Tímote Erká 3:3 - Fayam Midhab Yiesu Kiristoká He Hol Af Iđiny Kaanaká

³ Mu hai máá bersh súm igianká onnôny, hai máá aˈgereká onnôny, hí máá abunaʼ-, af ka shalal mán-, birm ma geelnenyká onnow.

Tímote Erká 3:3 ပူးပေါင်းရင်းမြစ်များ

Matááyo 21:13

gáál ki ˈday, kieye, Waag hé Warˈgatle gaa hoteká kieye, ˈBílchú hí ˈbíl Waag visan yeet, he chie. Tá har hí ál gál buraa léká hođichaa! gáál yie.

He Ekeny Gál Alb Fimiká 20:33

Yú yáá máá níínní bírelle ubaa đafaraamle ílle ˈgieká mán.

Róóma 16:18

Gál hat kinaalloká hé Máá kúnnaa Guđo Kirísto hújíchle ma nanniny, gaal hé metlé hújíchle nannaa. Gaal ˈdeemano salsaloká ubaa ˈdéé hót he gálaat ki memeyoká he gálaat geđia. Yaalmitééllá in gaalí gál met af gaa guguđoká ki nyiimita.

Eféso 5:18

Bersh haí fafáminy, bersh hí faanneka, bersh gál hol ma momonyká haí hođicha. Kalat Hím Naasan Waaˈgiet hí koch cheet.

Dhesaloníke Erká 5:14

Nyaaramkínyo, héétí ha ki hí gogofsia, gál he ma uu-urinyká af taatáa, gál síéramká guogofsía, gál đááliská yiir gaa chiˈdíe, tá gáál lulle ger gaa gúch aargisía.

Tímote Erká 3:8

Gede ˈbíl geer Waaˈgiet úba hí hát tikiˈde kinaallá gál siríg ˈguoká onnow. Hai gál af hí nanama-, bersham súm igian-, hát tag ki ˈdimiká he ki aargiroká onnôny.

Tímote ki Naamaká 3:2

Af kinaal gálaat íín tákámle he hollo hol ki fede, kamúr hai geelnedhe, hollo hol memeye, gál ˈdúwaká hollo hol ká dhaˈgama, chaarimo he af ká ˈgaa, hé gál hí ˈdaloká met ma gaa kekeminy, hé gielmit gálaat hol ˈdú nannuoká mán, Waago he egesheye,

Títo 1:11

Gál hatallóóllá mé il ki súoy, gaal hai kar árginy. Gálallá he gál he onisiny tagle muuninyká é ger gálaat ki baađisuo-, birm hol gaa ˈgeˈgedhoká.

Títo 1:7

ˈDaa giri gál Kiristo máállé méteká hújích Waaˈgiet mé ki yaalká, mu hí máá gálaat hí ma ˈdeđensenká onnow. Mu hai máá mé gogo-, ídho ˈjób-, bersh hí fafaan-, aˈgere-, már ˈguoká onnôny.

Títo 2:3

Hát tikiˈdééllá karu ˈdietká úba af táátaʼ, giri gaal húgúmlé ki ijoká húgúm gál Waag kikiatká yeget-, gálaat ma heengʼeen-, hol bersham ma ˈdú haađiny-, ˈgíérích midhabká gállé ˈdietká oonisuoká.

Títo 3:2

Gaal hai máádhat méé ˈdeenêny, hí gál af ka fálaam mán-, sáa-, gálaat lulle ki midhabká onnow.

Héberew 13:5

Haí gál kamúr ˈgar aayaˈgoká onnôny, hé hí ˈgayyoká hí gaa ˈduo. Waag kieye, Yáá gon hí ma haađiny, yáá hát níínní hí hayoká mán, he chie.

Yákob 4:1

Hurt kíchiallá oosom ubaa hol ídho meete hí yé ká ˈdeđia? Hé kinaal hé he fedit gónkícho hí ká lalaanal yé ma gáá ˈdeˈdemîny?

Bétiro Erká 5:2

wala Waaˈgiet hí met ki ˈgiiyyáállá hát ˈdabaanká ˈdeeˈdemíe, af taatáa, tá hé kinaallá hé he mé ki tím muuniny, he hát hí uˈda-, Waag hí ki feˈdoká. Haí birm maralle ˈgíiny, hújích hí nanniyyáállá gófle ˈgáa.

Bétiro ki Naamaká 2:3

Gaal ˈdaa he hol ki feditleka in ˈdeem hol af tagano ki kokoo, hí nyiimita, hí he ki nannata. Tá Máá gáál ˈdéé ki iđimuo-, gáál af ki beđisatká íín kisso gáál met tág ˈdie, hé in bano.

Yúúa 1:11

Hóbá! He bá gál kinaal ki ˈdéen! Gaal hé ˈgíérích Kayinká nadhe, gaal hé hol gaa ˈdoˈdodhdhe, ˈgíérích muommo-, Balamká nadhe. Gaal hé hát tikiˈde-, mú Kóra hí Waag af đuˈduse-, Waag hí af ki beeseteká íín úba Waag af haí ki beđisata.

Kí Edhesiny 1:9

Yáá nyár kíchia Yuána lééllá, he máá kíchia ˈdaa Yiesuka hí Waag Guch lééllá hol ˈgar iđa-, hí hol ˈgar maanyjayya-, hí mé ki chichirsataká. Yú ˈdaa giri Waag ˈdeenyle ubaa fayam Yiesu gálaat geđieká in gaal ye ˈgiliˈgay, gaal ye koro Batimosallá ká sidhe.