Tímote Erká 1:17 - Fayam Midhab Yiesu Kiristoká He Hol Af Iđiny Kaanaká

¹⁷ Aaléka, Kánsích taalle bííyyo ali ijo-, ki il ma ki argiriny-, íín tákámle Waagallá, taalle bííyyo gaalí meemeyo, gaalí ˈdúúw shiiguo. Iiy-hí, he hí hát kinaallá yeet.

Tímote Erká 1:17 ပူးပေါင်းရင်းမြစ်များ

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Matááyo 28:20

Itín he lullé yú hí kí mureká gáál onisía, gaal hí he onisinychú chirat. Yú yáá bar lulle ke hol ˈguo, ˈjíig biiy el ˈdáˈdle đig, Yíésu hí lalille yie.

Matááyo 6:13

Hé ˈdeđew-, maralle nyí ˈgayyaká nyí af gaa táátaʼ, nyí Sátan ka río. [Hééllá he ˈdaa giri gúch, ubaa fargogínt, tá meeny gálaat hí ko memeyoká lulle taalle bííyyo kuun hí léká! Iiy-hí, he hí hát kinaallá yeet.]

Yuána 1:18

Waag hé kálta máá hí argeká mán. Máá ke Waag gaa onnodheká, he Iny ali ka takach-, Waaˈgiet-, ˈJaalle túmus ki koyká.

Yuána 5:44

Itín hí hol eiy memeychoká hí feˈde, tá Waag ali ka takachká hí itín memeychoká in hí mé ká man háluke, tá háteeye hí ye iiy chegedhe?

Róóma 1:20

Ameeny Waag les ka kuonneká fargogintlé biiyoká ubaa íín hát he lúl hí ki ijoká lúl hé édh-, kaany mánká tákáma. He met lullé Waag hí ka kuonnééllá in Waag ke il ma ki argirinyallá ˈduuwle gálaat aargisia. Aaléka gálaat Waag ˈduuwle hé hát níínní gaa faalanká mán.

Róóma 1:23

Gaal hé Waag bííyyo ali iđo-, ma kufuminyká ˈduuwle hay, hé kufunan-, gaalí yaalmit hát káána gálaat, kimíre, bíne, tá guur tág gaa nieká bala ˈdú nie, waagamle hote.

Róóma 11:36

He met lulle Waago yé gáá ˈdie, ki ija, tá geđi Máállé íín hí le. Waag taalle bííyyo gaalí meemeyo! Iiy-hí, he hí hát kinaallá yeet.

Róóma 16:27

Waag ˈdaalím lulle ˈgayyóóllá ˈdaa Yiesu Kiristoka, kí bííyyo ˈdúúw lúl shiiguo. Iiy-hí, he hí hát kinaallá yeet.

Róóma 2:10

Tá ameeny máá hé midhabká ekemeyoká Waag haí meeyche, máá ˈdúwaká Waag haí cheedhe, naanná ha muí shigia. Hééllá erkob gál Yuuˈdi hí aargira, el gaa igíˈdelle gál gál Yuuˈdi muuninyká úba hí aargira.

Róóma 2:7

Gál hé midhabká ekemeyo-, giri aadh ˈdaatika Waag hí meeycho-, muí gál ˈdúwaká yeget-, gón ma kufuminyká muí shiguoká, luolmit biiyoká Waag haí shigicha.

Kolosááya 1:15

Waag ki ma arginyallá Inylé Kirísto ke argeka, hát hé ke íín arge. Iny íínííllá he lullé Waag hí ka kuonnééllá máállé hí mé ki yaalká.

Héberew 11:27

Mú iiy yeenle ˈdaalleka in mu lés Misirayim gaa kie. Har káána úba máá giri kansichká mú ˈdú idhaneka, mu hé mú ma kían. Mu hát máá Waag gaalí ma arginyallá il ki argokáka, mu mé ki chirte, sienyle sedhe.

Héberew 2:7

Kó bár gáá gaawallá gálaat gál ˈgasso-, urruká el koyye. Kó gálaat ˈdúúw shiiche, gáál ˈduwayche,

Bétiro Erká 5:11

Fargogínt taalle bííyyó biiyo hí mú hélle yeet. Iiy-hí, he hí hát kinaallá yeet.

Bétiro ki Naamaká 3:18

Tá Máá kúnnaa Guđo-, Rubachiet-, Yiesu Kirísto lééllá ˈdúˈjímle ubaa onyle ki hiráa. Káána ubaa bííyyo, ˈduuw taalle hí mú hélle yeet. Iiy-hí, he hí hát kinaallá yeet.

Yuána Erká 4:12

Hé máá níínní kálta Waag il ki argeká mán. Tá muun har ki hol gielnítaka, Waag hé gáál gaa iđo, gielmitle muun gáál hidh ki ariyye.

Yúúa 1:25

Waag tikiˈde-, tákámle Rúbách kúnnaallá, ˈdaa Máá kúnnaa Guđo Yiesu Kirísto léélláka, bár giri hátle les ma ka kúóninyká, ubaa bárallá, tá bííyyó biiyo, ˈdúúw, kansím, fargogínt, tá hemuumurít lulle hí hélle yeet. Iiy-hí, he hí hát kinaallá yeet.

Kí Edhesiny 15:3

Gaal Waag ubaa Élíny ár hát ár gédéch Waaˈgiet Móshe léká hí ˈdoyká ki meey, aar kieye, Máá Guđo Waag fargogínt lulle ˈgúóllo, hé kuuní ekemeychoká ebá guđáan, tá ke af ˈdaˈdaba! Kó kidh lulle Kánsích lééllo, ˈgierimkú ebá ˈdúwa, tá tagle ˈgee!

Kí Edhesiny 17:14

Gaal Élíny hai ˈdú ruuma, kor Eliny ˈdaa giri he Kánsích kansím lulle mé ki yaalká gáál hai ká aađadhdha. Tá gál Élíny hol ˈguoká he gál Waag hí viiyye-, Waag hí gálle hosote-, Waag af ˈduwasieká, muí ye yie.

Kí Edhesiny 19:1

Hééllá lulle yú argeká, yú geđi hé hát nyésébích guđoká shalallé ˈdérká ki égká úr gaa maale, shalal kieye, Alelúyya! Waagkúnno he Rúbáchkúnno, ˈduuw ubaa fargogínt mú héllé,

Kí Edhesiny 19:16

Mú gielle ubaa mú gúbúsle meeny Waag hí gaa veeˈdeká he kánsích kansím lulle mé ki yaalká.

Kí Edhesiny 19:6

Aalé yú geđi hé hát nyésébích guđoká shalallé ˈdérká ki égká maale. Hé yú maalééllá yúkúrle hát yúkúr hele, shímle hát shím ˈgeˈgete. Shalallééllá kieye, Alelúyya! Máá Guđo Waag kúnnaa fargogínt lulle ˈgúóllá hé he lulle he gaa mumuro!

Kí Edhesiny 7:12

kieye, Iiy-hí, he hí hát kinaallá yeet! Waagkúnno ˈduuwlé, ˈdaalimlé, guchlé, ubaa fargogintle ˈdugaka, taalle bííyyo kí meemeyo, kí gielmít hol ˈdú naannuo, kí ˈdúúw shiiguo. Iiy-hí, he hí hát kinaallá yeet! gaalí yie.