Tímote Erká 4:1 - Fayam Midhab Yiesu Kiristoká He Hol Af Iđiny Kaanaká

¹ Aalé Hím Naasan Waaˈgiet hé ˈdéé hát ˈdabaanká hogoto, kieye, Bár biiy el ˈdaˈdká gáál ˈbáál iiy yeenlé Kirísto iiy yieká gil sug hai ki haađia, ˈdaa giri gaal aryaan gáál nyiimisatoká ubaa Sátan gállé ˈgassoká he onisinyle el gaa veereká.

Tímote Erká 4:1 ပူးပေါင်းရင်းမြစ်များ

Matááyo 18:7

He bá ˈdéen! Les har hé gálaat ađááb higilsuoká hí gaa ijaa! Yaalmisam hatallóóllá gon les yé hai gáá ˈdeeme, tá máá gálaat ađááb higilsúóllá, ebá he hí ki ˈdéen!

Lúka 17:1

Yíésu lalille geey, kieye, Hé gálaat Waag el af gaa tatuoká ali hai kí ˈdeeme, tá máá hé kinaallá hí yé gáá ˈdieká he il haí aargiˈda.

Yuána 16:13

Tá Hím Naasan hí ˈduuw Waaˈgiet af ki tatiyyo kinaallá ká chimieka, he lullé ˈdúwaká af haí gáá kokoyyo. Mu hé hélle ma hogon, mu hé maaleká hai hogodho, hé geđ igiroká haí ká geđia.

He Ekeny Gál Alb Fimiká 13:2

Gaal hátlé Waag vivite-, af higiteká Hím Naasan Waaˈgiet gáál geeyche, kieye, Barnábas ubaa Sáwul hújích yú kí vieká mé ki kóo, chie.

He Ekeny Gál Alb Fimiká 17:18

Mu ál gabaaya kinaal gál gaalí Ebekúre yeget-, ubaa gál éíy taaka gaalí Sitóyik yeget-, lullé kas hí he ká shugunat mare hol ˈdéé ˈdú naannie. Gál kinaal ˈbáál hí kieye, Máá éésh mánnal in meete ká hogodho? yie. Aalé gáál ˈdáá tikiˈd kieye, Máállá in taalle waagam éíy taaka kidhdhoká gáál má ki ˈdiyéen? yie. Gaal hatal yíéllá he ˈdaa giri mu gáál fayam Yiesu ubaa gálaat uushim yé gáá ˈdímle ˈdeenyle ki ˈdiiyimeká.

He Ekeny Gál Alb Fimiká 20:23

Kor Hím Naasan Waaˈgiet íín hé ˈjien lullé yú ki ˈjeˈjemeká hiigin ubaa manyjasiny ye egeteká ye geđiche.

He Ekeny Gál Alb Fimiká 21:11

Mu nyí ˈdú gáá yimieká mu Báulo sáblé seeteká eedhdhe, mu sááb gille ubaa ˈgasle ki hiigite, kieye, Hím Naasan Waaˈgiet hatallá he chie: Sáballá máálle gál Yuuˈdi Yerusalemká hatallá hí higidha, tá hí kidh gíl gaa kakaa, Hím Naasan hí ye chie, muí yie.

He Ekeny Gál Alb Fimiká 28:25

Aalé gaal hol af ká điidhe. Kor gaal hátlé giri eiy ma kíinyká Báulo ˈdeenylé biiy el ˈdaˈdká gáál geey, kieye, Hím Naasan Waaˈgiet hé ˈdúwaká eshim eshimkícho geeyche, giri Yisááya geeyche-, kieye,

Korínto Erká 10:20

Híʼi, yáá hatallá ma yegen. Hé yú hogodhoká he kieye, suoryam kinaal hé máá hí Waag ki ˈgaˈgaloká mán, aryááno gaalí ki ˈgaˈgala. Tá itín hí aryáán hol ˈdú fafaanna-, hí aryáán gálle chegetoká yáá ma fediny.

Korínto Erká 11:19

Tá hol eiy gaa ˈgisan kíchiallá taglé, giri gál hurtkíchoka iiy yeenle tagano ki ˈgieká gaalí kiimisatká.

Korínto Erká 12:11

Hím Naasan Waaˈgiet tikiˈdééllá in hééllá lullééllá ekemeyche, hát gálaat ki feˈdoká in hé shiichóóllá gál Kiristo lulle eiy eiy shigicha.

Korínto Erká 2:10

Tá múún ˈdaalimééllá Waag ˈdaa Hím Naasanlé hí gáál eiy kí niiyye. Hím Naasan Waaˈgietallá in he met lulle ˈgas og, úba hé geer geđi Waaˈgietká og.

