Tímote Erká 1:15 - Fayam Midhab Yiesu Kiristoká He Hol Af Iđiny Kaanaká

¹⁵ ˈDéé hót ˈdúwa-, ke lulkúnno hát ˈdabaanká iiy yegetká hééllá: Yiesu Kirísto lésallá ka yimíéllá, gál ađaabano ˈguoká he ririma. Tá gál ađaabano ˈgúóllá yaa súm hí ađááb ˈdú ˈgaa.

Tímote Erká 1:15 ပူးပေါင်းရင်းမြစ်များ

Matááyo 1:21

María eiyyo hol nanniyya, veel yab hai ˈdaalla. Véel meenylé shigichoká Yíésu. Hééllá ˈdaa giri veel gálaat ađaabano gaa egew-, gálaat ririanká, muí mú yie.

Matááyo 18:10

Onnóo, haí gál niginííllá mú tikiˈd eeshêny. Yú hí geeye, gál niginííllá gál ˈgasso-, urru-, hí ˈdeˈdeenká hé ˈJaa chia úr ijoká aadh lulle hol af ijo.

Matááyo 18:11

Yáá Iny Máádhatallá ka yimíéllá, gál bađayká ririma, Yíésu hí gáál yie.

Matááyo 20:28

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.

Matááyo 9:13

Aaléka, sedhíe, Waag ˈdeenylé kieye, Yú itín hí gálaat geer guurá ka ˈgayyaká hí gaa fede, yáá suor hí ma gaa fediny, chieká, hélle eiy naatíe. Yú ka yimíéllá, yáá gál ađaabano mánká ma ka ˈgíen, yú gál ađaabano ˈguoká ká ˈgiedhe, muí gáál yie.

Márko 2:17

Aalé Yíésu héél maaleká gáál geey, kieye, Gál fayyáká hé gilóny ma fediny, gál basham ˈguoká in gilóny fede. Yú ka yimíéllá, yáá gál ađaabano mánká ma ka ˈgíen, yú gál ađaabano ˈguoká ká ˈgiedhe, yie.

Lúka 15:2

Aalé gál Farisaayká ubaa gál nyatalaamká yiirsam fadhdhe, kieye, Máállá gál ađaabano ˈguoká hol ˈdoy, hol ˈgar golmoto, yie.

Lúka 19:10

Tá Iny Máádhat ka yimíéllá, gál bađayká he hol gaa ˈgeˈgedhe, he ririma, Yíésu hí yie.

Lúka 5:32

Yú ka yimíéllá, yáá gál ađaabano mánká ma ka ˈgíen, yú gál ađaabano ˈguoká ká ˈgiedhe, giri gaal héllé ˈdeđewká haađuo-, gaal Waag makan fafaanká, Yíésu hí gáál yie.

Yuána 1:12

Tá gál mú ma đíin-, mú iiy yieká lulle íín hé muí ˈduuw gálle um Waaˈgiet yegetká shie.

Yuána 1:29

Bííy éíy taaka ka biˈdeká Yuána Yíésu hí ˈdu gáá yiimie-, argeká, đo kieye, Dhaayyíe, Élíny Waaˈgiet nyuogim ubaa ađaabano lésallá gaa egewká háluká!

Yuána 12:47

Máá ˈdeenychú maalo-, kor ˈdéé ma ki yaalinyká yáá ˈdéé ma ki iđiminy. Yú yáá les ˈdéé ki iđiny ma ˈdu gáá yímen, yú lés ririanká ˈdu gáá yimie.

Yuána 3:36

Máá Íny iiy yeetká taalle luolmit biiyoká hai gaa yíéđima, tá máá Íny điidhoká hé idho Waaˈgiet hí ˈdú iđo, mu hé luolmít ma aargiriny.

He Ekeny Gál Alb Fimiká 11:1

Gál alb fimiká ubaa gál giri nyaaram-, Yiesu Kirísto iiy yie-, lés Yuuˈdia gaa ijeká kidh hát ˈdeeny Waaˈgiet iiy yieká maale.

He Ekeny Gál Alb Fimiká 11:18

Aalé gaal ˈdeenyéél maaleká hol ki fálaam hay, Waag meey, kieye, Taglé, Waag úba hé kidh kár he héllé ˈdeđewká ki haađuo-, gaalí makan ki fafaanká shiiche, giri gaal luolmít aargiroká.

