Tímote Erká 1:7 - Fayam Midhab Yiesu Kiristoká He Hol Af Iđiny Kaanaká

⁷ Gaal gál hemuumurit Waag hí Móshe shiicheká gálaat oonisuoká yegetká he fede, kor hé héllé hogodhóóllá ubaa héllé kerka óg-, gálaat oonisúóllá eiy ma nannasan.

Tímote Erká 1:7 ပူးပေါင်းရင်းမြစ်များ

Matááyo 15:14

Gál Farisaayallá hayyíe, gálallá he gál bala maaman-, gállé bala maamanká gil met chichiratká. Tá máá bala mánká máállé bala mánká gíl mé chiˈdeka, gaal hullaalle đo ˈguoˈd hai ki okoˈde, muí gáál yie.

Matááyo 21:27

Aalé gaal Yíésu ˈdéé hol ˈdú nie, kieye, Nyáá nyí muog, gaalí yie. Aalé Yíésu gáál geey, kieye, Af kinaalka, yáá kansim hééllá ki ekemeyoká máállé hí ye ká shieká úba hí ma ká geđiny, gáál yie.

Lúka 2:46

Aalé kúlích ki seđeká gaal mú ˈBíl Waaˈgiet gaa shuunne, mu gál gáál he oonisuoká hurt gaa ija. Yíésu gáál a nee koy, kor gáál heegete.

He Ekeny Gál Alb Fimiká 15:1

Gál yááb lés Yuuˈdia gáá yimie mare Ántiok kí fame, gál nyaaramká ˈdeenyéél onisie, kieye, Heermitíe, hát giri hemuumurit Waag hí Móshe ka shiicheká hí gáál oonisicheká. ˈDaab hí ma heermísanká, it rubach Waag ma gaa aargiriny, gaalí yie.

Róóma 1:22

Gaal gál ˈdaalle léká hol yegedhe, kor gaal hé đées yie.

Galátia 3:2

Itín ˈdéé hótallá hí ye hol ˈdu gáá nanniyyaká yú fede. Itín Hím Naasan Waaˈgiet ˈgíérích máre hí ki argiyye? Hemuumurít ki yaalitlé hí ki argíyye? Híʼi, fayam Kiristo hí maalle-, hí iiy chieká ˈdaallé hí ki argiyye.

Galátia 3:5

Waag hí Hím Naasanle ká shigicho-, ubaa hé gáál af ˈdaˈdabsuoká hí hurt gaa ekemeychóóllá, he in ˈdaa hemuumurít ki yaalitle ˈdugakaa? Ebá he fayam Kiristo hí maalle-, hí iiy chieká ˈdaalle ˈdugaka?

Galátia 4:21

Ebá, it giri hí hemuumurít gim gaa iđaká feˈdoká ye ka geeyyíe, hemuumurít hát chegetoká it múog?

Tímote Erká 6:4

máá kinaallá máá súm ˈdúwaká hol ká dhaˈgama, kor hé hé níínní ogká mán. Mu ˈdeem met ˈdaraan ubaa ˈdéé hót fálaam gaa iđimuoká taalle he fede. Hééllá hé hí yé gáá ˈdeˈdeenká he hinááf, shalal, ˈdeemano ˈdeđewká, tá hodhin ˈdeew-, gálaat ki nannaatká.

Tímote ki Naamaká 3:7

ˈDegééllá gálaat lullé af nee kokoyyo, hé hé ˈdúwa-, Waaˈgietká eiy ma nannasan.

Yákob 3:1

Nyaaramchú, itín gúch haí gál gálaat he oonisuoká chéen. Múúni ki gálaat he oonisúóllá hát Waag gáál súm ˈdéé ki iđimichoká hé ki óg.

Bétiro ki Naamaká 2:12

Gál hođomlééllá he hát bine-, kás mán-, gaalí ˈdú hagasat-, gaalí yegesallá. Gáál yaalmitlé kinaallá ˈdugaka in gaal hé muogká egesheye, chachara. Gaal hát bine-, gaalí yegesalláka íín úba Waag haí beđisata.