Tímote Erká 1:4 - Fayam Midhab Yiesu Kiristoká He Hol Af Iđiny Kaanaká

⁴ héétí gaal hibano gaalí hol af tág ki koyallá ubaa gáál meet eshim eshimlé túóylé el met ma gáá ˈgiˈginallá ma gaa iđinyká. Hé hatallóóllá in hol ki fálaam iilshanaya, hé he fedit Waaˈgiet-, giri gálaat Kirísto iiy yegetká ˈdaalle ma ki taaliny.

Tímote Erká 1:4 ပူးပေါင်းရင်းမြစ်များ

Korínto ki Naamaká 1:12

Nyiin hé midhab-, nyí ekemeyche-, nyí ki ˈgađasannoká nyáá nyí ˈgayya. Hé kinaallá he húgúm ˈdúwa-, leđuđugulle-, Waaˈgiet nyí lésallá ki iđa-, ke hí hurt ki ijóóllá. Nyiin nyáá nyí ˈdaalim gálaat lesalloká el ma gaa igiriny, nyíín geer guura Waaˈgieto nyí ki iđa, nyí af tatiyya.

Eféso 3:2

Waag hát giri ye hújíchallá ká shiiche-, mú ˈdúˈjímle fayamle yú hí ki ˈdiyeenká, it buot maalle.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Tímote Erká 4:7

ˈDeeny ˈdúúw mán-, lesalloká ubaa hibano đeemoká hol gáá fagánash. Hol húgúm Waaˈgiet gaa íđish.

Tímote Erká 6:11

Aaléka, kó máá Waaˈgietallo, hé kinaallá hol ka río. Iđiny ˈdúwa-, Waag hí feˈdoká ubaa iiy yeen Kirísto ka ˈgayyoká, héétí gielmít ˈgany, mé ki chirsan, tá abúnt ˈgany lulle ˈdú laađámo.

Tímote Erká 6:20

Tímote, hújích Waag hí ko af kí haychééllá in ki ˈdé. Awaach ˈdúúw mán-, gál hé Waaˈgiet egesheyoká hí ˈdaraanká ubaa he onisiny gaalí ˈdaalím yeget-, kor ˈdaalím muuniny-, he onisiny Waaˈgiet hol ma ˈdú fafaminyallá hol gáá fagánash.

Tímote ki Naamaká 2:14

Gáál hééllá mé gaa káab, gáál Waag metle hát ˈdabaanká gaa géesh, giri gaal ˈdéé hót hol ki fáláámle hurt ma higilinyká. Hol ki fálaam hatallóóllá hé hé níínní midhab hí yé gáá ˈdeˈdeenká mán, gál hí nee kokuoká he baađisicha.

Tímote ki Naamaká 2:22

Aaléka, balt gál rúóreká hí ˈguoká hash, hé Waag geer gaa memesuoká, ubaa iiy yeen, tá gielmíti, héétí naanná bala ˈdú naʼ, ˈdú laađámo. Kuun ubaa gál Máá kúnnaa Guđoká hodhinaam saas mánká ki vivisatká hol ˈgar laađamíe.

Tímote ki Naamaká 2:23

ˈDeem met ˈdony đeemo-, nyag mánká hol gáá fagánash, ˈdaa giri hééllá hát hol shalal fím yé ˈdú ˈdeˈdeenká kuuní ógká.

Tímote ki Naamaká 4:4

Gaal hé ˈdúwa-, Waaˈgietallá nee konyle hai điidhma, hibano đeemo-, lesietká bala hai ˈdú nannaa.

Títo 1:1

Yú he Báulo, gédéch Waaˈgiet. Yú Waago ye máá ali gaa kaany-, Yiesu Kiristoká hoyche, giri gál Waag hí waarateká ki ˈdiyeen-, gaal Kirísto iiy yeget-, ˈdeeny ˈdúwa Waaˈgietallá lulle gaalí hát ˈdabaanká chiirat-, gaal hát Waag hí feˈdoká yíéđianká.

Títo 1:14

gaal hibano gál Yuuˈdi hí hol af tág ki koyká ubaa hemuumurit gál ˈdeeny ˈdúwaká hol gaa sormosuoká hí mureká nee ma kokonyká.

Títo 3:9

Aaléka, ˈdeem đeemo-, met mán-, gálaat hí hol ˈdú nannuoká, ubaa hol đuuram ˈdaakany shalalaamlé, héétí nyatalaam hol ki fálaam, mé af ˈgísso. Yaalmisanóóllá hé níínní ˈdiefo-, hí yé gáá ˈdeˈdeenká mán.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Bétiro ki Naamaká 1:16

Af giri ke hí geey-, Máá kúnnaa Guđo Yiesu Kirísto fargogínt hollo hol kí nanadha-, ki hí yieká, hé kinaallá hé hib điđamo-, gálaat hí hol af tág kí koyká muuniny. Yíésu ˈduuwle íín íl kínyaa nyí ki argiyye.