Tímote Erká 5:14 - Fayam Midhab Yiesu Kiristoká He Hol Af Iđiny Kaanaká

¹⁴ Aaléka, hát yú fedoká, ˈdeg híyes-, rúóreká hí shuunat, hí umle kuol kaayo, hí é gerle tág ki ˈgiiyyo, giri kídhích kúnnaa Sátanléká kar ma aargiriny-, muun gáál ma eeshenyká.

Tímote Erká 5:14 ပူးပေါင်းရင်းမြစ်များ

Róóma 14:13

Aaléka, kí hol ˈdeensen hayo. Hé kinaal afleka kí hol ˈdéé mé gaa eet, giri nyaaram kúnnaa Kiristóóllá hé mákárta-, hí riigirsuo-, hí ađaabano mé ki kokuoká ke gáál ˈgas met ma gaa iđiminyká.

Korínto ki Naamaká 11:12

Yú kín ˈgíérích chia gaa igireká ha gaa igira, giri gál kar ˈgeˈgedho-, kieye, gáál hújíchle hát hújích kínyaallá, yegetká fedoká, kár kinaallá ha nyí ká riata.

Tímote Erká 2:8

Aaléka, gál yááb Waaˈgiet alb lúl gaa ijoká hí gille Waag ki eegefo, Waag viivisat. Gaal ídho ubaa hol ki fálaam mánká yú fede.

Tímote Erká 4:3

Gál hođomlééllá gálaat hol shuunan hát kerka ˈdeewká he gálaat geđia, héétí gaal ˈguom Waag hí ká kuonne-, onnônyka gál Waag iiy yie-, Waag ˈduuwle ógká hí hát gielmitiká Waag met gaa egeet-, hí kokuoká he gálaat ká riridhdha.

Tímote Erká 5:11

Tá ˈdeg híyes-, rúóreká ha túóy kinaal gaa kôny, ˈdaa giri gáál gónle mé ˈdú yíéđiny hí ká adhateka, een hí mé ká hilleka, gaal hújích Kirísto ki nannieká ali hai kokoo.

Tímote Erká 6:1

Ameeny gál Kiristo gaalí géde hoteká, hí gállé hí léká hát lulle gál ˈdúwaká ká dhaaˈgasan, giri Waag meenyle ubaa he onisinyle gaalí ma eeshenyká.

Títo 2:5

ˈdég kás kakaat-, úba muosam mánká. Héétí ˈdég hí ˈdeg é gerleka líles-, ger gaa ˈdabaan-, beelemle met gaa kekeenká onnoyyo, giri ˈdeeny Waaˈgietallá gaalí ma egeshenyká.

Títo 2:8

ˈDéé hótkú hí ˈdéé hót ˈdúwa-, gálaat hí ma ˈdeđensenká onnoyyo, giri gál he onisinykú egesheyoká kern hí ˈgiidho-, ˈdeem ˈdeđew-, ˈdaa kúnnoka hogodhoká ˈdaaboká.

Héberew 13:4

Gálaat lulle hí hol shuunan ˈduuwle onnow, gál hol shuunneká hai hol ˈdú burúminy. Gál herginy ađááb ˈgayyoká gaa seseenká ubaa gál hol buruanká Waag ˈdéé haí ki iđimicha.