Tímote Erká 3:16 - Fayam Midhab Yiesu Kiristoká He Hol Af Iđiny Kaanaká

¹⁶ Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Tímote Erká 3:16 ပူးပေါင်းရင်းမြစ်များ

Matááyo 1:23

ˈdeeny giri kieye, Bá dháash! Ini harteká geer haí higila, ini veel yab hai ˈdaalla, véel meeny gaalí shiguoká Emánuel, yieká. (Emánuel hélle kieye, Waag hé ke hol af ijo.)

Matááyo 13:11

Yíésu gáál ˈdéé hol ˈdú nie, kieye, Itíni in hé geer geđi Guch Waaˈgietká Waag hí shiiche. Tá gálaatí íín hé hé kinaallá Waag hí ma shíiny.

Matááyo 28:2

Aalé les đo súm motiyye, máá ˈgasso-, urru-, Waaˈgietká úr gáá leedhe, nyátáábá liish af gaa tielká gaalgalsie, nyátáábá ˈdú yíéđie.

Matááyo 3:16

Yíésu Yuána hí bie gim nieká, đo bie yé gáá ˈdie. Ál tikiˈde kinaallá úr đo af hí furme, Yuána Hím Naasan Waaˈgiet hát hóleká Yíésu ˈdu gáá lelete-, mú ˈdú yíéđianneká arge.

Matááyo 4:11

Aalé Sátan đo Yíésu in ká siete, Waag gállé ˈgasso-, urruká đo Yíésu ˈdu gáá yimie, mú ál kinaal gaa ˈdeey.

Márko 1:13

Mu ál ˈbakate kinaal ram tomon afur gaa yíéđie, mú Sátan hí ki ekesete. Mu af kinaallá ubaa bine baadietká hol af ije. Aalé Waag gállé ˈgasso-, urruká mú ál kinaal gaa ˈdeˈdeme.

Márko 16:19

Aalé Máá Guđo Yíésu gáál ˈdeenyéél geeyká đo Waag hí eete, úr mé nie, Waag gíl ˈdaallé naanietká yíéđie.

Márko 16:5

ˈDég uushich hilleká, máá ruorich đafar édhká kaadhdheká hí gíl ˈdaa naaniet ija, ˈdég birgiyye.

Lúka 2:32

Rúbáchallá he édhúm kidh lulle hé kua ˈdúwaká aargisuo-, héétí gál kua Yisirayel gaa verenoká, Símion hí yie.

Lúka 20:44

Aalé ˈDáwuˈd Messíya Máá chia Guđoká in yeedhe háluke, háteeye geđi Messíya hí iny ˈDawuˈd cheedhe? Yíésu hí gáál yie.

Lúka 22:43

Ál kinaal máá ˈgasso-, urru mare mú yé ˈdu gáá ˈdie, mú guofsie.

Lúka 24:4

Aalé ˈdég hátlé hé kinaal a ˈdaˈdabiyyeká gál yááb naama đafaraam édh ˈjiimidatká fadhdhe mare gáál láá kí ˈdie.

Lúka 24:51

Mu hátlé gáál ˈdú ˈgunumeká đo úr ki kie, Waag hí úr ˈdú eete.

Yuána 1:14

Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

Yuána 13:3

Yíésu hát ˈJaalle hí he met lulle gíl geer fie-, íín Waag gáá yimie-, kor Waag hol ˈdú nannaatká hé onnoy.

Yuána 15:26

Máá hí rangʼite-, ˈJaachú gáá yiimetká ali ha yú hí ˈdu gáá kakaa. Máá kinaallá he Hím Naasan ˈJaachú yé gáá ˈdeˈdeen-, hí ˈduuw Waaˈgiet af ki tatuoká. Hím Naasan kinaallá in hí ˈduuwchú geđia.

Yuána 16:28

Yú ˈJaa chia gáá yimie, in lésallá mé ká nie. Aalé káána lésallá ha haađia, ˈJaa chia hol ˈdú naadha, Yíésu hí gáál yie.

