Róóma 9:4 - Fayam Midhab Yiesu Kiristoká He Hol Af Iđiny Kaanaká

⁴ Kídh chia Yisirayelallá he gál Waag hí gálle hosote-, Waag hí ˈduuwle argisiche-, Waag hol ˈdéé af iđie-, Waag hí hemuumuritle ká shiiche-, atim he naasan ˈBíl Waaˈgietká Waag hí geeyche-, Waag hí ˈdúˈjímle af iđicheká.

Róóma 9:4 ပူးပေါင်းရင်းမြစ်များ

Matááyo 21:33

Aalé Yíésu geđi gáál geey, kieye, Ebá hib he hol ki ekenyallá úba nee kóo. Máá leslé mare lésle ˈguor saano vinnaká gaa fie, tá đír ki ˈdisse. Mu les hurt ˈguoˈd gaalí saano gaa ˈduˈduoká gaa ˈgodhe, konnoch úba les gaa ˈdisse. Aalé mu gál les ˈdeˈdeen-, aadh ˈdaatika saano hisseka mú hol saano ki léká les af iđie, đo kie, lés eiy mé nie.

Yuána 1:17

Hemuumurít íín Móshe hí gáál ká hilsie. ˈDúˈjím ubaa ˈgíérích ˈdúwáállá íín Yiesu Kirísto hí gáál ká hilie.

Yuána 1:47

Aalé Yíésu Nadhániel hí ˈdu gáá yiimie-, argeká, ˈdéé hodhe, kieye, Máá Yisirayel-, honyir-, af ka hódho mánká, háluká! yie.

He Ekeny Gál Alb Fimiká 2:39

He af iđinyééllá meka he af iđinykícho ubaa he af iđiny umkícho, tá he af iđiny gál fág-, Máá kúnnaa Guđo Waag hí ká veveenká, Bétiro hí gáál yie.

Róóma 3:2

Iiy-hí, gál Yuuˈdi hé gál kidhdhoká hé hé ˈdúwa-, burnayká ˈdú ˈguo. Hé súm ˈdúwa-, gaalí gál kidhdhoká ˈdú ˈgúóllá, he ˈdaa giri gaal íín Waag hí ˈdeenyle gíl geer gaa kaayyeká.

Róóma 8:15

Itín hím naasan hí argiyyééllá hé hím naasan hí gede sierm ˈgayyoká hođichoká muuniny. Itín Hím Naasan Waaˈgiet hí um Waaˈgiet hođichoká hí argiyye. Hím Naasan Waaˈgietallá ˈdaalleka in muun ke Waag, Ába, Baabá, yegedhe.

Róóma 9:6

Aaléka, gál Yisirayel burnayká ˈdúˈjím Waag hí gálle af iđicheká ma árginyallá, he in kieye, Waag he af iđinyle hé ma ˈduwânyo ke yeedhe? Híʼi, he kieye, gál kídh Yisirayel yé gáá ˈdíéllá ˈbaal tákáma he gál Waaˈgiet, yegedhe.

Korínto ki Naamaká 11:22

Gaal har gál Heberew kátaka, yú úba he máá Heberew. Gaal har gál Yisirayel kátaka, yú úba máá Yisirayel. Gaal har hídh Abiraayam yé gáá ˈdieka, yú úba máá hídh Abiraayam.

Galátia 3:16

Waag he af iđinyle Abirááyam ubaa umutlé he af iđiche. Warˈgat Waaˈgiet hé um ma chéen, umute he chie. Waag kieye, ˈDúˈjímchú ˈdaa umut kua he ká naata, Abirááyam chie. ˈDúˈjím hé gál burnayká ˈdaalle ma ká nannaan, ˈdaa umute he ká naata. Umut kinaallá he Kirísto.

Héberew 9:1

He hol af iđiny erkob-, Waag ubaa gál Yisirayel hí hol af iđiekáka, Waag visan hé hátle ˈgayye, héétí hé ˈbíllé Waag visan lesalloká ˈgayye.

Héberew 9:10

Henaasanééllá taalle hé koonyiet, ubaa hé imi, tá bie gim naan met hí hol ká eiyyeká ˈdaallé he ki taalla. Atimééllá in gálaat hí el gaa igire, ˈjíig Waag gáál ˈgíérích kaanallóóllá yé kí ˈdeeyche.

Héberew 9:3

Đafar ˈbíl toom gaa tielká sugle he ˈbíl geer ki naamaká. ˈBíl geer ki naama kinaallá Ál Súm ˈDúwa-, Kiatoká gaalí yegie.

Héberew 9:5

Sanˈdúg met ˈdinnam hullaalle kérub taata hí ˈdug ˈdú ˈgiiyye. Kérub toomle he Waag állé súm ˈdúwaká. Kérub kinaallá kuolle sanˈdúg ˈdugo he gaach ˈdú koyye. Ál kinaallá he ál máá méte suoryoká hí aany suoryoká fásle ki ˈdarame-, ađaabano gálaat Waag hí egeyyeká. Hééllá lulle káánaka, hé ál ke ki ˈdaakayyoká mán.

Héberew 9:6

ˈBíl ˈbaaro Waaˈgietallá shokodaamlééllá gaalí hatallá hol tág ki koyka, in gál suoryoká aadh lulle ˈbíl geer erkobká higile, hújíchlé Waag met ki ˈdeˈdemeká nannie.