Tímote Erká 5:10 - Fayam Midhab Yiesu Kiristoká He Hol Af Iđiny Kaanaká

¹⁰ Héétí, min hiyesidhe-, túóy kinaal higilloká hí min húgúmle midhantle gálaat hí óg-, umle kuol kaayye-, dheeg geelneyye-, gál Kiristoká ˈgas ˈjiˈjiyye-, gál maanyjayká geer hí shâw ˈdú yegie-, tá hé ˈdabaan-, met hí hol ká burnayká ekenyle hol ˈdú silmicheká onnoyyo.

Tímote Erká 5:10 ပူးပေါင်းရင်းမြစ်များ

Matááyo 25:17

Hát tikiˈdééllá máá giri muí bíre shíí naam shieká úba bírelle nigíˈd ki nie, bíre éíy taaka shíí naam bíre ˈdug ˈdú arge.

Matááyo 5:16

Hát tikiˈdééllá édhúmkícho hí gálaat met gaa edhew, giri hé ˈdabaan kíchia hí ekemeychoká gálaat hí aargiro-, gaal ˈJaa kíchia úr ijoká memeyoká.

Lúka 7:38

Aalé ka chimieká Yíésu kí ˈjobonte, mú ˈdaa ˈgas metoká kí ˈdiiyye, imiro ˈjiibiche. Imiro giri Yíésu ˈgas ˈdug ˈdú ˈdaneká meenyle dhúrle ki shugudiche. Min mú ˈgas met ˈduunguanne, mú sáláb giri usiyyoká ˈgas met shugudiche.

Lúka 7:44

Aalé mu Símon min gíl ki helie, kieye, Kó minnééllá argiyyo? Yú ˈbíl kuallá ka hileká, kuun kó bíé yú ˈgas ˈjiˈjiatká ye ma ka shíiny. Minnééllá íín imirollé ye ˈgas ki ˈjiiyye, in ye meenyle dhúrle ki shugudiche.

He Ekeny Gál Alb Fimiká 10:22

Aalé gaal mú geey, kieye, Nyíín máá yuoy kúˈd tikiˈd mé ki yaal-, gaalí Kornélios yeget mare nyí ali ká fie. Máá kinaallá he máá ˈdúwa-, Waag kikiat-, gál Yuuˈdi lulle hí memeyoká. Máá ˈgasso-, urru-, Waaˈgieto mú geey, giri mu ko ká kekero-, hé hogotoká muí mamaloká, gaalí mú yie.

He Ekeny Gál Alb Fimiká 22:12

Aalé máá gaalí Ananías yegie-, hemuumurit Waag hí Móshe ka shiicheká hát ˈdabaanká ki yiel-, gál Yuuˈdi al kinaalloká hí súm memey mare ye ˈdu gáá yimie,

He Ekeny Gál Alb Fimiká 6:3

Nyaaramkúnno, gál ˈdúwa-, tiiya Hím Naasan Waaˈgiet hí koch chie-, ˈdaallellé-, hí ógká hol gáá shuunáa, gáál nyí hújíchallá mé ki koyyo.

He Ekeny Gál Alb Fimiká 9:36

Aalé Yóóba álle min lali Yiesu-, gaalí Tabídha yegie mare hí gaa iđe. Min meenylé kinaallá af gál Hellenka ˈDórkaso gaalí yeedhe. (Tabídha tá ubaa ˈDórkas hélle kieye, Ginte.) Min aadh lulle hé midhabká gálaat ki ekemeyche, gál he maamanká he shigiche.

He Ekeny Gál Alb Fimiká 9:39

Aalé Bétiro đo kie, gáál hol eedhdhe. Mu ali nyuoreká mú gaalí ˈbíl biiy ˈdug yielká eey. Aalé mu ˈbíl hileká mú ˈdeg híyes mare lulle hí ki maˈde, ˈdég buoyye, đafaraam ˈDórkas hí tág ki niiyyeká mú aargisiche.

Róóma 12:13

Gál Kiristo he hí ki ˈgierˈgernítaka he shiigía, héétí gáláát hí kí faanká mé guđáan yiegedhíe.

Eféso 2:10

Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Tímote Erká 2:10

Gaal hí húgúm he ekeny midhabká ˈgayyoká hol ki ootolo, hát onnônyka gál ˈdíét-, gálle hol gál Waaˈgiet yegetká hí ijoká.

Tímote Erká 3:2

Aaléka, máá gál Kiristo ˈdeˈdeenká hí máá ˈdeensen mán-, min hí tikiˈde-, hol tím ˈguo-, me hí bire-, siríg ˈguo-, dheeg mé guđáan yeget-, héétí hí máá hát ˈdaalimietká gálaat he oonisuoká onnow.

