Tímote Erká 1:9 - Fayam Midhab Yiesu Kiristoká He Hol Af Iđiny Kaanaká

⁹ Hé ke ógká kieye, hemuumurít máá hí gál hé ˈdúwaká ekemeyoká ˈdaalle tág ki koyká mán, he ˈdaa gál hé ˈdeđewká ekemeyo-, gálaat met ma gaa kekeminyká, ubaa ˈdaa gál Waag ma kikian-, ađaabano higiloká, tá ˈdaa gál Waag eesheyo-, hé lesietká el gaa igiroká, héétí ˈdaa gál idhaamle ubaa eelle tá gál éíy taaka yegeská in ˈdaalle gaalí hemuumurít tág ki koy.

Tímote Erká 1:9 ပူးပေါင်းရင်းမြစ်များ

Matááyo 10:21

Máádhat nyárlé hol ki ˈdalidheká ar gíl hai gaa kakaa, mú ha gaalí yeese. Héétí iny ˈjaalle ar gíl hai gaa kakaa, mú ha gaalí yeese. Um gállé hí ˈdaloká af hai ká điidhma, gáál kúfach mé hai ki kokoo.

Róóma 1:30

gálaato meet ˈdeđeneye, hé Waag néb, hollo hol chachara, churshámo ˈdoˈdomo, hollo hol memeye, gaal ˈgierim hé ˈdeđewká ki ekemeyoká tagano kokoo, hé gál hí ˈdaleká met ma gaa kekeminy,

Róóma 4:13

He af iđiny Abirááyam ubaa ˈbíl ílle Waag hí af iđiche-, giri gaal lésal liiletkáka hé hemuumurít ˈdaalle yé ma kí ˈdíiny, he ˈdaa giri mu Waag iiy yieká ˈdaallé he yé kí ˈdie. Aalé mú Waag iiy yeenlééllá, in Waag mú máá ˈdúwaká chie.

Róóma 5:20

Waag hemuumuritle af giri les ká hileká, in gálaat ađaabanolle ubaa nyuogimle ilshandhe. Tá ađaabano ubaa nyuogim ilshandheká, in Waag ˈdúˈjímle úba súm ilshante.

Róóma 6:14

ˈDaa giri itín hí hemuumurit Waag hí gál Yuuˈdi shiicheká hí gim ma gaa iđiny-, hí ˈdúˈjím Waaˈgiet gaa iđoká, hé Waag hí ma fedinyká hai hé hí he gil ki mumuroká yéen.

Galátia 3:19

Tá af kinaalka, hemuumurít hélle meete? Gálaat ˈdaa giri hé ˈdeđewká gaa seseenká in Waag gálaat hemuumurít kí muˈde, ˈdaab umut Waag hí Abirááyam af iđicheká ma ka ˈdaláanká. Hemuumurit Waag hí gálaat ka shigicheká Waag gállé ˈgasso-, urruká hí ká sisidhe, hí máá Waag ubaa gálaat toom gaa sesemeká shigie.

Galátia 5:18

Tá Hím Naasan Waaˈgiet atimle hí el gaa igiˈdaka, af kinaalka hemuumurít gim gaa iđinyle meete hí le?

Galátia 5:21

gajálti, bersh famíti, ubaa herginy kern mantiká, tá hé éíy taaka ˈdeđew-, hatalloká ekeny. Hát giri yú hí il gíl gaa helieká, yú hí geđi geeye, gál yaalmisanóóllá gaa seseenká hé Guch Waaˈgiet ma higiliny.

Galátia 5:23

abúnti, tá hol tími. Gál yaalmisanóóllá gaa seseenká hé hemurit níínní hí ˈdéé ki iđimichoká mán.

Dhesaloníke ki Naamaká 2:8

In aalíáka máá hemuumurit Waaˈgiet điidhééllá biiy yé gáá ˈdeeme. Tá Máá Guđo Yíésu hímlé af ki nannuoká mú hai ki yeese, Yíésu guchlé he kí ˈjeˈjeenká mú ha ki beđita.

Tímote Erká 4:7

ˈDeeny ˈdúúw mán-, lesalloká ubaa hibano đeemoká hol gáá fagánash. Hol húgúm Waaˈgiet gaa íđish.

Tímote Erká 6:20

Tímote, hújích Waag hí ko af kí haychééllá in ki ˈdé. Awaach ˈdúúw mán-, gál hé Waaˈgiet egesheyoká hí ˈdaraanká ubaa he onisiny gaalí ˈdaalím yeget-, kor ˈdaalím muuniny-, he onisiny Waaˈgiet hol ma ˈdú fafaminyallá hol gáá fagánash.