Yuána 17:5

Aalé, Baabá, ye ˈduuw héle les hátle biiy gaa mannayyeká yú ubaa kuun ke hol ka ˈgieká, ye káánallá ki ˈdúwash.

Yuána 20:12

gál ˈgasso-, naama-, Waaˈgiet-, đafaraam eegedhká fadhdhe-, ál gaalí gón Yiesu iifieká ijeká argiyye. Mú tikiˈd ˈdaa meká he ki ije, máátí ˈdaa ˈgas metoká he ki ije.

Yuána 6:62

Tá itín Iny Máádhat hátlé úr mé nannuo-, állé er he gáá yimieká hol ˈdú nannaatká hí aargírinyka, háte hí chíe?

He Ekeny Gál Alb Fimiká 10:34

Aalé Bétiro gáál ki ˈdiiyime, kieye, Aalé káána yáá hát ˈdabaanká he kimite, Waag hát he gáál mé tikiˈd tákámle ma ˈdú iifinyká.

He Ekeny Gál Alb Fimiká 14:27

Aalé gaal he ál Antiok kinaal ki fameká gaal gál Kiristoká hol ˈdú vie. Gaal hát Waag hol ˈgie-, Waag hí hujich ki nannasate-, tá kár giri kidh hí Kirísto iiy ki yegetká Waag hí af ki fuˈdeká, fayamle lulle gáál shie.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

Róóma 10:12

Hééllá ˈdaa gál Yuuˈdi-, ubaa gál gál Yuuˈdi muuniny-, Yiesu Kirísto iiy yieká ˈdaallé he ki yaalla. Gáál Máállé Guđoká íín tikiˈde. Ameeny gál mú veveenká ha muí ˈdú ˈjeeme.

Róóma 10:18

Aalé gál Yisirayel hé fayamééllá ma máálinyo ke yeedhe? Híʼi, gaal hé fayám maale. Hát Warˈgat Waaˈgiet hí hote-, kieye, Fayám hé les lulle eiy bash ki chie, ˈdee hé les lulle mé ki ˈdoy, chieká.

Róóma 16:25

Aaléka, Waag kí meemeyo! Waag hé Fayam Midhab Kiristo-, yú gálaat ki ˈdiyeenallá ˈdaalleka hí higiraycho. Fayam Midhab Yiesu Kiristóóllá he Waag héllé geer geđi kis ˈgayye-, tá káána ka edhesicheká.

Róóma 16:26

Aalé hát warˈgasam gál Waag hí ˈdeem ka shigicheká hí huogodheká ubaa hát Waag bííyyo ali iđóóllá hí muˈdeká, Fayam Midhab Kiristóóllá hé káána gálaat hí kidh lúl mamalsuo, giri gaal Kirísto iiy yeget-, mú el gaa igiroká.

Róóma 3:4

Híʼi, he hé hát kinaallá muuniny. Har gálaat lulle úba hođom líítaka, Waag íín hát lullé he ˈdúwa, hát káána ˈDáwuˈd hí Waag geey-, mu kieye, Hé kuuní hogotoká taglé, ˈdeensenkú hé ˈdúwa, yieká.

Róóma 8:3

Hemuumurit Waag hí gál Yuuˈdi ka shiicheká hé fargogint níínní ˈgayye-, múún gáál ađaabano gim yé gáá ˈdeđicheká mán, ˈdaa giri balt gónkúnno hemuumurít a mé kí ˈjiiyyeká. Tá Waag íín dhúrle hé gáál ađaabano gim yé gáá ˈdeeyche! Mu Inyle múúni ke ađaabano ˈgúóllá gáál ali ˈdú gáá kaay. Iny gón gálaato kí yimie. Waag hé Inylééllá suor hoyche, ađaabano gálaat ˈdeentle ˈdú iđiche.

Róóma 9:5

Gál Yisirayelallá he gál mú eshim eshim kúnnaa-, Abirááyam yé gáá ˈdieká. Kirísto he lulle mé ki yaalallá ˈdaa gálaatka úba ˈbíl íllallá he yé gáá ˈdie. Waag taalle bííyyo gaalí meemeyo. Iiy-hí, he hí hát kinaallá yeet.

