Tímote Erká 6:14 - Fayam Midhab Yiesu Kiristoká He Hol Af Iđiny Kaanaká

¹⁴ giri hemuritééllá ˈdaab Máá kúnnaa Guđo Yiesu Kirísto hol ma ka náanká hát ˈdabaanká ki taallo-, gaalí ko ma ˈdú ˈdeđensenká.

Tímote Erká 6:14 ပူးပေါင်းရင်းမြစ်များ

Korínto Erká 1:8

Kirísto úba tág haí chiiˈda, ˈjíig biiy el ˈdaˈd đig, giri kúlích hí Máá kúnnaa Guđo Yiesu Kirísto met ki ˈdeenneká hí ˈdeensen ˈdaabiyyoká.

Eféso 5:27

Héétí mu gálle saas ubaa ˈdeensen-, tá he lullé hat kinaalloká ˈdaabo-, gaal ˈduuwaw-, mu gáál egeetká.

Filíbi 1:10

hí hé midhabká ubaa hé ˈdeewká hol eiy gaa nannasato-, hí ˈdeensen ubaa saas ˈdaabiyya-, ˈjíig kúlích Kirísto hí hol gáá naatká đigká.

Filíbi 1:6

Hé yú él ki mánká hééllá: Máá hí hújích midhaballá gerkícho mé kí kodhdhééllá hát hí ki fedoká hújíchle taalle hai nannaa, ˈjíig kúlích Yiesu Kirísto hí hol gáá nannaatká đig.

Filíbi 2:15

Hí hát kinaallá ˈdiiyyeka, itín um Waaˈgiet ˈdeensen ubaa saas mán-, ˈdúwaká haí cheedhe. Taalle hí gál súm ˈdeew-, gaa nyakarichallá hí hurt gaa iđaká, hát hidhino urietkáka haí ká eedhdheye,

Kolosááya 1:22

Tá káánaka, ˈdaa Kirísto hí gón hát gón kúnnaallá kaadhdhe-, kuféélláka, it ubaa Waag hol hille, giri Waag innumleka hí saas ubaa ˈdeensen ˈdaabiyyoká.

Kolosááya 4:17

Arkíbos geeyyíe, Hújích Máá kúnnaa Guđo gaal hí ko ka shíéllá bééso, mú yeedhíe.

Dhesaloníke Erká 3:13

giri hí iiy yeenkícho tagano gaa ˈgiiyya-, Máá kúnnaa Guđo Yíésu ká ˈjieka itín ubaa mú gállé hí iiy yieká lulle hí ˈJaa kúnnaa Waag metle gál ˈdeensen mán-, ˈdúwaká gaa chegetoká.

Dhesaloníke Erká 5:23

Waag naannaká dhúrle hí gál iđiny ˈdúwa-, Waaˈgietká ki ijoká hoycho, hí tawunykícho ubaa sidhamkícho tá gónkícho hát ˈdabaanká chirat, giri Máá kúnnaa Guđo Yiesu Kirísto ká ˈjieka hí ˈdeensen mánká.

Dhesaloníke ki Naamaká 2:1

Nyaaramkínyo, ˈdaa Máá kúnnaa Guđo Yiesu Kirísto hol ká naanle ubaa múún gáál hol ˈdú gáá shuunanle ˈdéé hótle ˈdaalleka, gillo yú hí ki efe,

Dhesaloníke ki Naamaká 2:8

In aalíáka máá hemuumurit Waaˈgiet điidhééllá biiy yé gáá ˈdeeme. Tá Máá Guđo Yíésu hímlé af ki nannuoká mú hai ki yeese, Yíésu guchlé he kí ˈjeˈjeenká mú ha ki beđita.