Korínto ki Naamaká 11:3

Hé yú kikiatká, he hát káána héle char hí Háwa điđám ki ˈdie-, mú nyimiteká in itín úba kas kíchia ˈdaa Kiristoka ˈdúwa-, taglééllá gál hođomlééllá hí baađisuoká yú ma fediny.

Kolosááya 2:18

Gál hol gál ˈdúúw ririanká hol hođuo-, gál ˈgasso-, urruká vivisat-, hé amádh gaa argoká memeyo-, ˈdeemle mé ˈdeerneyóóllá, hol ˈdeeˈdemíe. Mé furit hí ˈdaa Kiristo ki argiyyééllá ha gál hatallóóllá hí ka rían. Gál hatallóóllá hé hí kasle yé gáá ˈdeˈdeenká, hállééllá in he hol bal ki ˈdarama.

Tímote ki Naamaká 3:13

Héétí gál húgúmle ˈdeđewká ubaa gál hođomlé-, hol gál Waaˈgiet hođuoká biiy súm hai gaa ˈdeđendhe, gálaat hai baađisia, tá íín dhúrle úba ha gaalí baađisia.

Tímote ki Naamaká 4:4

Gaal hé ˈdúwa-, Waaˈgietallá nee konyle hai điidhma, hibano đeemo-, lesietká bala hai ˈdú nannaa.

Yákob 3:15

ˈDaalim hatallo-, hódhóóllá hé úr ma gáá léen, ˈdaalimééllá he ˈdaalim lesallá. Hé ˈdaalim Waaˈgiet muuniny, he kídhích Waaˈgiet ˈdaalimlé.

Bétiro Erká 1:20

Waag hátlé les ma ka kúóninyká in Kirísto galayche, bár biiy el ˈdaˈd kaanallóóllá mú lésallá ali ˈdu gáá kaayye. Hééllá ˈdaa kíchia muí ki ekey.

Bétiro ki Naamaká 2:1

Kíssóótíka, lés Yisirayel hé gál hođomlé-, hol gál Waag hí ˈdeem ka shigicheká ka hođieká hé gálaat hursam gaa ije. Hát tikiˈdééllá itín úba gál hé hođomká gálaat oonisuoká hursam yiem haí gáá ˈdeeme. Gaal hát điđamoká gál hí el gaa igiroká hé hođom-, gáál ˈdeđeneyoká hai oonisia. Gaal úba Máállé Guđo hí sídhle ˈdú sillie-, Kirísto lééllá hai điidhma. Hééllá ˈdaalle ˈdugaka, gaal hé ˈdeew-, il hí aargiˈdoká ál ˈjob hollo hol ˈdú egee, hai gaa bebee.

Bétiro ki Naamaká 3:3

Er hééllá onnóo: Biiy bár el met ˈdáˈdle ka ˈjoobonotoká gál af ka fichilít ˈguo-, baltlé gaa nyakaridheká el gaa igiroká les yiem hai gáá ˈdeeme.

Yuána Erká 2:18

It đalbááyáállo, les el met ˈdaˈdle hé ká ˈjobonte. It máá Kirísto ka kidhichká hát ka ˈjeˈjeenká maalle. Tá káána ke gaa ijóóllá gál burnay-, Kirísto ka kídhká hé úba biiy ká hile. Hééllá ˈdaalleka in les el met ˈdaˈdle hát he ka ˈjobonteká ke og.

Yuána Erká 4:6

Múún ke um Waaˈgiet, máá Waag ógká af nee gáál kokoo. Tá máá veel Waaˈgiet muuninyká hé gáál af nee ma kokony. Hatallá in máádhat ˈdeenylé he hogodhoká har Hím Naasan Waaˈgiet ˈdúwáállá yé gáá ˈdiiyyeka, héétí har mú ˈdeenyle máá kídhích Waaˈgiet hódho lééllá yé gáá ˈdieka, in ke hol eiy gaa nannata.

Yúúa 1:18

Itín hé gaalí geeyká, gaal kieye, Bár biiy el ˈdáˈdle ali kí ˈdeˈdeenká gál af ka fichilít ˈguo-, Waag kian ka mán-, baltle el gaa igiroká biiy yiem hai gáá ˈdeeme, gaalí hí yie.

Yúúa 1:4

Onnóo, gáál mé tikiˈd hé hí hurt kí hure, gálallá hé Waag kian ka mán. Gaal hé Waag ˈdúˈjímlé muun gáál mé fuˈdeká hol gaa lay, ˈdúˈjím héllé ˈdeđew-, gaa seseenká hoy. Héétí, gaal hé Máá kúnnaa Guđo-, gáál mé ki yaal-, Yiesu Kirísto điidhe. Gálallá he gál héle ˈdeenyle warˈgát gaa ije-, giri Waag hí ˈdéé ki iđiche-, hí ˈdeensenteká.

