Tímote Erká 4:8 - Fayam Midhab Yiesu Kiristoká He Hol Af Iđiny Kaanaká

⁸ Har káána gon ke he oonisuoká á níínni mare midhíntaka, húgúm Waaˈgiet ˈgany hát lullé he midhab. Har ke húgúm Waaˈgiet ˈguoka, báral ubaa bár ka chiimetóótíá luolmit Waag hí gáál af iđicheká ha ke gaa aargira.

Tímote Erká 4:8 ပူးပေါင်းရင်းမြစ်များ

Matááyo 12:32

Máá Iny Máádhat ˈdeeny ˈdeewká ki hodhoká, máá kinaallá héllé ˈdeeney kinaal Waag haí haađicha. Tá máá Hím Naasan Waaˈgiet ˈdeeny ˈdeewká ki hodhoká, ađaablé he hílééllá hé bííy kaanalloká ubaa bííy biraamiet ka chiimetóótíá Waag hí ma haađiny, Waag mú ˈdéé hai ki iđimicha.

Matááyo 19:29

Ameeny máá ˈdaa meenychúka ényle yíekaʼ, nyaaramle yíekaʼ, ˈjaalle yíekaʼ, ˈjielle yíekaʼ, umle yíekaʼ, tá léslé fafuoká yíekaʼ hayoká, héllé hay kinaallá hé éíy taaka hat kinaallo-, hí af ˈdú gíri-, kúˈd nyuoroká hai aargira. Héétí mu luolmit biiyoká hai aargira ubaa hai gaa yíéđima.

Matááyo 6:33

Aaléka, erkob Guch Waaˈgiet ubaa hé Waag hí itín gaa feˈdoká hol gaa ˈgeˈgedhée, hé hí feˈdééllá lulle ha muí shigia.

Márko 10:30

máá kinaallá gon hé súm hééllá lulle ˈdú burnay-, kúˈd nyuoroká lésallá hai gaa aargira, kor manyjasiny úba il haí aargiˈda. Tá mu bííy biraamiet ka chiimetóótíá luolmit biiyoká hai gaa yíéđima.

Lúka 5:38

ˈDuuny vinna kaanaká orgomlé kaanaká gaalí fafaa.

Róóma 8:28

Gál Waag giel-, Waag hí he gaa feditle kí viiyyééllá, he lullé gáál kárle ká nannaatká Waag hujich haí ki nannasata. Hé kinaallá gáál ˈdaalleka hát hé midhabká hí yé gáá ˈdeˈdeenká hé ke óg.

Korínto Erká 3:22

Hát káána Báulo yíekaʼ, Abóllos yíekaʼ, Kéfas yíekaʼ, lésallá yíekaʼ, luolmít yíekaʼ, kúfach yíekaʼ, báral yíekaʼ, bár ˈdaatika yíekaʼ, hééllá lulle hékícho.

Korínto Erká 8:8

Tá hé ki kokuoká íín hé hé muun ubaa Waag gáál hol higilsuoká muuniny. Ki he ma kokonyka, hé kinaallá hé gáál ˈdaˈdabsuoká mán. Har ke he kokuoka, hé kinaallá hé ál gáál yé ˈdú ˈdeđuoká mán.

Tímote Erká 4:7

ˈDeeny ˈdúúw mán-, lesalloká ubaa hibano đeemoká hol gáá fagánash. Hol húgúm Waaˈgiet gaa íđish.

Tímote Erká 6:3

Máádhat har he onisinyééllá he onisiny éíy taaka gaa fue-, ˈdéé hót Máá kúnnaa Guđo-, Yiesu Kirísto ˈdúwáállá ubaa he onisiny Waaˈgietallá iiy ma yegenka,

Tímote Erká 6:5

Gál hatallóóllá he gál gálaat shalalaam fafuo-, kás hí ˈdeenete-, hé ˈdúwaká gíl sug ki hayká. Gálallá tawunyleka, kerka hol gál Waaˈgiet hoyka, hai kaamuraa, he yegedhe.

Tímote Erká 6:6

Tá máádhat har hát Waag hí feˈdoká ka yíéđian-, héétí hé Waag hí shiicheká hí ka guđíntaka, mu kamur ˈdúwaká he ˈgaa.

Tímote ki Naamaká 3:5

gaal gál Waaˈgieto he hol hođia, kor íín fargogint Waaˈgiet hát he hujich nanniyyoká hé iiy ma yegen. Gál hatallóóllá hol gáá fagánash.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Yuána Erká 2:25

Kirísto hé muun gáál af iđieká he luolmit biiyóóllá.

Kí Edhesiny 3:12

Máá hé lesalloká ká adhatká Waagchú ˈbílle aarlé hí guogoyoká áár tikiˈd ha yú hođia. Mu hé geđi ˈbíl kinaallá yé ma gaa ˈdeeminy. Tá mú Waagchú meenyle ubaa Waagchú ˈjienle meenyle ha yú gaa verene. ˈJienééllá he Yerúsalem kaana-, Waagchú gáá chiimet-, úr gáá leletoká. Héétí meeny chia kaanaká úba ha yú mú gaa verene.

Kí Edhesiny 3:21

Hát káána yú he lulle ká adhdhe-, káána ˈJaachú karallé guchiká nyí ˈdú iđáállá, máá hé lesalloká ká adhatká ˈduuw máálle nyí hol kara chia guchiká ˈgar yíéđianká úba ha yú shigia.