Tímote Erká 3:13 - Fayam Midhab Yiesu Kiristoká He Hol Af Iđiny Kaanaká

¹³ Gede ˈbíl geer Waaˈgietallá har hujichaamle hát ˈdabaanká nieka, in gálaat hí gál ˈdúwaká ká dhaˈgama, héétí gaal iiy yeen Yiesu Kirísto ka ˈguoká úba hai gaa gofomo.

Tímote Erká 3:13 ပူးပေါင်းရင်းမြစ်များ

Matááyo 20:28

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.

Matááyo 25:21

Mú máállé guđoká mú geey, kieye, Kó tág hé ˈdúwaká ekeyche! Kuun he gédéch ˈdúwa-, hújíchle tág ki yaalká. Kuun ˈdaa giri hé ninni-, yú ko shieká hujich hát ˈdabaanká ki niiyyeká, hújích chia guđoká máállé hí mé ki yaalká ha yú ko hođia. Káde, kí hol ˈgar geyyuo, mú yie.

Lúka 19:17

Mú máállé guđoká kieye, Hé midhab, kúún he gédéch ˈdúwaká. ˈDaa giri kúún hé ninnííllá gáá ˈdúwaká, kuun aalé ˈjien met tomon kánsíchle ha cheedhe, muí mú yie.

He Ekeny Gál Alb Fimiká 21:35

Gaal ál giri gaalí ki feˈjeenká ka ˈdoyká, nyesebich ˈdeenylé osietal yuoy far ˈdú gogoy, yuoy đo Báulo úr ki eete.

He Ekeny Gál Alb Fimiká 6:15

Aalé gál giri ál gál arra kinaal gaa ijeká lulle mú gaa dhaay, máá innum hí hol gaa suoyye-, innum hí innum máá ˈgasso-, urruká chieká arge.

He Ekeny Gál Alb Fimiká 6:5

Aalé gál láli kinaal lulle hé gál alb fimiká hí hodheká hí ger gaa meey. Gaal Estéfan giri Yíésu hát ˈdabaanká iiy yie-, Hím Naasan Waaˈgiet hí koch onnoyyeká ká eey. Gál éíy taaka úba gaalí ká shuuneká he mú Fílib, Borokóro, Níkanor, Tímon, Bármen, tá Níkola giri Ántiok gáá yimie-, Waag gál Yuuˈdiká iiy yieká.

He Ekeny Gál Alb Fimiká 6:8

Aalé Estéfan giri midhant Waaˈgiet ubaa fargogint Waaˈgiet hí koch onnoyyeká hé gáál súm af ˈdaˈdabsie-, gaalí il ki argeká gálaat hurt gaa eekemey.

Korínto Erká 16:15

Estéfanas ubaa ˈbíl geerle hát he gál er lés Akayaka Kirísto iiy yie-, hújích Waaˈgiet hol ˈdú sillie-, gál Kiristo ki nannúóllá it óg. Nyaaramchú, gillo yú hí ki efe,

Filíbi 1:14

Hiigin chia yú gaa ijóóllá hé nyaaram kúnnaa Kiristoká gál gúúđo guofsiche, gaal hé nyaa ká liledhe, sierm ˈdabe, ˈdeeny Waaˈgiet súm ká ˈdiiyime.

Dhesaloníke Erká 2:2

Af giri hátle ke hí ma ˈdú gáá yímen-, nyí Filíbi gaa iđe-, gaal nyí hát ˈdeđewká ki sedhe-, nyí manyjayyeká it óg. Har káána úba he il hí nyí argiyyeka, Waag nyí nyaalím shiiche, Fayam Midhab Waaˈgietallá ke hí ki ˈdiiyime.

Tímote Erká 3:14

Yú ko ál ˈjob ˈdu gáá yiimetká fede, tá kálmaréél yú ko ál ˈjob ma gáá hilinyka, hééllá yú ko ˈdu gáá veere,

Tímote ki Naamaká 2:1

Aaléka, kó iny chiallo, ˈdúˈjím Yiesu Kirísto gaa iđóóllá far ki gógob.

Héberew 6:10

Ta Waag hé máá hé ˈdúwaká ma ekemenyká muuniny. Hújích mú ˈdaalleka hí nanniyyeká ubaa gielmit hí mú argisiche-, giri hí mú gálle yiir gaa chichirate-, tá hátle káána úba hí gáál yiir gaa chichiratóóllá hé hí in ma ká baađany.