Tímote ki Naamaká 2:16

Awaach đeemo-, gál Waag ma kikianká hí ˈdaraanká hol gáá fagánash, ˈdaa giri awaach hatallóóllá geđi úba súm gálaat húgúm ˈdeew-, gálle Waag eesheyoká yé ˈdú ˈdeđichoká.

Tímote ki Naamaká 3:2

Af kinaal gálaat íín tákámle he hollo hol ki fede, kamúr hai geelnedhe, hollo hol memeye, gál ˈdúwaká hollo hol ká dhaˈgama, chaarimo he af ká ˈgaa, hé gál hí ˈdaloká met ma gaa kekeminy, hé gielmit gálaat hol ˈdú nannuoká mán, Waago he egesheye,

Títo 1:10

Yú hatallá ko geđúóllá he ˈdaa giri biiy gál burnay-, aˈgierˈgere-, ˈdeem met ˈdaraan-, gálaat baađisuoká hí gaa ijoká. Gálallá gúch hí gál gálaat hermisan mé ki tatuoká.

Títo 1:16

Gaal hát he yegetká kieye, nyáá nyí Waag ógo he yegedhe, kor gaal héllé ekemeyóóllá, gálle he gál Waag muogká. Gaal he gál hé Waag hí nébká ekemeyo-, gálaat met ma gaa kekeminy-, hé midhabká ekenyle uritle mánká.

Títo 1:6

Kársích gál Kiristo mé ki yaalká hí máá gaalí ma ˈdeđensen-, ˈdúwa-, min hí tikiˈde-, umle hí um húgúm midhabká ˈguoká onnow. Mú umle hai um gálaat met ma gaa kekeminy-, kóóros-, gálaat hí ˈdeđensetká onnôny.

Títo 3:3

Muun úba héle kíssóótí he gál đées-, metle ki seseme-, hé lesalloká hí nyiimite-, bált met lulle ˈgar kirmite-, hé ˈdeđewká gaa seseme-, hinááf ˈgie-, gálaat hí nebeney-, íín úba hol nebeneyká.

Héberew 11:31

Min sharmúut-, gaalí Ráab yegetallá iiy yeenle ˈdaalleka in gál dhéˈgeká hát naannáká mé guđáan chie. ˈDaa kinaallá ˈdugaka in Ráab gál Waag af đuˈduseká hol ˈgar ma kúfiny.

Héberew 12:16

Máádhat hai hol buraa gaa seséminy. Héétí hai máá hát Ésawka Waag el ma gaa igirinyká onnôny. Ésáwallá he máá guchlé inyi erká haam kóony hí tikiˈdeká hidhdheká.

Bétiro Erká 2:7

Aaléka, it giri hí Yíésu iiy chíéllá, Yíésu ˈdaakíchoka he wár ˈdúwáállá. Tá gál Yíésu iiy ma yegenká ˈdeenyle hé Warˈgat Waaˈgiet hí hote-, giri kieye, Wár gál é ˈdiˈdisoká hí điidheká hé ˈbíl wárlé hí guogoyoká yie, chieká.

Bétiro Erká 3:20

Gál Waag hí hiigitééllá he gál bár giri Nówa kádích guđoká tág nannieká Waag hol tatiyye-, Waag hí egete-, kor íín Waag af đuˈduseká. Kadich gál iraam mán-, síet-, hí gaa ijeká, bie hí ká taarsie, in ká bie.

Bétiro Erká 4:18

Hát káána Warˈgat Waaˈgiet hí hote-, giri kieye, Har máá hát Waag hí feˈdoká el gaa igiroká rúbáchlé aargiroká fargogíntaka, máá Waag ma kikianká ubaa máá hé ˈdeđewká gaa seseenká, kor hát hí háteeye? chieká.

Yúúa 1:15

Mu ka yiimetallá he giri mu gálaat lulle ˈdéé ki iđimuo-, gál Waag kian ka mánká lulle héllé ˈdeđew-, eekemeyká ˈdú ˈdeđenset-, gáál he il ká aargisuoká. Héétí mu gál Waag kian ka mán-, ađaabano ˈguo-, ˈdeem lullé kullaʼ-, Waag ki huogodheká úba ˈdeđenset-, gáál he il ká aargisuoká, he yie.

Kí Edhesiny 21:8

Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.

Kí Edhesiny 22:15

Tá gál gaa nyakarichká íín hé ˈjien kinaallá ma higiliny. Gál kinaallá he gál gilka he ním ˈguoká ubaa gál herginy gálle hol ma shúúnanká gaa seseenká, tá gál gálaat yegeská, héétí gál waagam hódhoká vivisatká ubaa ameeny gál ˈdeem hođomká giel-, gaa seseenká.