Tímote Erká 3:7

Héétí mu hí máá gál Kirísto iiy ma yéenká úba hí máá midhabká ka dhaˈgasanká onnow. Mu har máá hatallóóllá ma ká yaalinyka, kálmaréél ha gaalí ˈdeđente, naar Satan af les hai gaa ˈdarama.

Tímote Erká 5:16

Min Kirísto iiy chieká har ˈdeg hollé-, híyeská ˈgayyoka, hí ˈdeg kinaallá chirat, waawaycho, hai ˈdég ilshle gál Kiristo ˈdú hâny. Gál Kiristo íín hí ˈdeg híyes-, gálaat mánká kuol gaa chiichirat, waawayo.

Tímote Erká 5:25

Hát tikiˈde kinaallá he ekeny midhabká hé kaany mán, tá har úba káána kaany gaa iđoka, hé ma ereminy, yé hai ká ˈdeenne.

Tímote Erká 6:18

Gáál géesh, gaal hí hé midhabká eekemeyo. Hé midhab gaalí eekemeyóóllá hí hé burnayká yeet. Gaal hí ger gaa ˈdabanaw, gálaat héllé hí ki ˈgierˈgereká úba ˈdú chiichirat.

Tímote ki Naamaká 1:5

Héétí iiy yeen kua ˈdúwa-, đunu kua Lóis ubaa ˈjie kua Yúnike hí ˈgie-, tá káána yú óg-, kuuní úba ˈgayyóóllá yáá mé ká ˈguo.

Tímote ki Naamaká 2:21

Tá máádhat har hé ˈdeđew-, Waag hí ma fedinyallá hol ká ridhdheka, mu hát hé ˈdúwa-, Máá kúnnaa Guđóóllá hí hol taak ki koy-, hí hújíchle ki nannasatká hai yeedhe. Máá hatallóóllá hé tág yaal, giri Máá Guđoká hujichaamlé hí shieká lulle hát ˈdabaanká nannuoká.

Tímote ki Naamaká 3:15

Kuun Warˈgat Waaˈgietallá níínénti gáá onnote. Warˈgatééllá hé fargogínt ˈgayye, giri ko ˈdaalím shiiche-, rúbách ˈdaa iiy yeen kuuní Yiesu Kirísto iiy ki chieká ki argiyyeká.

Tímote ki Naamaká 3:17

giri ameeny gál Waaˈgiet tagano ˈgie-, hé midhab he ekemeyoká lúl uroká.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Títo 2:7

He lullé ekemeycho-, ubaa hogotoká húgúm midhabká gaa ˈgab, gáál hí ko ká ennuo. Gálaat he oonisichoká, gálaat he onisiny tagléká hát ˈduwantiká oonísish.

Títo 3:1

Aaléka gáál géesh, gaal hí gál kansím ˈguo-, les met ki ˈgieká guguchle onnow, hí gáál met gaa keekeen. Gaal hí hé ˈdabaan-, ekemeyoká uritle ˈguo.

Títo 3:14

Gálkúnno hé midhab he ekemeyoká hí hol onisuo, hí húgúmle hosot, giri hát ˈguo-, gálaat héllé hí ki ˈgierˈgereká he gaa shiguoká.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Héberew 10:24

Ebá kí hol met ká ˈguo, giri ke hol gogofsuo-, ke gielmít ˈguo-, ke he ekeny midhabká ekemeyoká.

Héberew 13:2

Dheeg hí mé guđáan chegetoká haí điđídhminy. Gál urru-, ˈgasso-, Waaˈgietká hé bárká hát dheegka ká yiimie-, gál hí mé guđáan yegieká, hát gaal he gál ˈgasso-, urru-, Waaˈgietallá hé moonnoy.

Bétiro Erká 2:12

Gál Waag muogká yaalmisam ˈdúwaká hursam ki yíéđía. Har úba gaalí hé ˈdeđewká af kakaw-, gaalí ˈdeđensetka, hé ˈdúwa-, hí ekemeychoká gaalí argo, gaal hé kúlích Waag hí gáá ˈjeennoká Waag gaa meeyo.

Bétiro Erká 4:9

Af giri hí hol dheegam ˈdú seseenneká, hol mé guđáan yiegedhíe, haí yiirsam fafáan.

Yuána ki Seđeká 1:12

Tá ˈDemétiros íín hé gálaat lulle hí ˈduuwle hogodho. Mú ˈduuwlééllá hé Máá kúnnaa ˈDúwáállá úba hí hogodho. Nyiin úba nyáá nyí mú ˈduuwle hogoto, tá ˈdeenykínyo hát ˈdúwaká kó óg.