Tímote Erká 1:14 - Fayam Midhab Yiesu Kiristoká He Hol Af Iđiny Kaanaká

¹⁴ Tá Máá kúnnaa Guđo Waag hé ye ˈdúˈjímle hát ˈdabaanká ˈdú ookoˈdmie, ˈdaa Yiesu Kiristoka ye iiy yeen ubaa gielmít ká shie.

Tímote Erká 1:14 ပူးပေါင်းရင်းမြစ်များ

Matááyo 20:9

Aalé gál giri aadh ˈgas tomon a takach hujich ka hileká ka yimieká, máá giri gál hujichká mé ki yielká hí bíre taat eiy shie.

He Ekeny Gál Alb Fimiká 15:11

Múún hé ki óg, hát gielmit Máá kúnnaa Guđo Yiesu Kirísto ke rubach ki argeká in kidh úba hát tikiˈdééllá hí rubach ki arge, Bétiro hí yie.

Róóma 16:20

Waag naanná ˈgayyoká Sátan ál ˈjob hai gaa ˈdeđeneyche, mú ˈgas metkícho hai gaa igificha. Aaléka, Máá kúnnaa Guđo Yíésu hí ˈdú ˈjeeˈjeen.

Korínto Erká 15:10

Tá Waag ˈdúˈjímle ˈdaalleka in yú hát ijóóllá yie. ˈDúˈjím Waag hí ye ká shiichééllá hé hé guđo-, midhabká ekenyle ye yé ˈdú ˈdeeyche, yáá gál alb fimíítí hujich súm ˈdú nie. Tá hújích yú níéllá hé ˈdaa fargogintchú yú ma ki níiny, he ˈdaa ˈdúˈjím Waag hí ye shiichééllá fargogintlé yú Waag hujich ki nie.

Korínto Erká 3:10

ˈDúˈjím Waag hí ye shiicheká in yú hujich ki nie. Hát máá gil óg-, é ˈdiˈdisokáka, yáá ál ˈdúwa-, gaalí ˈbíl ˈdiˈdisoká gáál argisie, gál kinaal hé ál kinaallá ˈbíl gaa ˈdiˈdiso. Tá gálaat hí hol ˈdeeˈdeen, hí ˈbíl hát ˈdabaanká ˈdiiˈdisso.

Korínto ki Naamaká 4:15

Hééllá lullééllá he ˈdaakícho ˈdugaka in il hí nyí aargiˈda, giri Waag ˈdúˈjímle gál burnayká úba nyonyoron-, gaal Waag gielmit guđoká hol ˈdú nannuo-, Waag ˈdúúw egeetoká.

Korínto ki Naamaká 8:9

It Máá kúnnaa Guđo Yiesu Kirísto gielmitlé hí ka ˈguoká ˈduuwle óg. Mu har úba kamurnayka, ˈdaakícho ˈdugaka mu hé kamurle gíl sug ki hay, máá he mánká yie, giri itín hí kamur Waaˈgiet aargiˈdoká.

Galátia 1:13

Itín bár giri yú nyátál Yuuˈdi el gaa igireká it yaalmit yú seseme-, yáálle gál Kiristo súm maanyjasie-, gáál eiy fufumieká maalle.

Dhesaloníke Erká 1:3

Iiy yeenkícho hát hí he gaa eekemeycho-, ubaa hújích kíchiallá gielmit hí ˈgayyáállá hí ki nanniyyo-, héétí har káána úba he hí ki ˈgierˈgernítaka hát hí Máá kúnnaa Guđo Yiesu Kirísto hí ˈdúúw ki ógallá nyáá nyí ˈJaa kúnnaa Waag met táb gaa ˈdoˈdooto.

Dhesaloníke Erká 5:8

Tá múúni ki um kulichká, met hí gáál ˈdú ˈgie. Kí iiy yeen ubaa gielmít hát síbil máá yuoyoká hí bala gaa higisat-, mú ririankáka kí balo gaa hisat. Kí rúbáchkúnno ˈduuwle hát shóte-, síbil-, máá yuoyoká ririankáka kí faat.

Tímote Erká 2:15

Min hí umle hát ˈdabaanká ki taal. ˈDég har iiy yeenlé Kirísto ka ˈgayyoká ki ˈgiiyyo-, héétí gielmít ubaa iđiny Waag geer gaa memesichoká, tá siríg ˈgayyoka, rubach hai aargiˈda.

Tímote Erká 4:12

Rúórmích kuallá ˈdaalleka, gálaat hai ko eeshêny, tá ˈdéé hótkú, he ekenykú, ubaa gielmitkú, tá iiy yeenkú, héétí iđinykú lúl hí húgúm saas manti-, gál Kiristo hí ka ennianká onnoyyo.

Tímote Erká 6:11

Aaléka, kó máá Waaˈgietallo, hé kinaallá hol ka río. Iđiny ˈdúwa-, Waag hí feˈdoká ubaa iiy yeen Kirísto ka ˈgayyoká, héétí gielmít ˈgany, mé ki chirsan, tá abúnt ˈgany lulle ˈdú laađámo.

Tímote ki Naamaká 1:13

Gálaat oonisichoká, he onisiny ˈdúwa-, ye gaa maallééllá yaalmitle énnig, Yiesu Kirísto taalle iiy áat, gielmit Kirísto hí ko aargisúóllá gálaat ki géélneb.

Tímote ki Naamaká 2:22

Aaléka, balt gál rúóreká hí ˈguoká hash, hé Waag geer gaa memesuoká, ubaa iiy yeen, tá gielmíti, héétí naanná bala ˈdú naʼ, ˈdú laađámo. Kuun ubaa gál Máá kúnnaa Guđoká hodhinaam saas mánká ki vivisatká hol ˈgar laađamíe.

Títo 2:2

Karu yaabká af táátaʼ, giri gaal hol momoyo-, kás ˈguo-, hol tatuoká, héétí iiy yeenlé Kirísto iiy yíéllá tág chiirat-, gielmít gálaat ká ˈguo-, he lulle ˈdú fafaatká.

Bétiro Erká 1:3

Máá kúnnaa guđo Yiesu Kirísto ˈjaallé Waag gaalí meeyo. Mú geer guurallé guđoká ˈdaalleka, mu hé muun gáál ˈdalmaat kaanaká ká shie. ˈDaa giri Yiesu Kirísto uushich yé gáá ˈdieká, in káána hát ke luolmit biiyoká ˈguoká ke og.

Yuána Erká 4:10

Waag gielmitle he hatallá, hé muun erro ke Waag geelnedhe muuniny, Waago muun gáál er geelnete, Inyle ali gáá kaayye, giri mu suor yeget-, mu ađaabanokúnno ubaa nyuogimkúnno ewle higidhoká.

Kí Edhesiny 22:21

Máá Guđo Yíésu hí lulkícho ˈdú ˈjeeˈjeen. Iiy-hí, he hí hát kinaallá yeet!