Tímote Erká 2:8 - Fayam Midhab Yiesu Kiristoká He Hol Af Iđiny Kaanaká

⁸ Aaléka, gál yááb Waaˈgiet alb lúl gaa ijoká hí gille Waag ki eegefo, Waag viivisat. Gaal ídho ubaa hol ki fálaam mánká yú fede.

Tímote Erká 2:8 ပူးပေါင်းရင်းမြစ်များ

Matááyo 21:21

Yíésu gáál geey, kieye, Yú hí hé ˈdúwaká geeye, har hí Waag iiy yeen ká ˈgayya-, hí ger totom ma gaa ˈgiˈgisanka, it hé yú kínnáchallá ki hodhééllá tákámle ma ekemeny, gúmallá úba hí geeyche-, Siléew, hol bás ki lab, hí chieka, he đo hát kinaal hai ˈdie.

Matááyo 5:44

Tá yú íín hí geeye, gál hí hol ka kídhká geelnée, gál hí maanyjasuoká Waag ki viivitíe,

Matááyo 6:12

Hé nyí ˈdeeđeneycheká ˈdaalleka nyí ˈdú ˈjé, hát tikiˈde nyiin gál nyí he ki ˈdeeđeneyká nyí ˈdú ˈjiiyyééllá.

Lúka 23:34

Aalé Yíésu kieye, Baabá, ˈdaa giri hé gaalí ekemeyóóllá gaalí muogká, gáál ˈdú ˈjé, yie. Aalé yuoy hol koiy ki ˈdoyye, giri mú đafaraamle eiy shugunatoká.

Lúka 24:50

Aalé Yíésu gáál ˈjien gaa eedhdhe. Bédhene álleka mu gil úr ki shuunne, gáál ˈdú ˈguunume.

Yuána 4:21

Yíésu kieye, Minnééllo, hé yú ko geđúóllá ˈdúúw hósso, bár gúmallá ˈdug ubaa Yerúsalem hí ˈJaa kúnnaa Waag ma gaa viisanká ali hai kí ˈdeenne.

He Ekeny Gál Alb Fimiká 10:2

Mu ubaa umle he gál ˈdúwa Waag kikiatká. Mu gál Yuuˈdi-, he maamanká he shigie, bar lulle Waago he vivite.

He Ekeny Gál Alb Fimiká 10:31

kieye, Kornélios, Waag hé Waag visankú maalle, tá hé kua gál he maamanká shigichoká hé úba méká ˈgayyo.

He Ekeny Gál Alb Fimiká 10:4

Aalé Kornélios hát binenenyká mú gaa dhaay, kieye, Máá Guđo, he meete? yie. Mu Kornélios ˈdéé hol ˈdú nie, kieye, Waag visankú ubaa hé kua gál he maamanká shigichoká hé Waag ká nyuore, tá Waag hé ko táb ˈdoˈdoot.

He Ekeny Gál Alb Fimiká 21:5

Kor rám kínyia al kinaalloká beeyyeká, nyí kiiyye, nyí sienykínyo mé veeˈde. Tá hátlé nyí ˈjien kinaal ma gaa kíinyká, gál láli kinaal ubaa ˈdegle tá umle nyí ˈjien hol gaa eete, bás in álleka lulkínyo nyí le kurram ˈdoyye, nyí hol Waag ˈgar visate.

He Ekeny Gál Alb Fimiká 7:60

Aalé mu le ˈdoy, kurram le veere, af úr ki eey, kieye, Máá Guđo, nyúógíchallá ha gáál luut káany, yie, đo mán yie.

Korínto Erká 1:2

it gál Kiristo-, ˈjien Korinto gaa iđa-, Waag hí ká viiyye-, Yiesu Kirísto hí saas gaa dhiire-, hí Waag gálle hoyyallá, tá gál biiy lúl gaa ijo-, Máállé tikiˈde úba Máákúnno Guđo Yiesu Kirísto lééllá vivisatallá ke hí ˈdu gáá veere.

Korínto Erká 7:7

Itín onnônyka yaalmit yú ijo-, yáálle min mánnallá hí ka yíéđianna. Tá gálaat lulle shííchollé Waag hí ká shiicheká íín hol ká eiy eiyye.

Korínto ki Naamaká 2:14

Nyáá nyí Waag gielmít hol ˈdú nanniyya. Waag aadh lulle ˈdaa Kiristoka hé nyí met gaa igiˈdo, fufucho. Waag nyí hújíchle ki nannasata, giri nyí Fayam Kiristóóllá hát sáláb usiyyo-, usle biiy lúl bash ki chegetokáka nyí alb lulle bash ki hođichoká.

Filíbi 1:12

Nyaaramchú, hééllá onnóo, hé il hí ye argiyyeká hé Fayam Midhaballá bash hoy.

Dhesaloníke Erká 1:8

Hé Máá kúnnaa Guđóóllá hí hurtkícho gaa ekeyallá ˈdeenyle hé biiy lúl bash ki yie. ˈDeenyééllá hé gál Makeˈdonia ubaa gál Akaya tákámle hí ma mááliny. Har káána úba nyí gáál ma geenyka, hát hí Waag iiy chíéllá hé biiy lulle hí maalle.

Tímote Erká 5:14

Aaléka, hát yú fedoká, ˈdeg híyes-, rúóreká hí shuunat, hí umle kuol kaayo, hí é gerle tág ki ˈgiiyyo, giri kídhích kúnnaa Sátanléká kar ma aargiriny-, muun gáál ma eeshenyká.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Héberew 10:22

ha ke geerka ˈjakarany ˈgíiny, kí iiy yeen ˈduwantiká ˈguo, kí Waag met siet. Kirísto hé gáál fásle ki ˈdoy, saas ke óg-, ke ˈgíéllá hé gáál gaa dhiire, héétí mu hé gónkúnno bíé midhabká ki ˈjie.

Yákob 4:8

Waag kí ˈjobondhíe, Waag íín úba haí kí ˈjoobonto. It ađaabano ˈgayyáállo, gil ˈjidhdhíe! It ger hí nanamáállo, hol hé ˈdeđewká ka ridhdhíe!

Bétiro Erká 3:7

Beelem, ˈdaa giri ˈdegkícho đalimle hí ógká, ˈdég gálaam aargisía. Gaal íín ubaa itín shíícho Waaˈgiet luolmitiká ˈgarro hí hol aargiˈda. Aaléka, ˈdég gál ˈdúwaká ka dhaayyíe, giri Waag visankícho hé níínní hí ka momoyo mánká.