Tímote Erká 1:5 - Fayam Midhab Yiesu Kiristoká He Hol Af Iđiny Kaanaká

⁵ Atim kuuní gáál af tatiyyóóllá héllé gálaat yé ˈdú ˈdeđichoká he gielmit giri hodhin saas mánká yé gáá ˈdeˈdeennoká, ubaa hé ˈdúwa-, gaalí ógká ekenylé, tá iiy yeen ˈdúwa-, nyimisan mánká.

Tímote Erká 1:5 ပူးပေါင်းရင်းမြစ်များ

Matááyo 12:35

Máá ˈdúwaká ˈdaaka hé ˈdúwa-, geer ki sisidhoká in ˈdeenylé ˈdúwaká hí yé gáá ˈdeˈdeme. Máá ˈdeewká íín ˈdaaka hé gaa nyakarich-, he geer ki sisidhoká in ˈdeenylé gaa nyakarichká hí yé gáá ˈdeˈdeme.

Matááyo 5:8

Gál hé ˈdeđewká ger ma ki sisin-, kasle Waag gaa iđieká hé Waag hí ˈdú ˈjeˈjeenno, gaal Waag hai aargira.

He Ekeny Gál Alb Fimiká 15:9

Waag íín hé muun ubaa kidh gáál hol eiy ma gaa nanniny. Hát giri muun gáál saas gaa eeyyeká in kidh úba saas gaa eeyye, ˈdaa giri kidh Kirísto iiy yieká.

He Ekeny Gál Alb Fimiká 23:1

Báulo gál guguđo kinaal gaa dhaay, kieye, Nyaaramchú, yáá innum Waaˈgiet hát ˈdabaanká gaa seseme, ˈjíig kúlích ke gaa ijóóllá đig, muí gáál yie.

He Ekeny Gál Alb Fimiká 24:16

In bar lúl yú lađama, giri yú innum Waaˈgiet ubaa innum gálaat ađááb hol ká ririatká.

Róóma 10:4

ˈGíérích Waag hí feˈdóóllá he Kirísto. Af giri Kirísto ka yimieká in hemuumurít bárle me hí ˈgidhe. Aalé káána ameeny gál Kirísto iiy yegetká lulle Waag innumleka gál ˈdúwaká hai yegedhe.

Róóma 12:9

Gielmitkícho hí gielmit ˈdúwaká onnoyyo. Hé gaa nyakarichká nebedhíe, hé ˈdabaan-, Waag hí feˈdoká ki kuongʼoˈdíe.

Róóma 14:15

Har kúún hé kua kokonyoká máá kua Kiristoká met gaa konye-, mú geer ˈdéént shiicheka, af kinaalka kó mú hát gielmitiká ma ki seseminy. Máá Kirísto hí ˈdú kufééllá ha ˈguom kua kinaallá kóonyle hí bađisîny.

Róóma 9:1

Yú ˈdaa giri Kirísto máálléká in hé ˈdúwaká hogodho, yáá hé hódhoká ma hogon. Yáá tág kídhchú geerle ye gaa ˈdeenedhe, geer gaa ˈdeenen chiallá hé ali ma ki ˈdeˈdeminy. Kaschú ubaa Hím Naasan Waaˈgiet hé yú hogodhóóllá hát he ˈdúwaká hé óg.

Korínto Erká 13:1

Har káána úba yú afano gálaatká ubaa afano gál ˈgasso-, urru-, Waaˈgietká onnôny-, kor yú gielmít manítaka, af kinaalka hé chia yú hogodho kinaal hát hé kaal he shesheenno.

Korínto ki Naamaká 1:12

Nyiin hé midhab-, nyí ekemeyche-, nyí ki ˈgađasannoká nyáá nyí ˈgayya. Hé kinaallá he húgúm ˈdúwa-, leđuđugulle-, Waaˈgiet nyí lésallá ki iđa-, ke hí hurt ki ijóóllá. Nyiin nyáá nyí ˈdaalim gálaat lesalloká el ma gaa igiriny, nyíín geer guura Waaˈgieto nyí ki iđa, nyí af tatiyya.

Galátia 5:22

Hím Naasan Waaˈgiet saanolle he gielmíti, geer gaa meen, naanná, he ˈdú faafaan, geer guurá ˈgany, geer gaa midhánti, af ˈduwany,

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Tímote Erká 1:18

Kó iny chia Tímote lééllo, atim yú ko af kí haađúóllá, he atim ˈdaa gál Waag hí ˈdeem ká shigicheká ˈdeenylé kis ˈdaakúka hodheká ki taalká, giri ˈdeenylé kinaal ko yiir gaa chiirat-, oos ke hol yegesallá kuun hí hát ˈdabaanká hol cheeseká.

Tímote Erká 1:19

Iiy yeen Kirísto ka ˈgayyóóllá tág chíro, hé kuuní óg-, ˈduuˈdúwaká eekémesh. ˈDaa giri gáál ˈbáál héél gil sug ki hayká, in iiy yeenle eiy fufue.

