Tímote Erká 1:1 - Fayam Midhab Yiesu Kiristoká He Hol Af Iđiny Kaanaká

¹ Yú he Báulo. ˈDaa hemurit Waag kúnnaa gáál rubach shigichóóllá ubaa Yiesu Kirísto ke luolmit biiyo-, ke met egesóóllá gaa argééllá ˈdaalleka, yú he máá ali gaa kaany-, Yiesu Kiristoká.

Tímote Erká 1:1 ပူးပေါင်းရင်းမြစ်များ

Lúka 1:47

Waag giri Rúbách chiaká hé ye geer gaa meeyche,

Lúka 2:11

Kúlíchallá ény ˈDawuˈd hé máá gáál ririanká hí ki ˈdalidhe. Máá kinaallá he Máá Guđo Kirísto.

He Ekeny Gál Alb Fimiká 9:15

Aalé Máá Guđoká mú geey, kieye, Mú ˈdú sí, mu íín he faˈd chia yú galay-, meenychú gál kaansúoká, ubaa kidhlé, tá gál Yisirayel lulle mamalsuoká.

Róóma 1:1

Yú he Báulo, gédéch Yiesu Kiristo-, Waag hí ká viiyye-, hí máállé ali gaa kaanyká hosote-, Waag hí Fayamlé Midhaballá hol gaa sinle mé ki koyyeká.

Korínto Erká 1:1

Yú he Báulo, máá Waag hát hí ki feˈdeká hí ká viiyye-, hí máá ali gaa kaany-, Yiesu Kiristoká hoycheká. Warˈgatééllá yú ubaa nyár kúnnaa Sóstenes,

Korínto Erká 9:17

Fayam Midhaballá ˈdiiyiminyle har yú hol kí muˈdeka, af kinaalka yú he gaa argeka kalat. Tá yáá hújíchallá hol ma kí múran, hújíchallá Waago hí ye kí murate, in yú nannaa.

Korínto ki Naamaká 1:1

Yú he Báulo, máá Waag hát hí ki feˈdeká hí máá ali gaa kaany-, Yiesu Kiristoká hoycheká. Warˈgatééllá yú ubaa nyár kúnnaa Tímote it Kirísto iiy chie-, hí ˈjien Korinto gaa iđáállá ubaa gál Kiristo lulle lés Akaya gaa ijoká lul kíchia ke hí ˈdu gáá veere.

Galátia 1:1

Yú he Báulo, máá ali gaa kaany-, gálaat, muuninyka, máádhat hí ali ma gáá káany-, Yiesu Kirísto dhúrle ubaa ˈJaa kúnnaa Waag Yíésu uushich yé gáá ˈdeeyká hí ali gáá kaayká.

Galátia 1:11

Nyaaramchú, hééllá hí eiy nannasatoká yú fede. Fayam Midhab-, yú hí ki ˈdiiyimeká hé fayam gálaat hí hol af tág ki koyká muuniny.

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Dhesaloníke ki Naamaká 2:16

Aalé Máá kúnnaa Guđo Yiesu Kirísto dhúrle ubaa ˈJaa kúnnaa Waag gáál giel-, ˈdaa ˈdúˈjímle ˈdugaka gáál góf biiyoká ubaa hé midhab ke met egesoká ka shíéllá,

Tímote Erká 1:12

Yáá Máá kúnnaa Guđo Yiesu Kirísto ye farguogoyóóllá gielmít hol ˈdú nannuo, ˈdaa giri mu ye máá hí af ˈduwasuoká ká dhaay-, ye hújíchle mé ki koyallá.

Tímote Erká 2:3

Hééllá innum Waag kúnnaa gáál rubach shigichóólláka, he yíéđiny midhab-, Waag hí gáál ki feˈdoká.

Tímote Erká 2:7

Yú hé ˈdúwaká hogodho, yáá hódho ma hogon. ˈDeenyéél ˈdugaka in Waag ye máá ˈdiiyiminy-, ubaa máá ali gaa kaany-, tá máá gál gál Yuuˈdi muuninyká iiy yeen ubaa hé ˈdúwa-, Waaˈgietká fayamle oonisuoká hoyche.

Tímote Erká 4:10

Muun húgúm Waaˈgiet ˈganyo in ke hát ˈdabaanká ˈdú lađama. Hééllá he ˈdaa giri he met esinykúnno ki Waag bííyyo ali iđoká ke gaa iđieká. Waag íínííllá he gálaat lulle Rúbáchlé, tá súm gál hí iiy yieká Rúbáchlé.

Títo 1:3

Tá aleđuđugul Waag hí muˈdeká ali kí ˈdiiyyeká in Waag ˈdeeny luolmit biiyóóllá ká edhesiche. Waag Rúbách kúnnaallá in ˈdeenyééllá ˈdaa hemuritle yú ki ˈdiyeenká ye mé ki koyye.

Títo 2:10

Héétí gaal hai konf ˈgíiny, gaal hí hújíchle hát ˈduwantiká naannuo, giri Waag Rúbách kúnnaallá he onisinyle gálaat hí geelnetká.

Títo 2:13

Taalle ki ali ijóóllá muun Yiesu Kirísto Waag kúnnaa guđo-, Máá kúnnaa Rubachietallá af giri he guchle kí yiimet-, ki aargiroká geyyiny kinaallá ki met egese.

Títo 3:4

Tá Waag Rúbách kúnnaallá af giri geer gaa midhantle ubaa gielmitle gálaat argisicheká, hé muun gáál riiyye.

Títo 3:6

Waag Hím Naasanle muun gáál ˈdú ookodmichééllá, ˈdaa Yiesu Kiristo Rúbách kúnnaallá he muun gáál kí shiiche,

Bétiro Erká 1:21

Itín Kirísto ˈdaallé hí Waag iiy ki chie, ˈdaa giri Waag Kirísto uushich yé gáá ˈdeeyche-, Kirísto ˈduwaycheká. In káána hí iiy yeen ubaa ˈdúúw Waag ká ˈgayya.

Bétiro Erká 1:3

Máá kúnnaa guđo Yiesu Kirísto ˈjaallé Waag gaalí meeyo. Mú geer guurallé guđoká ˈdaalleka, mu hé muun gáál ˈdalmaat kaanaká ká shie. ˈDaa giri Yiesu Kirísto uushich yé gáá ˈdieká, in káána hát ke luolmit biiyoká ˈguoká ke og.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yuána Erká 4:14

Hát ˈJaakúnno gáál Inyle ali ˈdu gáá kaay-, mu les Máállé Rubachietká yíéllá nyáá nyí ˈduuwle argiyye, nyí hogoto.

Yúúa 1:25

Waag tikiˈde-, tákámle Rúbách kúnnaallá, ˈdaa Máá kúnnaa Guđo Yiesu Kirísto léélláka, bár giri hátle les ma ka kúóninyká, ubaa bárallá, tá bííyyó biiyo, ˈdúúw, kansím, fargogínt, tá hemuumurít lulle hí hélle yeet. Iiy-hí, he hí hát kinaallá yeet.