Róóma 9:5 - Fayam Midhab Yiesu Kiristoká He Hol Af Iđiny Kaanaká

⁵ Gál Yisirayelallá he gál mú eshim eshim kúnnaa-, Abirááyam yé gáá ˈdieká. Kirísto he lulle mé ki yaalallá ˈdaa gálaatka úba ˈbíl íllallá he yé gáá ˈdie. Waag taalle bííyyo gaalí meemeyo. Iiy-hí, he hí hát kinaallá yeet.

Róóma 9:5 ပူးပေါင်းရင်းမြစ်များ

Matááyo 28:20

Itín he lullé yú hí kí mureká gáál onisía, gaal hí he onisinychú chirat. Yú yáá bar lulle ke hol ˈguo, ˈjíig biiy el ˈdáˈdle đig, Yíésu hí lalille yie.

Matááyo 6:13

Hé ˈdeđew-, maralle nyí ˈgayyaká nyí af gaa táátaʼ, nyí Sátan ka río. [Hééllá he ˈdaa giri gúch, ubaa fargogínt, tá meeny gálaat hí ko memeyoká lulle taalle bííyyo kuun hí léká! Iiy-hí, he hí hát kinaallá yeet.]

Lúka 20:44

Aalé ˈDáwuˈd Messíya Máá chia Guđoká in yeedhe háluke, háteeye geđi Messíya hí iny ˈDawuˈd cheedhe? Yíésu hí gáál yie.

Yuána 10:30

Yú ubaa ˈJaachú nyí tikiˈde, Yíésu hí gáál yie.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

He Ekeny Gál Alb Fimiká 3:13

Waag giri Abiraayam-, Yisak-, tá Yakob-, giri eshim eshim kúnnaa kinaallá hé gédéchlé Yíésu ˈduwasiche. It mú gál kaansúoká gíl geer gaa kaayye. Af giri Bilááto mú ká hađieká fedeká ití mú Bilááto met gaa điite.

Róóma 1:25

Gaal hé Waag ˈduuwle hé hódhoká in gaa nie. Gaal hé Waag he lúl ka kuonnééllá hay, hé Waag hí ka kuonneká waagamle hote, viivite. Waag les lulle ka kuonnééllá taalle bííyyo gaalí meemeyo. Iiy-hí, he hí hát kinaallá yeet.

Róóma 1:3

Fayam Midhaballá Waag Inyle ˈdaallé he ki taalla. Inyáállá he máá gón gálaat kaadhdhe-, ˈbíl íl ˈDawuˈd yé gáá ˈdieká.

Róóma 10:12

Hééllá ˈdaa gál Yuuˈdi-, ubaa gál gál Yuuˈdi muuniny-, Yiesu Kirísto iiy yieká ˈdaallé he ki yaalla. Gáál Máállé Guđoká íín tikiˈde. Ameeny gál mú veveenká ha muí ˈdú ˈjeeme.

Róóma 11:28

Gál Yisirayel ˈbaal ˈdaa giri Fayam Midhab Kiristóóllá điidheká káána hé Waag hol ka kídh yie. Hééllá in hé hí ki midhabká hí yé gáá ˈdie. Tá Waag hé hátle gál Yisirayelallá giel, ˈdaa giri gáál eshim eshimle waarateká.

Korínto Erká 14:16

Har sídhkú Waag vivisato-, Waag memeychoka, gál Waag hurt gaa vivisato kinaallá, ˈdaa giri kuun hát Waag gielmít hol ˈdú nanniyyoká muogká, háteeye, Iiy-hí, he hí hát kinaallá yeet, yegedhe? Gaal in hé kua hogotoká má maalo háluke!

Korínto ki Naamaká 11:31

Máá kúnnaa Guđo Yíésu ˈJaallé Waag bííyó biiyo gaalí memeyóóllá hát hééllá ˈdugaka yú hódho ma hogonká hé óg.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Tímote Erká 6:15

Yiesu Kirísto hol ká naanlééllá, Waag ke memeyo-, íín tákámle gúch ˈgayyóóllá aleđuđugullé he muˈdeká in ali kí ˈdeeme. Waag kúnnaallá he Kánsích kansím lulle mé ki yaalká.

Tímote ki Naamaká 2:8

Yiesu Kirísto giri ˈbíl íl ˈDawuˈd-, uushich yé gáá ˈdie-, Fayamlé Midhab-, yú ˈdiyeenallá mé ká ˈgab.

Héberew 7:24

Tá Yíésu íín ˈdaa giri bííyyo ali ijoká, mu he taalle bííyyo máá kúnnaa suoryoká.

Yuána Erká 5:20

Iny Waaˈgiet hát ka yimie-, ˈdaalim ke Waag ˈdúwaká ke ki kiimisatká gáál ka shieká hé ke óg. Múún Máá ˈdúwa-, Waag Inylé-, Yiesu Kirísto lééllá ke gaa ija. Mu íínííllá he Waag ˈdúwaká ubaa luolmit biiyoká.

Kí Edhesiny 1:18

Máá bííyyo ali ijoká. Yáá kufe, tá bá dháash, yáá káána luol. Yú taalle bííyyo ali ha ija. Yú yáá kúfach ubaa ál gál kufeká hí mé nannuoká kúlfílle ˈguo.

Kí Edhesiny 22:16

Yáá Yíésu lééllá máá chia ˈgasso-, urruká ko ali ˈdú gáá kaay, giri mu ko fayamééllá shiguo-, itín hí gál Kiristo fayamééllá shigichoká. Yú he Hídh ˈbíl íl ˈDawuˈd. Yú he hidhint biiy hí ki bibiˈdo-, édhká, Yíésu hí yie.

Kí Edhesiny 22:20

Máá ye kí edhesinyééllá kí edhesieká kieye, Iiy-hí, yú ˈjobintééllá ha gáá ˈjeeme, yie. Iiy-hí, he hí hat kinaallá yeet! Kó guđo Yíésu lééllo, ka yímet!

Kí Edhesiny 5:14

Aalé hé giri luogol-, afurká kieye, Iiy-hí, he hí hát kinaallá yeet! yie. Gál giri káruká đo abuunam les ˈdane, Waag ubaa Élíny meey.