Tímote Erká 3:9

Gaal hí fayam Waag hí geerle ká ˈgayye-, káána ke iiy yíéllá chirat, hí hé óg-, ˈduuˈdúwaká eekemeyo.

Tímote ki Naamaká 1:3

Yú Waag eshim eshimchú hí hujich ki nanníéllá in hát yú óg-, midhabká yú hujich ki nannaa. Yú chúúre ubaa kulich Waag vivisatká yáá ko Waag visanchú táb gaa ˈdoˈdoot, Waag gielmít hol ˈdú nannuo.

Tímote ki Naamaká 1:5

Héétí iiy yeen kua ˈdúwa-, đunu kua Lóis ubaa ˈjie kua Yúnike hí ˈgie-, tá káána yú óg-, kuuní úba ˈgayyóóllá yáá mé ká ˈguo.

Tímote ki Naamaká 2:22

Aaléka, balt gál rúóreká hí ˈguoká hash, hé Waag geer gaa memesuoká, ubaa iiy yeen, tá gielmíti, héétí naanná bala ˈdú naʼ, ˈdú laađámo. Kuun ubaa gál Máá kúnnaa Guđoká hodhinaam saas mánká ki vivisatká hol ˈgar laađamíe.

Títo 1:15

Gál saas mánká hé he lulle hí saas ki mán, tá gál iiy yeen mán-, gaa nyakarichká hé hé níínní hí saas ki mánká mán. Hééllá ˈdaa giri gáál kasle ubaa tawunyle íín gaa nyakaridheká.

Héberew 10:22

ha ke geerka ˈjakarany ˈgíiny, kí iiy yeen ˈduwantiká ˈguo, kí Waag met siet. Kirísto hé gáál fásle ki ˈdoy, saas ke óg-, ke ˈgíéllá hé gáál gaa dhiire, héétí mu hé gónkúnno bíé midhabká ki ˈjie.

Héberew 13:18

Nyí Waag kí viivitíe. Nyiin hát hé ˈdúwaká nyí ekemeychoká nyáá nyí óg. He lulle hát ˈduwantiká nyí gaa iđaká nyí feˈde.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Yákob 4:8

Waag kí ˈjobondhíe, Waag íín úba haí kí ˈjoobonto. It ađaabano ˈgayyáállo, gil ˈjidhdhíe! It ger hí nanamáállo, hol hé ˈdeđewká ka ridhdhíe!

Bétiro Erká 1:22

Aalé ˈdaa giri ˈdeeny ˈdúwa-, Waaˈgietallá hí el gaa veeˈdeká, in hí hol saas ká riate, in káána nyaaramkícho hí gielmit ˈdúwaká hol ká ˈgayya. Gielmit geer geđiká hol ki geelnedhíe.

Bétiro Erká 3:16

Tá ˈdeenyééllá ere midhab-, sáaká ki hoogodhóo. Hé innum Waaˈgietka midhab-, hí ógká tákámle eekemeyyíe. Hát kinaallá in gál hé kíchia ˈdabaan-, ˈdaa Kiristoka hí ekemeychoká ˈdeentle hí ˈdú hogodhoká fichilitlé kinaal gálle dhúrle kern ˈgiidhicha.

Bétiro Erká 3:21

Yaalmit kinaallá héllé ke hol ki ekemeyoká he bie gim naan ubaa hát Waag hí rubach shiicheká. Bie gim naanééllá hé bíé hí hol símis ki dhidhiˈdaká muuniny. Bíéllá he yaalmit máádhat hí kasle hát Waag hí feˈdoká gaa iđimuoká. Máádhat af giri Yíésu iiy yie-, mú uushich yé gáá ˈdímle úba iiy yieká in Waag hí rubach shiiche.

Bétiro Erká 4:8

Hé súm ˈdúwaká hééllá: Hát ˈdabaanká hol geelnedhíe. Hééllá he ˈdaa giri gielmít hé burnay-, ˈdeđewká gíl sug ki haađichoká.

Bétiro ki Naamaká 1:7

húgúm Waag hí feˈdoká geer gaa midhánt ˈdú chiˈdíe, geer gaa midhánt gielmít ˈdú chiˈdíe.

Yuána Erká 3:10

Yaalmit giri ke um Waaˈgiet ubaa um Satan hol eiy gaa nannasatká hééllá: Ameeny máá hé ˈdúwaká ma ekemenyká hé veel Waaˈgiet muuniny, héétí máá nyaaramlé Kiristoká ma geelnenyká hé úba veel Waaˈgiet muuniny.

Yuána Erká 3:23

Aalé Waag hemuritle hééllá, giri ki mú Inylé Yiesu Kirísto iiy yegetká, héétí hát giri muí gáál kí mure-, hol geelnedhíe, muí yieká ki hol geelnetká.

Yuána Erká 3:3

Ameeny máá he met esinyééllá Kirísto ka ˈguoká, hát tikiˈde Kirísto saas mánnallá, íín úba hé hí saas mé ki kokuoká hol ká riiriat.