He Ekeny Gál Alb Fimiká 3:26

Aalé Waag gédéchle gáál hurt yé gáá ˈdeeycheká in erkob muí itín ali ˈdú gáá kaay, giri muí ˈdú ˈjeˈjeen-, lulkícho muí ˈgierim kíchia ˈdeđewká af gáá tatuoká, Bétiro hí gáál yie.

Róóma 11:14

giri kálmaréel gál chia Yuuˈdííllá tuuˈdle yú hinááf gaa vereno-, gáál ˈbaal rubach aargiroká.

Róóma 5:6

Af giri hátle ke hát mannayká, in Kirísto múúni giri ke ˈgierim Waag hí ma fedinyká gaa sesemeká gáál ˈdú kufe. Kúfách Kirísto hí gáál ˈdú kufe kinaal aleđuđugullé Waag hí muˈdeká ali kí ˈdie.

Korínto Erká 15:9

Yú Kirísto gállé alb fimiká máállé biiy el ˈdaˈdká. ˈDaa giri yú kis gál Kiristo manyjasieká, yú onnônyka, gaal hé ye mú máállé ali gaa kaanyká ma yégen.

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Tímote Erká 1:13

Har káána úba kíssóótí yú mú chachare-, gál mú iiy yieká úba egeshey-, gáál maanyjasieka, mu hé ye geer guurá argisie. Mu ye geer guurá argisíéllá, he ˈdaa giri hééllá yú ekemeyká yú mú moonnoy-, mú iiy ma yéenká.

Tímote Erká 1:19

Iiy yeen Kirísto ka ˈgayyóóllá tág chíro, hé kuuní óg-, ˈduuˈdúwaká eekémesh. ˈDaa giri gáál ˈbáál héél gil sug ki hayká, in iiy yeenle eiy fufue.

Tímote Erká 3:1

ˈDéé hót ˈdúwaká he kieye, máádhat har máá gál Kiristo ˈdeˈdeenká yegetká fedoka, mu hújích midhabká he fede.

Tímote Erká 4:9

Hééllá he ˈdéé hót ˈdúwa-, ke hát ˈdabaanká iiy yegetká.

Tímote Erká 6:13

Waag ííni he lulle luolmít shigichóóllá metle ubaa Yiesu Kirísto giri gaalí Bónti Bilááto ˈdú eey-, mú innumle ˈduuwle gaa huogodheká metle afo yú ko gaa tie,

Tímote ki Naamaká 2:11

ˈDéé hót ˈdúwa-, ke ˈdúúw hođisatká he ˈdeeny kieye, Muun ke mú hol ˈgar kufeka, áwle mú afo ke hol yíéđima.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Yuána Erká 3:5

Kirísto ka yimíéllá, hát nyuogim ubaa ađaabano gálaat gaa egewká it óg. Tá mu íín hé nyúógích ubaa ađaab níínní ˈguoká mán.

Yuána Erká 3:8

Máá hé ˈdeđewká gaa seseenká íín máá Satan. Hé kinaallá he ˈdaa giri ameeny les mé gáá koonle, ˈjíig káána ke gaa ijóóllá, Sátan hé ˈdeđewká gaa seseenká. ˈDaa kinaallá ˈdugaka in Iny Waaˈgietallá ká yimie, giri hújích Satan eiy fufumuoká.

Yuána Erká 5:11

Hé Waag hí gáál ˈduuwle ká geeycheká hééllá: Waag hé muun gáál luolmit biiyoká ká shiiche. Luolmit biiyóóllá mú Inylé ke gaa aargira.

Kí Edhesiny 21:5

Aalé Máá kara guchiká ˈdú ijoká kieye, Bá dhaayyíe, yú he met lulle káána ha ká hođia. Mu geđi kieye, Hééllá lulle warˈgát gaa véer, ˈdaa giri ˈdeenyééllá he ˈdeeny ˈdúwa-, ˈduuwawká, ye yie.

Kí Edhesiny 22:6

Aalé máá ˈgasso-, urru-, kinaal geđi ye geey, kieye, ˈDeenyééllá he ˈdeeny ˈdúwa-, ˈduuwawká. Máá Guđo Waag gál he ˈdeem ka shigieká Waaglééllá hé máállé ˈgasso-, urruká ali gáá kaay, giri mu Waag gedelle hé ˈjobintéél yé gáá ˈdeˈdeenká aargisuoká, ye yie.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.