Korínto Erká 15:47

Máá erkob-, Áˈdamlééllá, hé máá Waag hí eeˈd lesalloká tág gaa niiyyeká. Tá Máá ki naama-, Kirísto lééllá úrro he gáá yimie.

Korínto Erká 2:7

ˈDaalim nyí ˈdiyeennallá he ˈdeeny geer geđi-, Waag hí hol ki kaayye-, Waag hátlé les ma ka kúóninyká hí murate-, hí muun gáál ki ˈduuwaychoká.

Korínto ki Naamaká 1:19

Iny Waaˈgiet-, Yiesu Kirísto-, yú ubaa Silfáánas, tá Tímote ke hí hurtkícho gaa ˈdiyimééllá mu hé iiy-hí ma yegen, kor wáásaka, héllé kinaal el mé ma ˈgiisan, híʼi, ma yegen. Mu héllé hogodhoká hé ˈdúwaká tákáma.

Galátia 2:8

Waag Bétiro hujich ki naasate-, mú gál Yuuˈdi ali ˈdú kaayyeká in úba hát ye hujich ki naasate-, ye gál gál Yuuˈdi muuninyká ali ˈdú kaayyeká gaalí kimite.

Galátia 4:4

Tá Waag aleđuđugullé feˈdeká ali kí ˈdiiyyeká, in Waag Inyle ali gáá kaayye, ini hí ˈdalle, hemuumurít gim gáá ˈdalidhe,

Eféso 1:9

Waag hát giri feˈdeká in ˈdeenylé geer geđiká gáál yíé ˈdu gáá ˈdeeyche. ˈDeeny kinaallá bárle ali kí ˈdieka, ˈdaa Kiristoka, Waag he lullé úr ubaa les gaa ijoká hollo hol fafiyya, Kirísto mé ha ki kokoyyo.

Eféso 6:19

Yú úba ye Waag kí viivitíe, giri aadh lulle yú Fayam Midhaballá ˈdiyeen-, Waag ye ˈdéé af ká fafiyyo-, yú sierm ˈdaabo-, hé kis ˈdaa Fayam Midhaballáka, gaalí moonnoyká yú gáál eiy ki nannuoká.

Kolosááya 1:23

Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Kolosááya 1:6

Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Kolosááya 2:2

Laatééllá yú hatallá lađaanallá he giri lulkícho hí gofononno-, hí hol gielmít ka ˈgayya-, hí ˈdúˈjím Waaˈgiet aargiˈda-, giri Waag héllé geer geđi-, ˈdaa Kirístoká hí hát ˈdabaanká eiy nannasataká.

Dhesaloníke ki Naamaká 1:10

Kúlích muí gáá ˈjeen kinaal mu gálle ˈdúúw hai gaa aargira, ameeny gál mú iiy yieká lulle mú hai meeye. Tá itín ˈdaa giri fayam Kiristo ke hí geeyká hí iiy chieká, itín úba it gál kinaal gaa iđa.

Dhesaloníke ki Naamaká 2:7

Máá hemuumurit Waaˈgiet điidhééllá héllé geer geđiká hé kis hújíchle mé gáá kodhdhe. Tá hújíchle lulle hé biiy yé ma gáá ˈdeeminy, ˈdaab fargogint hí momoychoká ali ma gaa síenká.

Tímote Erká 3:9

Gaal hí fayam Waag hí geerle ká ˈgayye-, káána ke iiy yíéllá chirat, hí hé óg-, ˈduuˈdúwaká eekemeyo.

Héberew 1:3

Iny íínííllá édhúm Waaˈgiet ká eedhesia, ííni gáál Waag yaalmitle dhúrle ká aargisia, ííni ˈdeenylé fargogínt ˈguoká he met lulle kí chiiˈda. Aalé mu gáál nyuogim ubaa ađaabano gaa dhiireká, mu hé úratí Waag kansím lulle ˈgayyóóllá gíl ˈdaa naaniet yíéđie.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 7:7

Hé fálaam mán-, ke ógká, he kieye, máádhat máá hí ˈdú guđoká in hí ˈdú ˈgunuma.

