Tímote Erká 2:5 - Fayam Midhab Yiesu Kiristoká He Hol Af Iđiny Kaanaká

⁵ Waag íín tikiˈde, tá Máá gariet-, gálaat ubaa Waag hol higilsuoká úba tikiˈde, hé kinaallá he máá Yiesu Kirísto lé-,

Tímote Erká 2:5 ပူးပေါင်းရင်းမြစ်များ

Matááyo 1:1

ˈBíl íl Yiesu Kirísto ˈdalloká hátlé hol ka hoycheká hééllá: Yiesu Kirísto ˈbíl íl ˈDawuˈd giri Abirááyam yé gáá ˈdiiyyeká he yé gáá ˈdie.

Matááyo 1:23

ˈdeeny giri kieye, Bá dháash! Ini harteká geer haí higila, ini veel yab hai ˈdaalla, véel meeny gaalí shiguoká Emánuel, yieká. (Emánuel hélle kieye, Waag hé ke hol af ijo.)

Lúka 14:22

Aalé máá giri gedechká geđi hol nadheká, máállé guđoká geey, kieye, Máá guđo, hé ye geeycheká yáá mé đig yie, kor ˈbil hátle kar ˈgaa, yie.

Yuána 1:14

Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

He Ekeny Gál Alb Fimiká 4:12

Rubach hé máá éíy taaka ke gaa aargiroká mán, ˈdaa giri lésallá hé máá níínní éíy taaka hí gaa ijo-, Waag hí gáál ka shiiche-, meenyle gálaat hí ki bebeenká mánká, Bétiro hí gáál yie.

Róóma 1:3

Fayam Midhaballá Waag Inyle ˈdaallé he ki taalla. Inyáállá he máá gón gálaat kaadhdhe-, ˈbíl íl ˈDawuˈd yé gáá ˈdieká.

Róóma 10:12

Hééllá ˈdaa gál Yuuˈdi-, ubaa gál gál Yuuˈdi muuniny-, Yiesu Kirísto iiy yieká ˈdaallé he ki yaalla. Gáál Máállé Guđoká íín tikiˈde. Ameeny gál mú veveenká ha muí ˈdú ˈjeeme.

Korínto Erká 8:4

Aaléka, aany gaalí waagam hódhoká suoryam ki ˈgaˈgaloká sogimle kóonyle hátle yú hí ká geeye. Muun waagam hódho-, gál lesalloká hí vivisatká hát hé káta mánká hé ki óg. Biiy hé waagam éíy taaka hí gaa ijoká mán, Waag biiy gaa iđoká he tikiˈd tákáma.

Korínto Erká 8:6

Tá Waag íín hát tikiˈdeká hé ke óg. Waag kúnnaallá he ˈJaa kúnnaa he met lulle ka kuone-, muun ke ki ijoká. Héétí, Máá kúnnaa Guđoká íín hát tikiˈdeká hé úba ke óg. Máá kúnnaa Guđóóllá he Yiesu Kirísto giri he met lulle ˈdaalle Waag hí kí kuonne-, ˈdaalle múún ke ki ijoká.

Galátia 3:20

Máádhat har gálaat totom gaa seseenka, hé ˈdeeny muí tikiˈdeká hurt ma higiliny. Tá Waag íín tikiˈde.

Eféso 4:6

Waag íín tikiˈde, ííni he lulle ˈJaallé, ííni he lulle mé, ííni he lulle hí ki ija, tá ííni lulkúnno gáál gaa iđa.

Tímote Erká 6:13

Waag ííni he lulle luolmít shigichóóllá metle ubaa Yiesu Kirísto giri gaalí Bónti Bilááto ˈdú eey-, mú innumle ˈduuwle gaa huogodheká metle afo yú ko gaa tie,

Héberew 12:24

It he hol af iđiny kaanáállá máállé múún ubaa Waag gáál hol higilsuo-, Yíésu lééllá ubaa mú fáslé muí gáál ki ˈdaraanká úba ˈdú gáá chimie. Yíésu fásle rúbách he hogodhóóllá hé hala fás Abel hí hogodhóóllá ˈdú ˈdúwa.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Héberew 8:6

Tá Máá kúnnaa méte suoryóóllá hújíchlé Waag hí mé ki koyyeká hé gál suoryóóllá hújíchle súm ˈdú ˈdúwa. Mu íín he Máá he hol af iđiny kaana-, Waag ubaa gálaat hol higilsuo-, he hol af iđiny kissoká ˈdú ˈdúwaká. Hééllá he ˈdaa giri he hol af iđiny kaana-, Waag hí yé ká ˈdeeychééllá héllé Waag hí gálaat af iđicheká hé kissoká ˈdú ˈdúwaká.

Héberew 9:15

Hééllá ˈdaalle ˈdugaka in Kirísto he af iđiny kaanáállá máállé Waag ubaa gálaat hol higilsuoká yie, giri gál Waag hí ká viiyyeká luolmit biiyo-, Waag hí af iđicheká aargiroká. Kirísto kúfáchlé he kufééllá, he giri gaal hé ˈdeđew-, he af iđiny erkobká gaa hileká ađaabanolle ubaa nyuogimlé kinaal gáál gaa egewká.

Yuána Erká 2:1

Um chiallo, ˈdeenyééllá yú hí ˈdu gáá verenóóllá he giri hí nyuogim ubaa ađaabano ma higilinyká. Tá máádhat har nyuogich yíekaʼ, ađááb yíekaʼ hileka, af kinaalka muun hé ke Máá ˈJaa kúnnaa Waag hol af ijo-, gáál ˈdéé ˈdú hogodhoká ˈguo. Máá kinaallá he Yiesu Kirísto, giri tikiˈde-, ˈdúwaká.

Kí Edhesiny 1:13

Hé nyátáá hí ˈdú iđo kinaal hurtle máá iny máádhat ká yaal-, giel ˈdérká kaadhdhe-, sáb horki ele hiteká yú gaa arge.