuˈdi muuninyká hát gál Yuuˈdi hí aˈjibaat Waaˈgiet aargiróóllá íín úba hai aargira. Gálallá met hullaalle he gon tikiˈde, ˈdaa Kiristoka, he af iđiny Waaˈgiet úba ˈgarro hol aargira.

Kolosááya 1:2

Warˈgatééllá it Waaˈgiet, hí nyaaram kínyaa Kolosááya gaa iđa-, hí Kirísto hát ˈdabaanká el gaa igiˈdaká ke hí ˈdu gáá verene. ˈJaa kúnnaa Waag hí ˈdú ˈjeeˈjeen, hí naanná shiiguo.

Kolosááya 1:4

Hééllá he ˈdaa giri iiy yeen kíchia hí Yiesu Kirísto iiy chieká ubaa gielmit kíchia hí gál Kiristo lulle ka ˈgayyaká nyí maalleká.

Kolosááya 4:1

It géde ˈgayyáállo, ˈdaa giri Máá kíchia hí mé ki yaalká hát úr gaa ijoká hí ógká, gedekícho símísle hé ˈdúwa-, tagléká gaa shiigía.

Dhesaloníke ki Naamaká 1:3

Nyaaramkínyo, ˈdaakíchoka aadh lulle Waag gielmít nyí hol ˈdú nanniyyoká taglé. Waag nyí gielmít hol ˈdú nanniyyáállá, he ˈdaa giri iiy yeenkícho súm higirayyo-, gielmit hí hol ká ˈgayyaká úba súm guuđanatallá.

Tímote Erká 4:11

Gálaat ˈdeenyééllá oonísish, af ki táátaʼ.

Tímote Erká 5:1

Karu yaabká ha ki lolódhminy, ˈgóó íl onnônyka ˈjaakú ki gogofsichoká ki guogófsish. Gál yááb rúóreká nyaaramkú ka dháash, guogófsish.

Títo 2:1

Tá kúún gálaat he onisiny fayam Kiristo ˈdúwáállá ˈdaalle ki taalká onísish.

Títo 2:15

Aaléka, he lullé yú ko kí tuoyallá gáál onísish, gáál guogófsish. Kuun kó fargogint máá he ˈdeđeneyoká il gíl gaa helisanno-, mú af tatiyyoká ˈgayyo. Máádhat hai ko eeshêny.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Héberew 3:1

Aaléka, it nyaaram chia Waag híllé-, Waag hí urle kí viiyyééllo, Máá Waag hí ali gáá kaayye-, méte suoryo-, Yíésu lé-, ke iiy yíéllá kaskícho gaa iđía.

Héberew 3:14

Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo.

Bétiro Erká 5:1

It káru-, hí gáál hursam gaa iđáállo, yú he karsich, hát itíni. Yáá giri Kirísto manyjanyle il ki argééllá, af giri Waag ˈduuwle ka eedheyyoká yú úba he máá hí hol ˈduuw kinaal ˈgar aargiˈdoká. Aaléka, gillo yú hí ki efe,

Bétiro ki Naamaká 2:10

He il ka argisinyééllá súm ˈdaa gál balt gónlé-, kern mantiká el gaa igiro-, gál hí met ki ˈgieká egesheyoká he ki taalla. Gál hođomlééllá hé Waag ubaa gálaat kianka mán, gaal gálaato egesheye. Gaal hé úba aryaan farguogoká eeshenylé he egesheyoká hí ma biirgisiny.

Yúúa 1:8

Hát hatallóóllá, gál amatle el gaa igiroká amatlé kinaallá in hí hé seđééllá mé ki kokoyyo, in gaal gónle ˈdeđeneye, hemuumurít điđidhma, héétí gál ˈgasso-, urruká fiichila.