Tímote Erká 6:11 - Fayam Midhab Yiesu Kiristoká He Hol Af Iđiny Kaanaká

¹¹ Aaléka, kó máá Waaˈgietallo, hé kinaallá hol ka río. Iđiny ˈdúwa-, Waag hí feˈdoká ubaa iiy yeen Kirísto ka ˈgayyoká, héétí gielmít ˈgany, mé ki chirsan, tá abúnt ˈgany lulle ˈdú laađámo.

Tímote Erká 6:11 ပူးပေါင်းရင်းမြစ်များ

Róóma 14:19

Aaléka, hé naanná yé ká ˈdeđuoká ubaa hé ke hol ki gogofsuoká kí ˈdú laađaan.

Korínto Erká 10:14

Aaléka, it yú gielallo, waagam hódhoká visanle gaa fagandhíe.

Korínto Erká 14:1

Aaléka, gielmít ˈgany ˈdú laađamíe. Héétí hé shiicho Hím Naasan Waaˈgiet hí gálaat shigichoká feditle ˈgáa, tá hé shiicho-, gálle Waag hí ˈdeem ká shigicho-, ˈdiyeenká feditle súm ˈgáa.

Korínto Erká 6:18

Herginy ađááb ˈgayyoká met kar gaa ˈdaaramíe. Ađaabano éíy taaka máádhat hí ekemeyoká hé mú gónle ađááb mé ma ki kokony, tá máá herginy ađááb ˈgayyoká hiloká, máá kinaallá gónlé he ađááb mé ki koy.

Tímote Erká 1:14

Tá Máá kúnnaa Guđo Waag hé ye ˈdúˈjímle hát ˈdabaanká ˈdú ookoˈdmie, ˈdaa Yiesu Kiristoka ye iiy yeen ubaa gielmít ká shie.

Tímote Erká 4:12

Rúórmích kuallá ˈdaalleka, gálaat hai ko eeshêny, tá ˈdéé hótkú, he ekenykú, ubaa gielmitkú, tá iiy yeenkú, héétí iđinykú lúl hí húgúm saas manti-, gál Kiristo hí ka ennianká onnoyyo.

Tímote Erká 5:10

Héétí, min hiyesidhe-, túóy kinaal higilloká hí min húgúmle midhantle gálaat hí óg-, umle kuol kaayye-, dheeg geelneyye-, gál Kiristoká ˈgas ˈjiˈjiyye-, gál maanyjayká geer hí shâw ˈdú yegie-, tá hé ˈdabaan-, met hí hol ká burnayká ekenyle hol ˈdú silmicheká onnoyyo.

Tímote Erká 6:20

Tímote, hújích Waag hí ko af kí haychééllá in ki ˈdé. Awaach ˈdúúw mán-, gál hé Waaˈgiet egesheyoká hí ˈdaraanká ubaa he onisiny gaalí ˈdaalím yeget-, kor ˈdaalím muuniny-, he onisiny Waaˈgiet hol ma ˈdú fafaminyallá hol gáá fagánash.

Tímote ki Naamaká 2:21

Tá máádhat har hé ˈdeđew-, Waag hí ma fedinyallá hol ká ridhdheka, mu hát hé ˈdúwa-, Máá kúnnaa Guđóóllá hí hol taak ki koy-, hí hújíchle ki nannasatká hai yeedhe. Máá hatallóóllá hé tág yaal, giri Máá Guđoká hujichaamlé hí shieká lulle hát ˈdabaanká nannuoká.

Tímote ki Naamaká 2:22

Aaléka, balt gál rúóreká hí ˈguoká hash, hé Waag geer gaa memesuoká, ubaa iiy yeen, tá gielmíti, héétí naanná bala ˈdú naʼ, ˈdú laađámo. Kuun ubaa gál Máá kúnnaa Guđoká hodhinaam saas mánká ki vivisatká hol ˈgar laađamíe.

Tímote ki Naamaká 3:10

Aaléka, kó he onisinychú, iđinychú, hé yú ˈdú lađaanká, iiy yeenchú, geer gaa guchchú, gielmitchú, ubaa mé ki chirsanchú kó el gáá veeˈde.

Tímote ki Naamaká 3:17

giri ameeny gál Waaˈgiet tagano ˈgie-, hé midhab he ekemeyoká lúl uroká.

Héberew 12:14

Itín gálaat lulle hol naanná ki yíéđinyle ˈdú laađamíe. Héétí iđiny ˈdúwa-, Waag hí ki feˈdeká ˈdú laađamíe. Har máádhat iđiny ˈdúwa-, Waaˈgiet kinaal manítaka, hé Máá Guđo Waag ma aargiriny.

Bétiro Erká 3:11

Muí hé ˈdeđewká gíl sug ki hayo, hí hé midhabká eekemeyo, hí naanná hol gaa ˈgieˈgedho, hí ˈgar aayaˈgo.