Tímote Erká 1:3 - Fayam Midhab Yiesu Kiristoká He Hol Af Iđiny Kaanaká

³ Af giri yú Makeˈdónia sesemeká yáá ko gil ki efe, giri Eféso gaa yíéđianno-, gál he onisiny tagle muuninyallá gálaat oonisúóllá af tatiyyo-, gaal gáál he onisiny kinaal ma oonisiny-,

Tímote Erká 1:3 ပူးပေါင်းရင်းမြစ်များ

He Ekeny Gál Alb Fimiká 18:19

Gaal he Eféso kí fameká Báulo Biriskílla ubaa Akúla ál kinaal ki hay. Mu ˈbíl ˈdiiyiminyká sedhe, gál Yuuˈdi hol ki falme.

He Ekeny Gál Alb Fimiká 18:21

Kor mu gáál in ká kekemeká mu gáál geey, kieye, Har Waag hí feˈdoka, yú geđi hollo hí hol ˈdú gáá naadha, gáál yie. Aalé mu đo kadich hile, Eféso gaa kie.

Róóma 15:26

Hé shiichóóllá, gál Kiristo lés Makeˈdonia ubaa lés Akaya gaa ijoká hí hol ˈdu gáá shuune, hí gál Kiristo-, he maaman-, Yerúsalem gaa ijóóllá ká shie.

Róóma 16:17

Nyaaramchú, gillo yú hí ki efe, gál gálaat hol eiy gaa ˈgiˈgidhuo-, hé ˈdaa Kiristoka gaalí oonisieká el ˈgiˈgisat-, hí ˈdaa eiy ki riitisuoká hol ˈdeeˈdeemíe, gaa fagandhíe.

Korínto ki Naamaká 11:4

Hééllá he ˈdaa giri máádhat hí ˈdu gáá yimieka, hé mákárta-, muí ki ˈdiyeenká hí hállééllá iiy chegetoká. Har káána úba Yíésu mákárta-, Yíésu nyí ˈdiyeenallá gaa taakaká gaalí ki ˈdiiyime yíekaʼ, hím naasan Hím Naasan Waaˈgiet hí argiyyééllá gaa taakaká gaalí ki ˈdiiyime yíekaʼ, héétí fayam Fayam Midhab hí iiy chíéllá gaa taakaká úba gaalí ki ˈdiiyime yíekaʼ, hééllá lulle hállééllá hí nee kokoyyo, it ˈduuwle ˈgas ma egeny.

Eféso 4:14

Hát kinaallá in múún geđ ke hát um niginiká, muuninyka, hát kádích baran hí hol gaa sisitoká ma yegen. Héétí ke hát gál gál đíđaská hí raraat-, hí ˈdeemlé hódhoká ki nyiimisatká ma yegen.

Filíbi 2:24

Tá har Máá Guđoká hí fedoka, yú dhúrchú hát ál ˈjob hí af kí ˈdeenká gon yáá óg.

Tímote Erká 4:11

Gálaat ˈdeenyééllá oonísish, af ki táátaʼ.

Tímote Erká 4:6

Kúún har atimééllá gál nyaaram-, Kiristoká af ki tatiyyoka, in kuun gédéch ˈdúwa-, Yiesu Kiristoká cheedhe. Fayam ke iiy yíéllá ˈdeenyle ubaa he onisiny midhab-, kuuní el gaa veeˈdééllá iiy yeenkú hai higirasicha.

Tímote Erká 5:7

Atimééllá gáál af ki táátaʼ, giri gáál gaalí ma ˈdeđensenká.

Tímote Erká 6:10

Kamúr gielmít he met lullé ˈdeđewká máádhat yé ˈdú ˈdeđicha. Kamúr baltlééllá ˈdugaka in gáál ˈbáál iiy yeenlé Kirísto iiy yieká ˈboiy gaa ˈdie, hol geer ˈdeent burnayyeká ˈdú iđie.

Tímote Erká 6:17

Gál lésalláka kaamúreká af táátaʼ, gaal hai hol egêny, hai kamur el mé mánnallá ˈdúúw hóson. Gaal hí Waag gáál he met lulle ká shigicho-, ke gaa geyyeenallá ˈdúúw hosot.

Tímote Erká 6:3

Máádhat har he onisinyééllá he onisiny éíy taaka gaa fue-, ˈdéé hót Máá kúnnaa Guđo-, Yiesu Kirísto ˈdúwáállá ubaa he onisiny Waaˈgietallá iiy ma yegenka,

Tímote ki Naamaká 1:18

Kúlích biiy el ˈdaˈd-, Máá kúnnaa Guđóóllá hí gálaat hol eiy gaa nannuoká, mú Máá kúnnaa Guđóóllá hí geer guurá argisuo. Mu hát Eféso álle ye a burnayká hujich kí chichiˈdeká úba kó tág óg.

Yuána ki Naamaká 1:7

Yú hí hatallá geđúóllá he ˈdaa giri gál burnay-, gálaat baađisuo-, Yiesu Kirísto hát gon kaadhdhe-, ka ˈdalidheká iiy ma yegenká les gaa seseenká. Gál hatallóóllá máálle he máá gálaat baađisuo-, Kirísto ka kidhichká.

Kí Edhesiny 2:14

Tá yú yáá ˈdéé um naama-, hí ˈdú ˈdeenteká ˈguo. Itín hurtkícho hé gál gálaat he onisiny Balam oonisuoká hí gaa ijo. Bálam Bálak yaalmit gál Yisirayel ađaabano mé ki kokuoká onisie. Ađaabano kinaallá he suoryam gaalí waaˈgam hódhoká ki ˈgaˈgaleká kóonylé ubaa herginy gál hol ma shúúnanká hí hol ka ˈgieká.

Kí Edhesiny 2:20

Tá hé yú hí ˈdú ˈdeenteká hééllá: It min Yésebellé-, hol máá Waag hí ˈdeem ká shigichoká hol ka hoychééllá kar shiiche, min he onisiny hódhoká gedechú onisiche, giri gaal herginy gálle hol ma shúúnanká gaa seseen-, gaal suoryam gaalí waaˈgam hódhoká ki ˈgaˈgaloká kokuoká.