Tímote Erká 4:12 - Fayam Midhab Yiesu Kiristoká He Hol Af Iđiny Kaanaká

¹² Rúórmích kuallá ˈdaalleka, gálaat hai ko eeshêny, tá ˈdéé hótkú, he ekenykú, ubaa gielmitkú, tá iiy yeenkú, héétí iđinykú lúl hí húgúm saas manti-, gál Kiristo hí ka ennianká onnoyyo.

Tímote Erká 4:12 ပူးပေါင်းရင်းမြစ်များ

Matááyo 18:10

Onnóo, haí gál niginííllá mú tikiˈd eeshêny. Yú hí geeye, gál niginííllá gál ˈgasso-, urru-, hí ˈdeˈdeenká hé ˈJaa chia úr ijoká aadh lulle hol af ijo.

Korínto Erká 11:1

Aaléka, hát tikiˈde yú Kirísto enníéllá, itín úba ye ka ennée.

Filíbi 4:8

Nyaaramchú, hé eiy taaka-, úba yú hí ka geđuoká hééllá: Hé ˈdúwaká, hé gaalí kian ka ˈguoká, hé tagléká, hé saas mánká, hé gielmít hí gaa iđoká, tá hé gaa ˈdabaanká aadh lulle mé ka ˈgáa. Iiy-hí, hé súm midhab-, ubaa hé ˈdúwa-, gaalí memeyo-, hatallóóllá, aadh lulle mé ka gáa.

Dhesaloníke Erká 1:6

Af giri hí fayamééllá iiy chieká it tág he il hí argiyye, tá Hím Naasan Waaˈgiet hé hí ger gaa meen shiiche. Hatallá in nyíín ubaa Máá kúnnaa Guđóóllá hí yaalmitkínyo ká enniyye.

Dhesaloníke Erká 2:10

Hééllá itín ubaa Waago hí ˈdúúw ˈdú ˈdiiyye, giri it hí Kirísto iiy chíéllá ke hí hát saas manti-, ubaa ˈduwanti-, tá ˈdeensen mantiká ke hí ki sesemeká.

Tímote Erká 1:14

Tá Máá kúnnaa Guđo Waag hé ye ˈdúˈjímle hát ˈdabaanká ˈdú ookoˈdmie, ˈdaa Yiesu Kiristoka ye iiy yeen ubaa gielmít ká shie.

Tímote ki Naamaká 2:15

Hát ˈdabaanká laađámo, giri Waag innumle kí ˈdeˈdeenno-, Waag geer gaa memesichoká. Máá hújíchlé nannuoká midhab-, kern hí ma ˈgiˈgin-, ˈdeeny Waaˈgiet ˈdúwáállá hát ˈdabaanká eiy nannasat-, gálaat oonisuoká áat.

Tímote ki Naamaká 2:22

Aaléka, balt gál rúóreká hí ˈguoká hash, hé Waag geer gaa memesuoká, ubaa iiy yeen, tá gielmíti, héétí naanná bala ˈdú naʼ, ˈdú laađámo. Kuun ubaa gál Máá kúnnaa Guđoká hodhinaam saas mánká ki vivisatká hol ˈgar laađamíe.

Tímote ki Naamaká 2:7

Ebá hé yú hogodhóóllá táwug! Máá kúnnaa Guđoká hééllá lulle eiy naasanle ha ko shigia.

Títo 2:15

Aaléka, he lullé yú ko kí tuoyallá gáál onísish, gáál guogófsish. Kuun kó fargogint máá he ˈdeđeneyoká il gíl gaa helisanno-, mú af tatiyyoká ˈgayyo. Máádhat hai ko eeshêny.

Títo 2:7

He lullé ekemeycho-, ubaa hogotoká húgúm midhabká gaa ˈgab, gáál hí ko ká ennuo. Gálaat he oonisichoká, gálaat he onisiny tagléká hát ˈduwantiká oonísish.

Yákob 3:13

Itín mááya ˈdaalle, hé burnayká og? Máá kinaallá yaalmitlé midhab ki ijoká ubaa héllé ˈdabaan ekemeyo-, máálle hol ˈdúúw rieká hí gáál ˈdaalimlé kinaallá gáá argisuo. Hol ˈdúúw rím hatallóóllá ˈdaalímmo yé gáá ˈdeˈdeenne.

Yákob 3:17

ˈDaalim úr yé gáá ˈdeˈdeennoká héllé erká saas mánti, ubaa naanná, tá nog sien, ííni gálaat he ki chiran, ííni met gaa kími, ííni geer guurá ubaa húgúm midhabká, ííni gálaat hol eiy gaa ním mánti, ííni hé leđuđugulleká wuogon.

Bétiro Erká 5:3

Gál Waag hí gil ká fiiyyééllá haí hemuumurít mé gim níiny, gáál yaalmit midhab-, gálle gaalí ka ennianká aargisía.