Tímote Erká 6:18 - Fayam Midhab Yiesu Kiristoká He Hol Af Iđiny Kaanaká

¹⁸ Gáál géesh, gaal hí hé midhabká eekemeyo. Hé midhab gaalí eekemeyóóllá hí hé burnayká yeet. Gaal hí ger gaa ˈdabanaw, gálaat héllé hí ki ˈgierˈgereká úba ˈdú chiichirat.

Tímote Erká 6:18 ပူးပေါင်းရင်းမြစ်များ

Matááyo 5:42

Máá ko he ruogonoká he shíish, máá ko he gaa eergiatká fedoká ha he rîny.

Lúka 12:21

Aalé Yíésu hibéél beeteká kieye, Máá hol kaamurasuo-, kor íín kamur Waaˈgiet mánká, máá kinaallá hát máá hí hibééllá gaa maalleká, yie.

Lúka 3:11

Yuána gáál ˈdéé hol ˈdú nie, kieye, Máá kosam naam ˈguoká hí kóte tikiˈd máá kóte mánká shio. Máá ˈguom ˈguoká úba hí hát tikiˈde kinaal ˈdie, muí yie.

He Ekeny Gál Alb Fimiká 10:38

It Yíésu Nasaretká hát Waag hí Hím Naasan Waaˈgiet ubaa fargogínt ˈdu gáá leesicheká it óg. Waag hé mú hol ˈgie, giri mu hol gaa seseme-, hé midhabká ekemey-, mu gál kídhích kúnnaa giri Sátan léká hí he ki ekemeycheká úba lulle bibisieká.

He Ekeny Gál Alb Fimiká 11:29

Gál Yíésu iiy yieká hátlé giri hol he ˈdú ˈgaˈguoká ˈdeemanolle ger ki muumuˈde. Gaal nyaaramlé giri gál Yíésu iiy yie-, lés Yuuˈdia gaa ijeká he ˈdaˈdablé shigieká hol ˈdú shuune.

He Ekeny Gál Alb Fimiká 9:36

Aalé Yóóba álle min lali Yiesu-, gaalí Tabídha yegie mare hí gaa iđe. Min meenylé kinaallá af gál Hellenka ˈDórkaso gaalí yeedhe. (Tabídha tá ubaa ˈDórkas hélle kieye, Ginte.) Min aadh lulle hé midhabká gálaat ki ekemeyche, gál he maamanká he shigiche.

Róóma 12:13

Gál Kiristo he hí ki ˈgierˈgernítaka he shiigía, héétí gáláát hí kí faanká mé guđáan yiegedhíe.

Róóma 12:8

Mu har héllé shiichoká gálaat guofsiny kátaka, hí gálaat ˈdaa Waaˈgiet ki guogofsuo, har héllé shiichoká gálaat kuol gaa chiran kátaka, hí geer gaa midhánt gálaat he ki shiiguo. Mu har héllé shiichoká gálaat hujichaamle mé ki yaalít kátaka, hí aadh lulle tág yaal, har héllé shiichoká gálaat geer guurá argisiny kátaka, hí hodhin midhabká gálaat ki aargisuo.

Korínto Erká 16:2

Lul kíchiallá, rám tiiyaká kúlíchlé erká taalle hé kíchia hí símísle dhiiˈdeká tírfíllé hí gaa argiyyeká ˈbaal taak iiđimía, giri yú ka yimieka, hé éíy taaka geđi hí hol ˈdu gáá shugunna-, mánká.

Korínto ki Naamaká 8:12

Hé mákárta-, máádhat hí geer gaa midhánt kí shiguoká, hé kinaallá innum Waaˈgietka taglé. Máádhat he manítaka, hé hé níínní ka shiguoká mán. Tá máádhat har he ˈguo-, he geer gaa midhánt kí shiguoka, hé kinaallá innum Waaˈgietka taglé.

Korínto ki Naamaká 8:9

It Máá kúnnaa Guđo Yiesu Kirísto gielmitlé hí ka ˈguoká ˈduuwle óg. Mu har úba kamurnayka, ˈdaakícho ˈdugaka mu hé kamurle gíl sug ki hay, máá he mánká yie, giri itín hí kamur Waaˈgiet aargiˈdoká.

Galátia 6:10

Aaléka, har taalle ki hát ˈguoka, gálaat lulle kí hé midhabká ki eekemeyo, tá súm nyaaram kúnnaa Kiristoká kí ˈdú ˈjeeˈjeen.

Eféso 4:28

Máá burumeká hai geđ buráany, hí hújích he gaa aargiroká gil gerle ki naannuo, giri gál he maamanká úba he shiguoká.

Tímote Erká 5:10

Héétí, min hiyesidhe-, túóy kinaal higilloká hí min húgúmle midhantle gálaat hí óg-, umle kuol kaayye-, dheeg geelneyye-, gál Kiristoká ˈgas ˈjiˈjiyye-, gál maanyjayká geer hí shâw ˈdú yegie-, tá hé ˈdabaan-, met hí hol ká burnayká ekenyle hol ˈdú silmicheká onnoyyo.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Héberew 13:16

Hé midhabká hí hol ki ekemeychoká ekenyle haí hâny. He ekeny hatallóóllá he hé shiicho-, ke Waag shiguo-, Waag geer gaa memesuoká.

Yákob 2:5

Nyaaram chia yú gielallo, hééllá nee kóo. Gál lésalláka, gálaat hí gál he maamanká ka dhaˈgasanká hé Waag hí ma wááran, hí kamur iiy yeenká ma shíiny? Mu hé úba gáál ma wááran, giri Guch Waaˈgiet gál mú gielká muí af iđieká úba aargiroká?

Bétiro Erká 3:11

Muí hé ˈdeđewká gíl sug ki hayo, hí hé midhabká eekemeyo, hí naanná hol gaa ˈgieˈgedho, hí ˈgar aayaˈgo.

Yuána Erká 3:17

Har máádhat he ˈguo-, tá nyárlé he hí ki ˈgereká geer hí shâw ma ˈdú yeenka, máá kinaallá háteeye gielmit Waaˈgiet hí gaa iđa?

Yuána ki Seđeká 1:11

Shééléch, ha hé ˈdeđewká eníminy, hé midhabká tákámle eenímo. Máá hé midhabká ekemeyoká he máá Waaˈgiet. Tá máá hé ˈdeđewká ekemeyoká hé Waag muog.