Kí Edhesiny 13:14

Binich hé gáál af ˈdaˈdabsuo-, ekemeyo-, bíních erkobká gaa aargiróóllá ˈdaalleka in gáláát les ˈdug ˈdú ijoká ki nyiimita. Tá binich gáál he ki mure, giri gaal bíních faaˈd órofká hí muˈde-, liil onnônyká hí chegieská ˈgie-, kor bieká yaalmitle gaalí tág nannuoká.

Kí Edhesiny 16:14

Aryaan seđééllá he aryaan gál ˈgasso-, Satan-, hé gálaat hí af ˈdaˈdaboká ekemeycho-, les lulle gállé kaansúoká af gaa verenno-, giri gál kaansúo kinaal ali tikiˈd hol mé ˈdú egeyyo-, Waag hol yegeská. Oosééllá Waag fargogínt lulle ˈgayyoká kúlíchlé guđoká he ali kí ˈdeenne.

Kí Edhesiny 18:2

Aalé mu af ˈdérká ˈdéé ki hodhe, kieye, Bábilon Guđoká hé el hí ˈgidhe! Hé el hí ˈgidhe! ˈJien Babilon hé ény aryaan yie. Héétí hé aryaan gaa nyakaridhe-, met hí hol ká eiyyeká ubaa tere dhiginiyyoká tá đányár ˈdeđew-, gálaat hí nébká ífle yie.

Kí Edhesiny 18:23

Tá nyátáá édhúmle hé geđi ko ma gaa bolominy. Gál hol shugunatká afle hé geđi máá hí ko gaa mamaloká mán. Gál kua shokodaam hol gaa mamadieká hé les gállé kaamúreká yie, tá kidh lulle hé gilka he ním kuallá hí nyimisate.

Kí Edhesiny 19:20

Aalé bíních kach ˈguo kinaal ubaa bíních giri hol máá Waag hí ˈdeem ká shigicheká hol ka hoyká Máá farich ˈdú ijo kinaal hí ˈgiliˈgay. Bíních hol máá Waag hí ˈdeem ká shigicheká hol ka hoyyallá he máá giri hé gáál af ˈdaˈdabsuo-, bíních kach ˈgúóllá gaa aargireká eekemey-, gál binich gúíyle iiy yie-, gaalí ki gue-, tá binich yaalmitlé giri gaalí tág nieká memeyká ki nyiimiteká. Aalé binich ubaa máállééllá hátlé luogolká Máá hí ˈgiliˈgayallá hí bás ˈjiete-, waar ˈjiet hí gaa boloonká hí gaa ijoká ki laalame.

Kí Edhesiny 2:11

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká hé kúfách ki naamaká hát hí kuoká mán.

Kí Edhesiny 2:17

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká mánna kaany gaa iđoká ˈbaal ha yú shigia. Wár édh-, yú meeny kaanaká ˈdug gaa veere-, meenyle máá éíy taaka hí ogká mán-, máá hí lé-, hí ˈguoká tákámle hí ógká úba ha yú shigia.

Kí Edhesiny 2:29

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo.

Kí Edhesiny 2:7

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo. Máá hé lesalloká ká adhatká ˈgór luolmiti-, ođo Waaˈgiet gaa yaalká saanolle ha yú shigia, hai kokoo.

Kí Edhesiny 20:10

Aalé Sátan gáál nyimisatééllá Waag hí bás ˈjiete-, waar ˈjiet hí gaa boloonká hí gaa ijo-, álle bíních giri kach ˈguoká ubaa bíních máá Waag hí ˈdeem ka shigicheká hol ka hoyká hí gaa ijoká ki layye. Aalé gaal kulich ubaa chúúrélle taalle bííyyo hai maanyjaa.

Kí Edhesiny 20:8

Sátan yíé hai ká ˈdeenne, kidh les met ˈdinnam áfúrle gaa ijo-, gaalí Gôg ubaa Mágog yegetká hai nyiimisata, gáál hollo hol ˈdu gáá shugunna, gáál oos hai ˈdú egeyye, gáál túoyle hát yóch bas innoká.

Kí Edhesiny 3:13

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo.

Kí Edhesiny 3:22

Máá nee ˈguoká hé Hím Naasan Waaˈgiet hí gál Kiristo geđichóóllá maalo.

Kí Edhesiny 3:6

Máá nee ˈguoká hí hé Hím Naasan Waaˈgiet hí gál Kiristo geđichóóllá maalo.

Kí Edhesiny 9:20

Gál hé seđééllá hí ma yíésiny-, les ˈdug kí ˈgitééllá hé héllé ˈdeđewká ma hâny, Waag bala ma ˈdú níiny. Gaal hátle aryáán ubaa waagam hódho-, gaalí hórkí, sibilaam ííkarská, gib raagarká, héétí waar ubaa ˈguor tág gaa nie-, hé argo ubaa mamalo mán-, hol ma gaa seseminyallá he vivita.