Tímote Erká 4:16 - Fayam Midhab Yiesu Kiristoká He Hol Af Iđiny Kaanaká

¹⁶ Iđiny kua iđoká ubaa he onisiny kua gáál oonisichoká ˈdeeˈdémo, taalle gaa yíéđig, ˈdaa giri hééllá ekeycheka, ˈdéé ki iđiny Waaˈgiet kúún dhúrkú ubaa gál ko af nee kokuoká ha ká riata.

Tímote Erká 4:16 ပူးပေါင်းရင်းမြစ်များ

Márko 13:9

Tá itín hol ˈdeeˈdemíe, ar ha gaalí fafaa, ény ˈdiiyiminyká ha gaalí gaa tuuna. ˈDaachú ˈdugaka gál kaansúoká ubaa gál les met ki ˈgieká ha gaalí ˈdú egee. Gál kinaallá metle ˈduuwchú haí gaa hogoto.

Lúka 21:34

Hol ˈdeeˈdemíe, haí gál he dhir eiy ki babaatká ubaa gál bersh hí fafaannoká chéen, hí hé lesalloká ˈgar kirísan, kúlích kinaal hátlé hí met muogká ali kí ˈdíiny.

He Ekeny Gál Alb Fimiká 26:22

Tá Waag hé ye ˈdú ˈjiiyye, ˈjíig kúlích káána ke gaa ijo-, yú hí metkícho gaa yaal-, yú it kaansúóllá ubaa gál chiallá fayamééllá hí geđúóllá. Móshe ubaa gál Waag hí ˈdeem ka shigicheká hé biiy meto ali kí ˈdeenká ˈdeenylé he huogodhe. ˈDeeny chia yú hogodhóóllá he ˈdeeny tikiˈde gaal íín hí huogodhe kinaallá.

He Ekeny Gál Alb Fimiká 6:4

Nyíín dhúrkínyo aalé bar lulle Waag visan ubaa ˈdeeny Waaˈgiet ˈdiiyiminyle nyí mé verenne, gaalí yie.

Róóma 11:14

giri kálmaréel gál chia Yuuˈdííllá tuuˈdle yú hinááf gaa vereno-, gáál ˈbaal rubach aargiroká.

Róóma 16:17

Nyaaramchú, gillo yú hí ki efe, gál gálaat hol eiy gaa ˈgiˈgidhuo-, hé ˈdaa Kiristoka gaalí oonisieká el ˈgiˈgisat-, hí ˈdaa eiy ki riitisuoká hol ˈdeeˈdeemíe, gaa fagandhíe.

Róóma 2:7

Gál hé midhabká ekemeyo-, giri aadh ˈdaatika Waag hí meeycho-, muí gál ˈdúwaká yeget-, gón ma kufuminyká muí shiguoká, luolmit biiyoká Waag haí shigicha.

Korínto Erká 1:21

Waag hé ˈdaallé, tá hé ˈdéé murate, giri gál lesalloká ˈdaalimle Waag ma ki kiimisanká. Héél afleka, Waag fayamle ˈdiiyiminylé gál lesalloká hí hé đeeymoká ka dhaˈgasanallá ˈdaalle ˈdugaka in gál fayám iiy yegetká rubach shigicha.

Korínto Erká 9:22

Héétí, af giri yú gál ma hirânyká hurt gaa ijoká, yú gál ma hirâny kinaallá hé hí ki midhabká ki ekemeye, giri gáál Kirísto ˈdú gáá egewká. Yú hát lullé ki ija, ubaa ˈdeˈdeme, giri gaal rubach aargiroká.

Korínto Erká 9:27

Yú gón chia he mé ki tataa, ye met gaa kekeenne, giri yáá gálaat ki ˈdiyeennallá hé shiicho Waaˈgiet ma gaa ˈdaabinyká.

Eféso 4:14

Hát kinaallá in múún geđ ke hát um niginiká, muuninyka, hát kádích baran hí hol gaa sisitoká ma yegen. Héétí ke hát gál gál đíđaská hí raraat-, hí ˈdeemlé hódhoká ki nyiimisatká ma yegen.

