Tímote Erká 1:16 - Fayam Midhab Yiesu Kiristoká He Hol Af Iđiny Kaanaká

¹⁶ Hééllá ˈdugaka in Yiesu Kirísto ye geer guurá argisie, giri geer gaa guchlé yáá gálaat súm ađááb ˈdú ˈgúóllá ye argisíéllá ˈdaalleka, gál hí iiy yegetká hát geer gaa guchle gaal íín úba aargisuoká gaalí ki kiimisat-, gaal luolmit biiyoká higiloká.

Tímote Erká 1:16 ပူးပေါင်းရင်းမြစ်များ

Lúka 15:10

Yú hí geeye, hát tikiˈdééllá máá hé ˈdeđewká gaa seseenká héllé ˈdeđewká hay-, Waag makan ˈjieka, in Waag gálle ˈgasso-, urruká ger hí gaa meedhe, Yíésu hí gáál yie.

Lúka 23:43

Yíésu mú ˈdéé hol ˈdú nie, kieye, Yú ko hé ˈdúwaká geeye, kúún kúlíchallá ubaa yú ál geyyietká ha ke gaa yíéđima, mú yie.

Lúka 7:47

Aaléka, yú ko geeye, minnééllá ađaabano guđo-, ˈgayyóóllá hé Waag hí gaa eeyye, in aalé káána gielmit guđoká ˈgayya. Máá ađaab ninniká ˈguo-, kor ađaablé kinaal Waag hí gaa eeyyoká in gielmit ninniká úba ˈgaa.

Yuána 20:31

Máá warˈgatééllá ka veerééllá hé he veerééllá, he giri itín Yíésu hát he Messíya-, Iny Waaˈgietká hí iiy chegeto-, tá hí mú iiy chieka, hí luolmit biiyoká mú meenyle ki aargiˈdoká.

Yuána 3:36

Máá Íny iiy yeetká taalle luolmit biiyoká hai gaa yíéđima, tá máá Íny điidhoká hé idho Waaˈgiet hí ˈdú iđo, mu hé luolmít ma aargiriny.

Yuána 5:24

Yú hí hé ˈdúwaká geeye, máá ˈdeenychú maalo-, Máá ye ali gáá kaayká iiy yeetká, hé luolmit biiyoká ˈguo, mú álle hé ˈdéé ki iđiny mán. Máá kinaallá kisso kúfach yé gaa ˈdie, luolmít hile.

Yuána 6:37

Gál ˈJaachú hí ye ká shiguoká lulle ha ye ˈdú gáá yiimedhe, tá máá ye ˈdú gáá yimetká yáá ma aruminy.

Yuána 6:40

Hé ˈJaachú hí fedoká hééllá: Máá yáá Ínyííllá ye bala ˈdu gáá nuo-, ye iiy yeetká, luolmit biiyoká hai gaa yíéđima, tá kúlích biiy el ˈdaˈdká úba uushich yé ha yú gáá ˈdeđia, Yíésu hí gáál yie.

Yuána 6:54

Máá gónchú kuo-, fáschú ˈjioká hé luolmit biiyoká ˈguo, tá kúlích biiy el ˈdaˈdká úba uushich yé ha yú gáá ˈdeđia.

He Ekeny Gál Alb Fimiká 13:39

Aaléka, itín máá Yíésu iiy yeetká he lullé ˈdeeđeneyká ađaablé ubaa nyúógíchlé kinaal Waag haí gaa egeyye, Waag mú máá ˈdúwaká hai ká dhaˈgasanna. Hééllá he hé hemuumurit Moshe hí ma ekemenyká.

Róóma 15:4

He lullé Warˈgat Waaˈgiet gaa ijóóllá kisso gaalí veere, giri múún gáál af tatuoká. Atimééllá in muun gáál gúóf ubaa mé ki chirsan shigicha. Hát kinaallá in he lullé Waag hí gáál af iđiche-, ke met egesóóllá hát Waag hí ˈduuwasichoká ke og.

Róóma 6:23

Ađááb héllé gálaat hí gaa aargiroká he kúfach, tá hé shiicho halleello-, Waag hí gál Máá kúnnaa Guđo Yiesu Kirísto iiy yegetká shigichoká íín he luolmit biiyoká.

Korínto Erká 7:25

Aaléka, gál ma shúúnanká ˈdéé hótlé yú hí hol ˈdú gáá nannuoká hééllá: Yáá hemurit Máá kúnnaa Guđoká hí ye ká shie-, tá hí kí geđuoká mán. Yáá Máá kúnnaa Guđoká ye geer guurálle argisie-, it ˈduuwchú ógallá yú kas chia hí kí geđia.

Korínto ki Naamaká 4:1

Aaléka, ˈdaa giri Waag nyí geer guuralle hújíchallá mé ki koyyééllá, nyáá nyí ma giinany.

Eféso 1:12

Aaléka, nyííni giri nyí gál Yuuˈdi-, nyí Kirísto erkob met egete-, nyí Kirísto iiy chieká, Waag nyííni kinaallá ˈduuwle nyí memeychoká he feˈde.

Eféso 1:6

giri mú ˈdúˈjímlé-, ˈdúwáállá taalle ke mú ki memeyoká. Waag ˈdúˈjímlé-, múún gáál ˈdú ookodmichóóllá mú inylé galaamká ˈdaallé muí muun gáál ki shie.

Eféso 2:7

Hééllá Waag hí ekeychééllá, he giri bár ˈdaatika, Waag ˈdúˈjímle hát ˈdúˈjím lulle af mé iđoká gálaat aargisichoká. Múúni ki Kirísto hol liladhééllá Waag hát gáál ki midhabká gálaat hí argeka, Waag ˈdúˈjímlé ˈdúwáállá gálaat haí kiimita.

Dhesaloníke ki Naamaká 1:10

Kúlích muí gáá ˈjeen kinaal mu gálle ˈdúúw hai gaa aargira, ameeny gál mú iiy yieká lulle mú hai meeye. Tá itín ˈdaa giri fayam Kiristo ke hí geeyká hí iiy chieká, itín úba it gál kinaal gaa iđa.

Tímote Erká 1:13

Har káána úba kíssóótí yú mú chachare-, gál mú iiy yieká úba egeshey-, gáál maanyjasieka, mu hé ye geer guurá argisie. Mu ye geer guurá argisíéllá, he ˈdaa giri hééllá yú ekemeyká yú mú moonnoy-, mú iiy ma yéenká.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Bétiro Erká 3:20

Gál Waag hí hiigitééllá he gál bár giri Nówa kádích guđoká tág nannieká Waag hol tatiyye-, Waag hí egete-, kor íín Waag af đuˈduseká. Kadich gál iraam mán-, síet-, hí gaa ijeká, bie hí ká taarsie, in ká bie.

Bétiro ki Naamaká 3:15

Hééllá mé ka ˈgáa, Máá kúnnaa Guđoká geer guurallé ˈguoká in hol ki momoyo, gál burnayká hí rubach ki aargira. Nyár kúnnaa ki giel-, Báulo lééllá, ˈdaalim Waag hí shiicheká ˈdugaka in hí ˈdéé hót tikiˈdééllá úba ˈdu gáá veere.

Bétiro ki Naamaká 3:9

Waag héllé gáál af iđicheká gáál ˈbaal tala ki manítaka, íín he af iđinylé kinaallá hé tala ma gaa mannany. Waag ˈdaa kíchoka hé geer gaa guđo, gálaat lulle hí makan fafaanká he feˈde, hé máádhat hol eiy gaa ˈgiˈgisatká ma fediny.