Tímote Erká 6:20

Tímote, hújích Waag hí ko af kí haychééllá in ki ˈdé. Awaach ˈdúúw mán-, gál hé Waaˈgiet egesheyoká hí ˈdaraanká ubaa he onisiny gaalí ˈdaalím yeget-, kor ˈdaalím muuniny-, he onisiny Waaˈgiet hol ma ˈdú fafaminyallá hol gáá fagánash.

Tímote ki Naamaká 4:1

Waag metle ubaa Yiesu Kirísto giri gál luogolká ubaa gál kufeká bár ka chiimetóótíá ˈdéé ki iđimuo-, hol ká nadheka, Guchle biiy yé gáá ˈdeđuoká metle hé yú ko ki mureká hééllá:

Títo 2:13

Taalle ki ali ijóóllá muun Yiesu Kirísto Waag kúnnaa guđo-, Máá kúnnaa Rubachietallá af giri he guchle kí yiimet-, ki aargiroká geyyiny kinaallá ki met egese.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Héberew 9:28

Hát tikiˈdééllá in Kirísto a tikiˈd hol suor ki hoy, giri gálaat ađaabano ubaa nyuogim gaa egewká. Mu hollo hol ká naadha, tá mú hol ka naanlééllá hé ađaabano ubaa nyuogim gálaat ˈdaalle ˈdugaka muuniny, he gál mú met egesoká muí luolmit biiyoká ˈdú gáá siidhoká.

Bétiro Erká 1:19

Waag íín hé hí ˈdú guteká he fás Kiristo ˈdúúwáállá. Kirísto he hát élíny mat ubaa ál hí gaa taalká mánká.

Bétiro Erká 1:7

Hát hórkí ˈjiet hí ˈgeesicheka ˈdúúwáálláka, manyjany kíchiallá iiy yeenkícho hai ˈduuwasicha. Hórkí íín el met haí ˈgiidha, tá iiy yeen kíchia-, hórkí ˈdú ˈdúwáállá íín hé el met hí ma ˈgiˈgin. Tá af giri Yiesu Kirísto hol ká nannaat-, Waag hí ká eedhesichoká itín meeny ubaa ˈdúúw haí aargiˈda.

Bétiro ki Naamaká 2:21

Gálallá ˈgíérích ˈdúwa-, Waaˈgietallá meeny gíri moonnônyka kalat. Hát gaalí hemurit Waaˈgiet onisie-, ˈdee hí ger hile-, tá káána geđi ˈdéé el af gaa tammééllá ˈdeew.

Bétiro ki Naamaká 3:14

Aaléka, sheel chia yú gielallo, ˈdaa giri hí hééllá met egetoká taalle laađamíe, giri kúlích ka chiimetóótíá hí Waag met ki ˈdeenno-, hí geer ka ˈjakarany mán-, Waag hí gál saas ubaa ˈdeensen mánká ka dhaˈgasannoká.

Bétiro ki Naamaká 3:2

Hé yú hí gaa fedoká he giri itín hí ˈdeem héle Waag hí gállé taak kooteká ka shigicheká mé ka ˈgayya-, ubaa hemurit Máá kúnnaa Guđo-, Rubachietká hí ka shieká úba hí mé ka ˈgayyaká. Hemurit kinaallá itín Kirísto gállé alb fimiká hí gaa maalle.

Yuána Erká 3:2

Sheel chia yú gielallo, muun káána ki um Waaˈgiet. Bár ka chiimetóótíá yaalmit kúnnaa ke kakaatká hátle hé ke muog. Tá Kirísto he hol ká nadheka, hát ke Kirísto yaalmitle kaatká hé ke óg, ˈdaa giri yaalmit muí yaal kinaallá ke il ki argoká.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.

Kí Edhesiny 1:7

Bá dhaayyíe, mu nyáˈdow hai kí yiimedhe, il lulle haí aargiˈda, gál mú veereká úba mú hai aargira. Kidh lullé les gaa ijoká mú ˈdaalle ˈdugaka af gaa guđoká hai ki beeme. Iiy-hí, he hí hát kinaallá yeet.