Héberew 8:1

Hé nyí huogotééllá ˈdeenyle hééllá: Múún hé ke Máá méte suoryo-, Waag ˈdúwaká karallé guchi-, uratiká ˈdaa naaniet yíéđieká ˈguo.

Bétiro Erká 1:12

Gaal fayamééllá ˈdiiyimeká Waag hé hát gaal hol hujich ma ki nannîny-, itín hí hujich kí nannieká hé gáál argisiche. Gál káána hí fayam tikiˈdééllá ki ˈdiiyimééllá hé Hím Naasan Waaˈgiet úr yé gáá ˈdiiyyeká fargogintle hí ki ˈdiiyime. Waag gállé ˈgasso-, urruká úba hééllá hol eiy gaa nannasatká hé tág fedo.

Bétiro Erká 1:20

Waag hátlé les ma ka kúóninyká in Kirísto galayche, bár biiy el ˈdaˈd kaanallóóllá mú lésallá ali ˈdu gáá kaayye. Hééllá ˈdaa kíchia muí ki ekey.

Bétiro Erká 1:21

Itín Kirísto ˈdaallé hí Waag iiy ki chie, ˈdaa giri Waag Kirísto uushich yé gáá ˈdeeyche-, Kirísto ˈduwaycheká. In káána hí iiy yeen ubaa ˈdúúw Waag ká ˈgayya.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.

Bétiro Erká 3:22

Aalé Kirísto tikiˈde kinaallá in úr mé nie, káána Waag gíl ˈdaa naaniet ija, gál urru-, ˈgasso-, Waaˈgietká ubaa kansimano lullé met hí hol ká eiyyeká hí hemuumuritle gim gaa ija.

Yuána Erká 1:2

Máá gáál luolmít shigúóllá hé Waag hí nyí yé ˈdu gáá ˈdeeyche, nyáá nyí mú argiyye. In aalé mu íín hát luolmit biiyo-, ˈJaa kúnnaa Waag hol af ije-, ˈJaa kúnnaa kinaal hí nyí yé ˈdu gáá ˈdeeyká ke hí ˈduuwle geđia, ke hí ki ˈdiyime.

Yuána Erká 3:5

Kirísto ka yimíéllá, hát nyuogim ubaa ađaabano gálaat gaa egewká it óg. Tá mu íín hé nyúógích ubaa ađaab níínní ˈguoká mán.

Yuána Erká 3:8

Máá hé ˈdeđewká gaa seseenká íín máá Satan. Hé kinaallá he ˈdaa giri ameeny les mé gáá koonle, ˈjíig káána ke gaa ijóóllá, Sátan hé ˈdeđewká gaa seseenká. ˈDaa kinaallá ˈdugaka in Iny Waaˈgietallá ká yimie, giri hújích Satan eiy fufumuoká.

Kí Edhesiny 17:5

Tá min mé balalle he veerít ká ˈgayye. He veerit kinaallá he meeny héllé gálaat hí muog-, kieye, bábilon guđoká, gál bábaská ubaa les héllé gaa nyakarichká ˈjiellé chieká.

Kí Edhesiny 17:7

Aalé máá giri ˈgasso-, urruká ye heete, kieye, Háteka hééllá aˈdabiyyéel? Yú min ubaa bíních kach ˈguo-, met tiiya ubaa gaas tomon ˈguo-, min hí ˈdú iđo-, min hol gaa sisidhóóllá héllé gálaat hí muogká ha ko ká geđia.

Kí Edhesiny 7:9

Hééllá el ˈdaal yú fuˈjieká, nyésébích guđo-, túoy mán-, gálle gálaat lulle, kidh lulle, émeet lulle, ubaa af lulle yé gáá ˈdeˈdeen-, kara guchiká ubaa Élíny metle ˈgie-, gielo eegedhká fadhdhe-, kulidh gil ka ˈguoká yú arge.