Tímote Erká 5:17 - Fayam Midhab Yiesu Kiristoká He Hol Af Iđiny Kaanaká

¹⁷ Karu Kiristo-, gál Kiristo hát ˈdabaanká met ki ˈgie-, tá súm gál ˈdeeny Waaˈgiet ˈdiiyiminyle ubaa he onisinyle hol ˈdú bieká, gaalí súm gielmít hol ˈdú naannuo, gaalí hújíchle símísle shiiguo.

Tímote Erká 5:17 ပူးပေါင်းရင်းမြစ်များ

Matááyo 24:25

Aaléka onnóo, yáá biiy hátlé đéém taalallá hí geey.

Lúka 10:7

ˈBíl tikiˈde kinaallá gaa yíéđía. Hát giri máá hujich nuoká gaal hí símísle hol ˈdú nannuoká ˈguom gaalí ká shuoká kóo, hé imi gaalí ka shuoká ˈjía. Haí beríka ˈbílatí ˈdú gúúriny, beríka ˈbílatí ˈdú gúúriny.

Lúka 12:42

Aalé Máá Guđo Yíésu kieye, Gédéch ˈdúwa-, ˈdaallé-, hújíchle hát ˈdabaanká nannuoká he gédéch máre? Gédéch kinaallá he gédéch máállé guđoká hí gede éíy taaka met gaa koyka, géde ˈguom aleđuđugul urgúa gaalí gaa shiguoká gaa shiguoká

Yuána 4:38

Yáá hí alb fie, giri ˈguom símísle hí ma dhíírinyká, hí mumuˈda-, hí đođorichoká. It hújích gál éíy taaka hí nannieká hurt hille, Yíésu hí lalille yie.

He Ekeny Gál Alb Fimiká 11:30

Gaal héllé hol ˈdú shuune-, gállé nyaaram-, lés Yuuˈdia gaa ijeká ali ˈdú fafieká Barnábas ubaa Sáwul gíl fie, he gaalí gáál karulle ˈdú sidhe.

He Ekeny Gál Alb Fimiká 20:35

Yáá hí yaalmit ke hujich hát ˈdabaanká ki nannuo-, ke gál he hí ki ˈgierˈgereká ke ˈdú ˈjeˈjeenká hí ká argisie. ˈDeeny Máá Guđo Yíésu hí hodheká mé ka ˈgáa, giri máálle kieye, Hé ke máádhat shieká geer gaa meentlé ke aargiroká geer gaa meent hélle ke máádhat gaa argeká a mé ˈdaatíká, muí yieká, Báulo hí gáál yie.

He Ekeny Gál Alb Fimiká 28:10

Koro kinaal gálléká nyí hát lulle les gaa eedhdhe. Aalé he nyí síé yieká shokodaam nyí mannayyeká nyí ká shie.

Róóma 12:8

Mu har héllé shiichoká gálaat guofsiny kátaka, hí gálaat ˈdaa Waaˈgiet ki guogofsuo, har héllé shiichoká gálaat kuol gaa chiran kátaka, hí geer gaa midhánt gálaat he ki shiiguo. Mu har héllé shiichoká gálaat hujichaamle mé ki yaalít kátaka, hí aadh lulle tág yaal, har héllé shiichoká gálaat geer guurá argisiny kátaka, hí hodhin midhabká gálaat ki aargisuo.

Róóma 15:27

Hé shiichóóllá he hé súm gaalí fede-, gaalí gáál shiguoká. Hééllá gaalí gáál shíéllá he ˈdaa giri gál Kiristo Yerúsalem gaa ijóóllá gál kidhdhóóllá Fayam Midhab Kiristóóllá ka hilsieká. ˈDaa kinaallá in gaal gáál ˈdú ˈjie, gáál héllé hí ki ˈgierˈgereká ˈdú chiˈde.

Róóma 16:12

ˈDeg Tirufáína ubaa Tirufóósa lé-, Máá kúnnaa Guđo Kirísto hujich ki nanniyyóóllá ye naa kí yiedhíe. Anso chia Bérsi, úba súm Kirísto hujich ki nanniyyeká ye naa kí yiedhíe.

Korínto Erká 15:10

Tá Waag ˈdúˈjímle ˈdaalleka in yú hát ijóóllá yie. ˈDúˈjím Waag hí ye ká shiichééllá hé hé guđo-, midhabká ekenyle ye yé ˈdú ˈdeeyche, yáá gál alb fimíítí hujich súm ˈdú nie. Tá hújích yú níéllá hé ˈdaa fargogintchú yú ma ki níiny, he ˈdaa ˈdúˈjím Waag hí ye shiichééllá fargogintlé yú Waag hujich ki nie.

Korínto Erká 16:16

gál hatallóóllá ubaa gál lulle hújích Máá kúnnaa Guđóóllá hát ˈdabaanká gaa lađaanallá gál ˈdúwaká ka dhaayyíe, a nee kookóo.

