Tímote Erká 2:10 - Fayam Midhab Yiesu Kiristoká He Hol Af Iđiny Kaanaká

¹⁰ Gaal hí húgúm he ekeny midhabká ˈgayyoká hol ki ootolo, hát onnônyka gál ˈdíét-, gálle hol gál Waaˈgiet yegetká hí ijoká.

Tímote Erká 2:10 ပူးပေါင်းရင်းမြစ်များ

He Ekeny Gál Alb Fimiká 9:36

Aalé Yóóba álle min lali Yiesu-, gaalí Tabídha yegie mare hí gaa iđe. Min meenylé kinaallá af gál Hellenka ˈDórkaso gaalí yeedhe. (Tabídha tá ubaa ˈDórkas hélle kieye, Ginte.) Min aadh lulle hé midhabká gálaat ki ekemeyche, gál he maamanká he shigiche.

He Ekeny Gál Alb Fimiká 9:39

Aalé Bétiro đo kie, gáál hol eedhdhe. Mu ali nyuoreká mú gaalí ˈbíl biiy ˈdug yielká eey. Aalé mu ˈbíl hileká mú ˈdeg híyes mare lulle hí ki maˈde, ˈdég buoyye, đafaraam ˈDórkas hí tág ki niiyyeká mú aargisiche.

Eféso 2:10

Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Tímote Erká 2:11

Máá ˈdiet hí he onisiny Waaˈgiet álle shab gaa yeeget, hí hát met gaa kimiká he oonoot.

Tímote Erká 2:9

Héétí gál ˈdiet yaalmit siríg ˈgayyoká hol ki ootoloká yú fede, gáál huraam faan ubaa đafaraam faanle, hí hé taglé-, midhabká onnoyyo. Gaal hai súm metle buukâny, hai huraam ubaa đafaraam him hí súm iigilishká fafáan.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Bétiro Erká 2:12

Gál Waag muogká yaalmisam ˈdúwaká hursam ki yíéđía. Har úba gaalí hé ˈdeđewká af kakaw-, gaalí ˈdeđensetka, hé ˈdúwa-, hí ekemeychoká gaalí argo, gaal hé kúlích Waag hí gáá ˈjeennoká Waag gaa meeyo.

Bétiro ki Naamaká 3:11

Aaléka, ˈdaa giri Waag hí he lulle hatal ki beđisatkáka, itín kor it gál hát máre ˈgie? Itín onnônyka hát saas manti-, yaalmitle Waag geer gaa memesichoká hí ká yíéđianna,

Kí Edhesiny 2:19

Yáá húgúm kíchia hí ˈgayya-, hát káána gielmít ubaa iiy yeen kíchia, héétí laat kíchia ubaa mé ki chirsan kíchia hí ˈgayyáállá óg. Húgúm kíchia midhab-, kaanallóóllá hát húgúm kíchia kissoká af yíé ˈdieká úba yáá óg.