Tímote Erká 4:3 - Fayam Midhab Yiesu Kiristoká He Hol Af Iđiny Kaanaká

³ Gál hođomlééllá gálaat hol shuunan hát kerka ˈdeewká he gálaat geđia, héétí gaal ˈguom Waag hí ká kuonne-, onnônyka gál Waag iiy yie-, Waag ˈduuwle ógká hí hát gielmitiká Waag met gaa egeet-, hí kokuoká he gálaat ká riridhdha.

Tímote Erká 4:3 ပူးပေါင်းရင်းမြစ်များ

Matááyo 14:19

Aalé Yíésu gálaat geey, giri gaal les yíéđianká. Aaléka, mu balasha giri chenká ubaa beeny giri naamaká eedhdhe, úr gaa dhaay, Waag ˈgielmít hol ˈdú nie. Mu balashá eiy ˈgiˈgidhie, lalille shie, lali hí gálaat eiy gise.

Matááyo 15:11

He hé níínní máádhat a geer higilo-, máádhat ˈdeđeneyoká mán, hé máádhat ageer yé gáá ˈdeˈdeenká in tákáma máádhat ˈdeđeneye, Yíésu hí yie.

Matááyo 15:36

Yíésu balasha tiiyaká ubaa beeny giriká eedhdhe, Waag ˈgielmít hol ˈdú nie, balashá eiy ˈgiˈgidhie, balashá lalille shie, lali hí gálaat eiy gise.

Lúka 24:30

Aalé af giri gaal gólol gaa yíéđieká, mu balashá eedhdhe, Waag gielmít hol ˈdú nie, balashá eiy ˈgey, gáál shie.

Yuána 6:23

Aalé kadis ény Tiberiados gáá chimie-, ál Yíésu hí Waag gielmít hol ˈdú nie-, gálaat hí balashá gaa koeyká malgle ˈjobínt ki ˈdiiyye.

He Ekeny Gál Alb Fimiká 27:35

Aalé mu gáál hatal geeyká balashá eedhdhe, gáál lulle metle Waag gielmít hol ˈdú nie, balashá eiy ˈgieˈgie, balashá koey.

Róóma 14:17

Guch Waaˈgiet héllé ˈdúwaká hé he kóony ubaa he ím muuniny, Guch Waaˈgiet he hát Waag hí feˈdoká ekenylé, héétí naanná ubaa geer gaa meen ke hol ki ijoká. Hééllá lulle Hím Naasan Waaˈgieto ˈdaalle yé gáá ˈdeˈdeme.

Róóma 14:3

Máá he met lulle kokuoká hai máá he met lulle ma kokonyká egeshêny. Héétí máá he met lulle ma kokonyká hai máá he met lulle kokuoká ˈdeđénsen, ˈdaa giri máá kinaallá Waag hí ká ˈjobonsoteká.

Róóma 14:6

Gál kasleka kúlích tikiˈdeká hé kúlíchanóótíá ˈdú ˈdúwa yegetká Waag yaalmit kinaallá ˈdúúw gaa shiguoká fede. Héétí, gál so kokuoká Waag yaalmit kinaallá ˈdúúw gaa shiguoká fede, gaal hé so kinaallá ˈdaalleka Waag gielmít hol ˈdú nannuo. Hát tikiˈdééllá gál so ma kokonyallá Waag yaalmit kinaallá ˈdúúw gaa shiguoká fede, gálallá hé úba Waag gielmít hol ˈdú nannuo.

Korínto Erká 6:13

ˈGuom he hé geere, tá geer hélle he ˈguom. Hé ˈdúwa, tá geer ubaa ˈguom hullaalle Waag mé haí ˈgiidhicha. Tá gónkúnno íín, hélle hé herginy ađááb ˈgayyoká muuniny. Gónkúnno Máá kúnnaa Guđoká hí le. Máá kúnnaa Guđoká ííni gónkúnno ki yaalla.

Korínto Erká 7:28

Tá har eeteka, kó hé ˈdeeneycheká mán. Héétí ini har eeteka, hé hé ˈdeeneycheká mán. Gál hol shuunneká lésallá hé burnayká il haí aargiˈda. Hé kinaallá yú hí ká ririatká yú fede.

Korínto Erká 8:8

Tá hé ki kokuoká íín hé hé muun ubaa Waag gáál hol higilsuoká muuniny. Ki he ma kokonyka, hé kinaallá hé gáál ˈdaˈdabsuoká mán. Har ke he kokuoka, hé kinaallá hé ál gáál yé ˈdú ˈdeđuoká mán.

Kolosááya 2:16

Aaléka, ˈdeensen ˈdaa hé hí kokonyoká ubaa hé hí igiannoká, héétí ˈdaa ˈjila, ubaa ˈgúíy vím ˈjilallé, tá Kúlích Hef ˈGisanká, gálaat hí ˈdú ˈdeđensetka, haí gáál af nee kôny.

Kolosááya 3:17

He lullé hí ekemeycho-, ubaa hí hogotoká lulle Máá kúnnaa Guđo Yíésu meenyle ki eekemeyyíe, tá mu íín ˈdaalleka, ˈJaa kúnnaa Waag gielmít hol ˈdú naannáa.

Tímote Erká 2:4

Waag hát feˈdoká he giri gálaat lulle rubach aargiro-, hé ˈdúwa-, Waaˈgietká kiimisat-, eiy nannasatká.

Tímote Erká 4:4

He met lullé Waag hí ka kuonneká hé midhab, tá har ke hát gielmitiká Waag met gaa eedhdheka, af kinaalka hé hé níínní ke gaa điidhanká mán.

Tímote Erká 5:14

Aaléka, hát yú fedoká, ˈdeg híyes-, rúóreká hí shuunat, hí umle kuol kaayo, hí é gerle tág ki ˈgiiyyo, giri kídhích kúnnaa Sátanléká kar ma aargiriny-, muun gáál ma eeshenyká.

Héberew 13:4

Gálaat lulle hí hol shuunan ˈduuwle onnow, gál hol shuunneká hai hol ˈdú burúminy. Gál herginy ađááb ˈgayyoká gaa seseenká ubaa gál hol buruanká Waag ˈdéé haí ki iđimicha.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.