Korínto Erká 3:9

Nyiin hullaakínyo hújích Waaˈgieto nyí hol ˈgar nanniyya, itín íín he lés Waaˈgiet ke hí fieká. Héétí itín hí ˈbíl Waag hí ˈdiˈditoká.

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Galátia 6:6

Máádhat gálaat ˈdeeny Waaˈgiet oonisuoka, gál muí he oonisuo kinaallá hí mú símísle hol ˈdú naannuo, gaal héllé ˈdabaan-, ˈguoká lulle ha muí gaa ˈdábiny.

Filíbi 2:16

gálaat fayam luolmitiká haí shigicha. Aaléka hééllá hí ekemeychoka, kúlích Yiesu Kirísto hol ká nannaatká yú geer hai ye gaa meedhe, giri hújích yú nieká yú hállééllá ma níinyká.

Filíbi 2:29

ˈDaa giri Máá Guđokáka hí mú hol nyaaraká, mú geer gaa meen guđoká mé guđáan ki yeedhíe. Gál hát mu ííniká kiikiadhíe,

Filíbi 4:3

Iiy-hí, kó ˈdúwa chia-, hújíchalka, ke hol ˈdú famééllo, ha yú ko ruogone, ˈdaa giri ˈdegééllá Fayam Midhaballáka nyí hol ˈgar laađaanneká, ˈdég ˈdú ˈjeeˈjémo. ˈDegééllá ubaa Keleménto tá gál éíy taaka-, meetle warˈgat luolmitiká gaa ijóóllá hujicho nyí hol ˈgar nanniyye.

Tímote Erká 3:5

Máádhat har ˈbíl geerle tág chiranle hí ká adhateka, mu háteeye gál ˈbíl geer Waaˈgiet ˈdeˈdeme?

Tímote Erká 4:10

Muun húgúm Waaˈgiet ˈganyo in ke hát ˈdabaanká ˈdú lađama. Hééllá he ˈdaa giri he met esinykúnno ki Waag bííyyo ali iđoká ke gaa iđieká. Waag íínííllá he gálaat lulle Rúbáchlé, tá súm gál hí iiy yieká Rúbáchlé.

Tímote Erká 4:14

Af giri karu Kiristo ko gil ˈdú fieká hé shiicho Waaˈgiet ˈdaa ˈdeeny Waag hí gaal íín ká shiicheká ˈdaalle ki argiyyeká ha hâny, eekémesh.

Tímote Erká 4:16

Iđiny kua iđoká ubaa he onisiny kua gáál oonisichoká ˈdeeˈdémo, taalle gaa yíéđig, ˈdaa giri hééllá ekeycheka, ˈdéé ki iđiny Waaˈgiet kúún dhúrkú ubaa gál ko af nee kokuoká ha ká riata.

Tímote Erká 4:6

Kúún har atimééllá gál nyaaram-, Kiristoká af ki tatiyyoka, in kuun gédéch ˈdúwa-, Yiesu Kiristoká cheedhe. Fayam ke iiy yíéllá ˈdeenyle ubaa he onisiny midhab-, kuuní el gaa veeˈdééllá iiy yeenkú hai higirasicha.

Tímote Erká 5:19

Máá kársích Kiristo héllé mákárta-, kerka ˈdeeneyká ko ká geđuoká, ha af nee kôny, ˈdaab gáál naam-, muuninyka, gáál seđ-, hé muí ˈdeeney kinaallá il ma ki árginy-, ko ma ˈdu gáá sînká.

Tímote Erká 5:3

ˈDeg híyes-, gálaat mánká gil ki heegélmish.

Tímote ki Naamaká 2:6

Máá les fafuo-, símis dhiireká, ííni ˈguom er hiteká kokoo.

Tímote ki Naamaká 4:2

ˈDeeny Waaˈgiet ˈdiiyímo, aadh lulle hát lulle tág yáal, giri gálaat af tatiyyo-, il gíl gaa helisanno-, hát ˈdabaan-, geer gaa guchiká gáál ki gogofsicho-, gáál he oonisichoká.

Héberew 13:17

Gál hí met ki ˈgíéllá he gál sidhamkícho ˈdaalle ˈdugaka hí ˈdeˈdeen-, aadh ˈdaatika hújích lééllá ˈdeenyle Waag met gaa hogodhoká. Gáál met gaa keekemíe, gáál atimle el gaa veerée, giri gaal hújích lééllá nannuo-, gaal ma giinany-, gáál ger hí gaa memeetká. Har itín hí gáál ger gaa ˈdeeneycheka, hé kinaallá hé hí ma ki midhanany.

Héberew 13:24

Gál kíchia hí met ki ˈgíéllá ubaa gál Waaˈgiet al kinaalloká lulle ye naa kí yeedhíe. Gál Talyanallá hé hí naa ká yie.

Héberew 13:7

Gál hí met ki ˈgie-, hí ˈdeeny Waaˈgiet oonisúóllá táb ˈduoˈdodhíe. Gaal húgúmlé he ki ijoká héllé midhab hí yé gáá ˈdeˈdeená mé ka gáa. Gaal iiy yeenlé Waag ka ˈguoká úba ennée.