Tímote Erká 1:2 - Fayam Midhab Yiesu Kiristoká He Hol Af Iđiny Kaanaká

² Warˈgatééllá kó Tímote lé-, ˈdaa iiy yeen ke Yiesu Kirísto ka ˈgúólláka, iny chia ˈdúwáállá yú ko ˈdu gáá verene. ˈJaa kúnnaa Waag ubaa Máá kúnnaa Guđo Yiesu Kirísto hí ko ˈdú ˈjeeˈjeen, hí ko geer guurá aargisuo, hí ko naanná shiiguo.

Tímote Erká 1:2 ပူးပေါင်းရင်းမြစ်များ

Róóma 1:7

Warˈgatééllá it Waag hí giel-, Waag hí ká viiyye-, hí gálle hosote-, hí Róóma gaa iđoká yú hí ˈdu gáá veere. ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Galátia 1:3

ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Dhesaloníke Erká 3:2

in nyí Tímote giri nyár kínyaa ˈdaa Waaˈgietka nyí hol hújích Fayam Midhab Kiristóóllá ˈgar nanniyyáállá ke hí ali ˈdu gáá kaay, giri mu itín hí iiy yeenkícho gaa higirasuo-, hí gogofsuo-,

Tímote Erká 1:12

Yáá Máá kúnnaa Guđo Yiesu Kirísto ye farguogoyóóllá gielmít hol ˈdú nannuo, ˈdaa giri mu ye máá hí af ˈduwasuoká ká dhaay-, ye hújíchle mé ki koyallá.

Tímote Erká 1:18

Kó iny chia Tímote lééllo, atim yú ko af kí haađúóllá, he atim ˈdaa gál Waag hí ˈdeem ká shigicheká ˈdeenylé kis ˈdaakúka hodheká ki taalká, giri ˈdeenylé kinaal ko yiir gaa chiirat-, oos ke hol yegesallá kuun hí hát ˈdabaanká hol cheeseká.

Tímote Erká 6:20

Tímote, hújích Waag hí ko af kí haychééllá in ki ˈdé. Awaach ˈdúúw mán-, gál hé Waaˈgiet egesheyoká hí ˈdaraanká ubaa he onisiny gaalí ˈdaalím yeget-, kor ˈdaalím muuniny-, he onisiny Waaˈgiet hol ma ˈdú fafaminyallá hol gáá fagánash.

Tímote ki Naamaká 1:2

Warˈgatééllá kó iny chia yú ko giel-, Tímote lééllá yú ko ˈdu gáá verene. ˈJaa kúnnaa Waag ubaa Máá kúnnaa Guđo Yiesu Kirísto hí ko ˈdú ˈjeeˈjeen, hí ko geer guurá aargisuo, hí ko naanná shiiguo.

Tímote ki Naamaká 2:1

Aaléka, kó iny chiallo, ˈdúˈjím Yiesu Kirísto gaa iđóóllá far ki gógob.

Títo 1:4

Títo, warˈgatééllá kúúni yú ko ˈdu gáá verene. Kuun veel chia yú ko ká dhaˈgama, ˈdaa giri yú ubaa kúún ke Yiesu Kirísto iiy yieká. ˈJaa kúnnaa Waag ubaa Máá kúnnaa Rubachiet Yiesu Kirísto hí ko ˈdú ˈjeeˈjeen, hí ko naanná shiiguo.

Títo 2:2

Karu yaabká af táátaʼ, giri gaal hol momoyo-, kás ˈguo-, hol tatuoká, héétí iiy yeenlé Kirísto iiy yíéllá tág chiirat-, gielmít gálaat ká ˈguo-, he lulle ˈdú fafaatká.

Títo 3:15

Gál nyí hol af iđáállá lulle hé ko naa ká yie. Gál fayam Kiristo ki yaal-, nyí giel-, hí hol af iđa kinaallá nyí naa kí áat. Lulkícho Waag hí ˈdú ˈjeeˈjeen.

Bétiro Erká 1:2

ˈJaa kúnnaa Waag kíssóótí hé hí kasle ká ˈgie, in hí waaˈde. Mu hí Hím Naasanle taak ki kodhdhe, giri itín hí Yiesu Kirísto met gaa kekeenno-, hí fás Kiristo gim nannaatoká. Waag hí taalle ˈdú ˈjeeˈjeen, hí naanna guđoká shiigicho.

Yuána ki Naamaká 1:3

Múúni ke ˈdeeny ˈdúwáállá ubaa ke gielmít ki ijóóllá ˈJaa kúnnaa Waag ubaa Inylé Yiesu Kirísto taalle bííyyo hai gáál ˈdú ˈjeˈjeme, geer guurá hai gáál aargisia, tá naanná hai gáál gaa iđimia.

Yuána ki Seđeká 1:4

Yú umchú ˈGierich ˈDúwáállá ki ijoká maaleka, geer gaa meen yú aargiroká hé tág súm guđo.

Yúúa 1:2

Waag hí súm geer guurá ubaa gielmít aargisicho, hí naanna guđoká shiigicho.