Kolosááya 4:17

Arkíbos geeyyíe, Hújích Máá kúnnaa Guđo gaal hí ko ka shíéllá bééso, mú yeedhíe.

Dhesaloníke Erká 2:16

Gaal nyiin nyí gál gál Yuuˈdi muuninyká ki ˈdiyeenne-, gaal rubach aargiroká hé nyí gáá momoyo. Gáál yaalmitlééllá in gáál ađaabanolle hol ˈdú fafiyya. Tá héél el gaa igíˈdelle Waag idholle hé gaal íín ka nyuoˈde.

Tímote Erká 1:3

Af giri yú Makeˈdónia sesemeká yáá ko gil ki efe, giri Eféso gaa yíéđianno-, gál he onisiny tagle muuninyallá gálaat oonisúóllá af tatiyyo-, gaal gáál he onisiny kinaal ma oonisiny-,

Tímote Erká 4:15

Hújíchallá hol ˈdú sílish, náánnaʼ, giri gálaat lulle hát kuun iiy yeenkú gaa hirayyeká kiimisatká.

Tímote Erká 4:6

Kúún har atimééllá gál nyaaram-, Kiristoká af ki tatiyyoka, in kuun gédéch ˈdúwa-, Yiesu Kiristoká cheedhe. Fayam ke iiy yíéllá ˈdeenyle ubaa he onisiny midhab-, kuuní el gaa veeˈdééllá iiy yeenkú hai higirasicha.

Tímote ki Naamaká 2:10

Aalé gál Waag hí waarateká ˈdaalle ˈdugaka, yú he met lullé mé ki chiirta, giri gaal íín úba rúbách Yiesu Kirísto hí gáál shiguo-, ˈduuwle bííyyóóllá aargiroká.

Tímote ki Naamaká 3:14

Tá ˈdaakúka, hé onnote-, iiy chíéllá hát ˈdabaanká chíro, ˈdaa giri gál hééllá gaa onnoteká kuuní ógká.

Tímote ki Naamaká 4:2

ˈDeeny Waaˈgiet ˈdiiyímo, aadh lulle hát lulle tág yáal, giri gálaat af tatiyyo-, il gíl gaa helisanno-, hát ˈdabaan-, geer gaa guchiká gáál ki gogofsicho-, gáál he oonisichoká.

Títo 1:9

Mu hí fayam Kiristo ˈdúwáállá hát giri gaalí onisieká hát ˈdabaanká ki yaal. Hát kinaallá in mu he onisiny ˈdúwáállá gálaat af ki tataa, tá gál fayam Kiristóóllá fálaam gaa iđimuoká fáláámle hát tagle muuninyká gáál eiy ki nannaa.

Títo 2:15

Aaléka, he lullé yú ko kí tuoyallá gáál onísish, gáál guogófsish. Kuun kó fargogint máá he ˈdeđeneyoká il gíl gaa helisanno-, mú af tatiyyoká ˈgayyo. Máádhat hai ko eeshêny.

Títo 2:7

He lullé ekemeycho-, ubaa hogotoká húgúm midhabká gaa ˈgab, gáál hí ko ká ennuo. Gálaat he oonisichoká, gálaat he onisiny tagléká hát ˈduwantiká oonísish.

Fílemon 1:19

Yáá Báulo lééllá ˈdeeny ewiet yú gílchú kí veereká hééllá: Êw yaa hí ko kí higidha. Tá luolmit kua ˈgayyóóllá hát ˈdaachú ki argiyyeká, yáá ma hogon.

Héberew 12:15

Tagkícho ˈdée! Máádhat hai Waag el af gaa táminy, ˈdúˈjím Waaˈgiet ˈdábiny. Hurtkícho hai ˈgór heđeʼ-, gáál shalal fafuo-, gál burnayká ˈdeđeneyoká hí gáá ˈdíiny.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Yákob 5:20

hééllá mé ki eedhdhíe: Máá mú ˈgíérích ˈdúwáállá hol ˈdu gáá nannúóllá, mú kúfacho ká riridhdha, tá mú héllé ˈdeđew-, met hí hol ká burnayká ˈdeensenle mú Waag haí gaa egeyye.